PO'ULE' INGULIT 20:18 - KITAB NU TUMPU ALLA LELE MA'IMAI'

¹⁸ Opatei na aha da aha madi' monsaduakon belemiu baladosa' hi Tumpu Allah nu belemiu, kalana aha mompogulu'mo belemiu mombau kalakuan anu ma'idek hi pilogot nu aha.

PO'ULE' INGULIT 20:18 ပူးပေါင်းရင်းမြစ်များ

2 TOMU-TOMUNDO' 21:3

Tampat anu lewa' ponsomban pilogot anu ingideanmo i Hizkia tuumanyo po'ule'mo binaunyo. Manjoo' na mezbah anu lewa' binaunyo bau ponsomban Baal, ka' nombaumo mule' patong Pilogot boune Asyera, susumo anu binaumo i Ahab tomundo' nu Israel. I Manasye mule' nonsombahmo to bina-binatang.

NOSABATMO 23:32

Boli mombau palajanjian tiba mian haha aijo' kabai to pilo-pilogot nu aha.

NOSABATMO 23:33

Boli mompobee' mian haha aijo' jojoong i lipu' nu belemiu da belemiu boli monsombah to pilo-pilogot nu aha, ka' baladosa'mo hi beleng-Ku. De belemiu monsombahmo pilogot nu aha haha aijo', belemiu nukonamo nu ponggoda nu aha sahingga belemiu silakamo.”

NOSABATMO 34:12

Boli mombau palajanjian tiba to mia-mian i lipu' anu olambani miu, kalana han aijo' timbalimo monsaduakon sahingga belemiu mohumpak kasilakaan.

NOSABATMO 34:16

De to ana-anak nu belemiu mo'osoamo tiba to bou-boune anu i salipu'an, aha nusale'imo nu boune haha aijo' da opala'imo na Aku ka' monsombahmo pilogot haha aijo' nu aha.

1 KORINTUS 15:33

Boli o akali! Po'imboan anu ma'idek mongidei kalakuan anu ma'ima'.

2 KORINTUS 6:17

Mokonyo aijo', pala'i na to mia-mian anu madi' monsumbu' Tumpu aijo', ka' boli mogalum na butongum hi aha. Boli hondo-hondo monsasuhi anu mahenyu, da Ku talimaje na komiu.

EFESUS 5:11

Boli mombau bauon anu madi' mingguna, anu nu nubau nu to mia-mian anu tumuu' i uno nu pintung. Ola ahi' maunyo opotalang miu na hahan anu sumo aijo'. (

PO'ULE' INGULIT 18:19

Ia motatae kalana sanggong-Ku, ka' Aku mohukum mau mule' pa' ihe na anu madi' mongka'oho' mohongo ia.

PO'ULE' INGULIT 18:9

“De belemiu ninsoopmo i lipu' anu binee'mo nu Tumpu Allah nu belemiu hi belemiu, boli montiho' bauon anu toto ma'i-ma'idek na nubau nu to bansa-bansa ikiijo'.

PO'ULE' INGULIT 20:17

Susumo anu pinalentahkon nu Tumpu Allah nu belemiu, belemiu tionyo ahi mompatei aha mian nu Het, Amori, Kana'an, Feris, Hewi ka' Yebus.

PO'ULE' INGULIT 20:19

De belemiu mompahampateakonmo sa'angu' na kota ka' nontumbuhimo, panyo pin ohungku'ije boli mompahanta'akon kau' ikiijo' anu bua'nyo okaan. Okaan na bua'nyo haha aijo' panyo boli o idei na kau'nyo, kalana kau' haha aijo' misa' sampobali' nu belemiu.

2 TESALONIKA 3:14

Kugantang daagi' ko mian anu madi' mongka'oho' montuluti apaa na anu tinaloakonmo mami i uno nu sulat aiya. Obalaingati na mian anu sumo aijo', ka' boli mosangalu tiba ia da ia ma'ambang.

1 TIMOTIUS 6:5

ka' po'uwalian anu madi'mo ko kamingkotannyo. Jalan pikilan nu mian haha aijo' pinu'otmo ka' madi'mo daagi' totu'u. Aha monsangka de bala agama moko timbali kaya.

YOSUA 23:13

bala'ingati, kalana Tumpu Allah nu belemiu totu-totu'u madi'mo molaa' bansa haha aijo' de mompala'imo belemiu. Panyo ola ahi', ahamo na monsilakai belemiu, kalana aha timbalimo susumo so'o kabai bau pohakop belemiu. Ahamo na monsaduakon belemiu da sansala hondo; kalana aha timbalimo susumo bau pondoke i tundun miu kabai susumo hii' i uno nu mata miu. Belemiu saja'mo mongoa'i sansala sahingga maumo ola samian anu atina' hi belemiu madi'mo ko anu jojoong i lipu' anu ma'ima' aiya anu binee'mo nu Tumpu Allah nu belemiu hi belemiu.

TO MIA-MIAN KOPIAN 2:3

Jadi, uuka aiya potombihing! Aku madi' molaa' to mia-mian nu lipu' aiya de belemiu mahampate tiba aha. Aha timbalimo sampobali' nu belemiu, ka' belemiu mohongo-hongomo apaa na anu nupoto'i nu aha, sahingga belemiu monsombahmo suele to pilo-pilogot nu aha.”