PO'ULE' INGULIT 20:10 - KITAB NU TUMPU ALLA LELE MA'IMAI'

¹⁰ De belemiu mambamo montumbuhi sa'angu' na kota bee'i pe'e tempo' na mian anu jojoong ikiijo' pa' aha madi' mongewa.

PO'ULE' INGULIT 20:10 ပူးပေါင်းရင်းမြစ်များ

YESAYA 57:19

Aku mombee'ije ka' amanan hi iwi-iwi' na mian, maumo anu ohani kabai anu majo'on. Aku mombee'ije kahosonan hi mian anu palesayamo hi beleng-Ku.

ZAKHARIA 9:10

Tumpu notatae, “Kareta-kareta anu bau pahampate anu lengkat mae i Efraim, Ku alinje, iwi-iwi' na ajahan nu Yerusalem Ku hopu'ije, ka' iwi-iwi' na pana' Ku hansunije. Tomundo' nu belemiu mombebakonje paladamean hi aha to bansa-bansa. Lengkat mae i ambai mamba i ambai na ia balakuasa, lengkat mae i Kaunyo nu Efrat toka-toka i puusnyo nu dunia.”

SISIKON NU TO RASUL-RASUL 10:36

Sinumbu'mo nu to Utu-utus na isi nu lele anu pinotoka nu Tumpu hi bansa Israel. Lele aijo' aitumo Lele Ma'ima', mongkona paladamean hi Yesus Kristus, aitumo Tumpu nu iwi-iwi' mian.

2 KORINTUS 5:18

Iwi-iwi' aijo' binau nu Tumpu. Ninjalan hi Kristus, na Tumpu nompotimbali kita nompo'ule'mo na'ima' tiba Ia, lantas nompalentah kita da to mia-mian sangga'at timbali mompo'ule' ma'ima' suele tiba Tumpu.

EFESUS 2:17

Mokonyo aijo' i Kristus tinokamo nompolele Lele Ma'ima' mongkona paladamean aijo' hi komiu; mau misa' hi komiu mian nu Yahudi anu naipuan mae majo'on hi Tumpu, maumo hi mian nu Yahudi anu ohani hi Tumpu.

PO'ULE' INGULIT 2:26

“Lapas aijo' aku nonsaimo tinopia-piangkuka na mian anu lengkat mae i padang bola Kedemot namba hi Tomundo Sihon anu lengkat mae i Hesybon da mompotoka poitaon kahanda' da mompaha ima'mo, sumo uuka.

PO'ULE' INGULIT 20:11

De aha montuhea'akonmo tumban nu sabatan daka' nu kota ka' madi'mo mongewa, aha iwi-iwi' tionyo ahi' opotimbalimo posaihon nu belemiu ka' mombau kalaja anu opakisakon nu belemiu.

PO'ULE' INGULIT 20:9

Moko lapas na to kapa-kapala nu suludadu motatae hi suludadu, lantas o hangkatmo ahi' na anu mongkapalai toto sa'angu' na gombuannyo nu suludadu.

TO MIA-MIAN KOPIAN 11:12

Lapas aijo' i Yefta nonsaimo mian namba hi tomundo nu aha Amon da mompoto'i sumo uuka, “Apaa na kasala'an mami sahingga belemiu mompahampateakonmo lipu' mami?”

TO MIA-MIAN KOPIAN 21:13

Lapas aijo' iwi-iwi' na mian nu Israel nonsaimo bobotokon hi to mia-mian nu Benyamin anu kiita mae ito bungkut-bungkutnyo nu batu Rimon kahanda' monsale'i da baladamemo.