PO'ULE' INGULIT 20:19 - KITAB NU TUMPU ALLA LELE MA'IMAI'

¹⁹ De belemiu mompahampateakonmo sa'angu' na kota ka' nontumbuhimo, panyo pin ohungku'ije boli mompahanta'akon kau' ikiijo' anu bua'nyo okaan. Okaan na bua'nyo haha aijo' panyo boli o idei na kau'nyo, kalana kau' haha aijo' misa' sampobali' nu belemiu.

PO'ULE' INGULIT 20:19 ပူးပေါင်းရင်းမြစ်များ

2 TOMU-TOMUNDO' 3:19

Iwi-iwi' na kota' nu aha anu ko bentengnyo ka' to ima-ima' ohobo'akonmo nu belemiu; iwi-iwi' na kau' anu okaan na bua'nyo ota'imo nu belemiu, iwi-iwi' na kau' anu okaan na bua'nyo ota'imo nu belemiu, iwi-iwi' na mata nu uee nu tabuhimo nu belemiu, ka' iwi-iwi' na ale' anu toto lumba-lumba' opaha lumbu'imo nu belemiu nu batu sampe iwi-iwi' singkapmo ma'idek.”

2 TOMU-TOMUNDO' 3:25

ka' nohobo'akonmo ka' nongideimo kota' nu aha haha aijo'. Ale' anu toto lumba-lumba' anu sinahakmo nu aha pinaha Lumbu'anmo nu aha nu batu. Ahennyo iwi-iwi' na ale' kahomo batu. To mia-ian nu Israel mule' nontabuhimo mata nu uee iwi-iwi' ka' lewa'mo nonta'i to kau-kau' anu okaan na bua'nyo. Anu daagi' pinotuha' ola kota' kir-Hareset, puso nu kota' nu Moab. Ahennyo kota' aijo' suele tinumbuhanmo ka' pinaha lumbu'anmo nu batu nu mian anu lewa' mombunu'akon nu salambeta.

YEREMIA 6:6

Tumpu Anu Mahakuasa nompalentahmo aha anu balakuasa haha aijo' da montaa'i kau' ka' mombau puge'nyo nu palatahanan pontumbuhian Yerusalem. Tumpu notatae, “Kota' aiya Ku hukumo kalana kiijo' i unonyo manjoo'mo hondo na nomabu palabuatan monsuka-sukai na mompalentah.

MATIUS 21:19

Ia nontoa sangkau na kau' ara i sambiha' nu jalan. Ia namba i pu'unnyo, nu kau' aijo', panyo madi' nohumpak sa'angu' pe'e na bua'nyo, boli mompiakon hohonnyo. Lantas i Yesus notatae i kau' aijo', “Oko madi'mo daagi' mimbua'!” Lau-laus kau' ara aijo' nagayou.

MATIUS 3:10

Bobolo' sinadiamo bau pontaa' kau' toka i baka-bakatnyo. Toto sampu'un anu madi' mohasinakon bua'nyo anu ma'ima' tionyo o taa' ka' o alin i uno nu apu.

PO'ULE' INGULIT 20:18

Opatei na aha da aha madi' monsaduakon belemiu baladosa' hi Tumpu Allah nu belemiu, kalana aha mompogulu'mo belemiu mombau kalakuan anu ma'idek hi pilogot nu aha.

PO'ULE' INGULIT 20:20

To kau-kau' sangga'at timbali opahanta'akonmo nu belemiu da bau pompagan ka' bau polibaan pontumbuhian miu aha sampe kota aijo' mahungku'mo.”

PO'ULE' INGULIT 26:6

Mian nu Mesir nongkabisa'imo hondo kami ka' lewa'mo pinakisa na kami mokalaja susumo botuan.