PO'ULE' INGULIT 20:1 - KITAB NU TUMPU ALLA LELE MA'IMAI'

¹ “De belemiu mambamo mahampate mongewamo sampobali' nu belemiu, boli mabuhuk na montoa kareta anu nupake mae nu aha mahampate ka' ajahan nu aha manjoo' ka' suludadu nu aha anu konjoo'nyo molingkuduimo konjoo'nyo nu belemiu. Tumpu Allah nu belemiu anu nompobebasmo belemiu lengkat mae i Mesir, na montulungi belemiu.

PO'ULE' INGULIT 20:1 ပူးပေါင်းရင်းမြစ်များ

KAJADIAN 26:3

Ku jagaije na beleyum ka' ku balakati. Songko-songko na da'erah aiya Ku bee'mo hi beleyum ka' hi lee' nu beleyum. Ku ganapije na janji' anu binee'-Kumo hi Abraham tuuma nu beleyum.

2 TAWARIKH 14:10

Sahingga nambamo na i Asa nongahopi i Zerah, ka' ua'aha aijo' bubu'mo nongatun suludadu nu aha i Bangka'nyo nu Zefata koko Meresa.

2 TAWARIKH 14:11

Lantas i Asa binalado'amo hi Tumpu Allah-nyo, “O Tumpu, olamo belento na timbali montulungi mian anu madi' mahoson mongewa anu mahoson. Tulungi mae na kami uuka aiya, O Tumpu Allah mami! Samata-mata olamo hi belento na patisehan mami, ka' hi sanggo nu Belento na kami nambamo mahampate mongewa gombuan nu suludadu anu manjoo' hondo aiya. O Tumpu belentomo na Tumpu Allah mami. Boli opobee' na butong nu Belento nu patundu'mo nu samian na manusia.”

2 TAWARIKH 20:12

Belentomo na Tumpu Allah mami! Hukumo na aha, kalana kami aiya madi' moko ala mongewa suludadu anu talalo hondo manjoo' aijo', anu kahanda'mo montumbuhi mae kami. Madi'mo osumbu' mami pa' mo sia na mombau, kalana aijo' kami toka hi belento momoita tulung.”

2 TAWARIKH 20:15

ka' ia nompoto'imo, “Belento Mian Daka' Anu Talasanggo ka' to utu-utus iwi-iwi'. Koonyo nu Tumpu, boli belemiu bata-bata kabai mabuhuk na mongewa suludadu anu da'isan haha aijo'. Kalana anu mahampate misa' belemiu, panyo Tumpu Allah.

MAZMUR 118:6

Aku madi' mabuhuk kalana Tumpu na monsangalui mae aku, manusia madi' moko ala mombau apa-apaa hi belengku.

MAZMUR 20:7

Uuka aiya sinumbu'kumo taalu' Tumpu mombee'imo ka'untungan mahampate hi tomundo' anu pinile'an-Nyomo. Tumpu nontaamimo ia lengkat mae i suluga'-Nyo anu susi' hondo; kalana kuasa nu Tumpu ia nohumpakmo ka'untungan nahampate anu daka' hondo.

MAZMUR 23:4

Maumo aku nontulumo bangka'nyo anu pikat, aku madi' nabuhuk i apa-apaa na anu nonsilakai, kalana Belentomo na nonsangaluimo aku. Belentomo na nonjagai aku sumomo samian na polaya' anu nonjagaimo dombanyo nu tokonnyo ka' amangkunnyo.

MAZMUR 46:11

Ia notatae, “Belentimo na mahampate; da osumbu' saba, Akumo aiya na Tumpu, Aku talasanggo madi' pokakana bansa-bansa, talasanggo isongko-songko na dunia.”

MAZMUR 46:7

Tumpu notataemo mae susumo gohung na onyi'nyo, sahingga tano' nohintutumo; to bansa-bansa kinalangkabutmo, to kara-karaja'an nahungku'mo.

MAZMUR 46:8

Tumpu Anu Balakuasa hondo montoa mae kita, Tumpu i Yakub monjagai mae kita.

NOSABATMO 20:2

“Akumo na Tumpu Allah nu belemiu anu nomboamo mae belemiu nosabat lengkat i Mesir tampat nu belemiu binotuanan.

YESAYA 31:1

Silakamo na aha mian anu nambamo i Mesir nomoita da nu bantui mae nu aha! Aha montakabunakonmo kahosonan nu suludadu nu aha Mesir tiba gombuan nu suludadu nu aha anu monsake'i ajahan ka' mule' kuda nu aha anu toto hoso-hoson ka' mule' kareta nu aha manjo-manjoo' aijo'. Panyo aha madi' palesaya hi Tumpu, Tumpu nu Israel anu susi' ka' madi' aha nomoita da nu bantui.

YESAYA 41:10

Boli mabuhuk kalana Aku na monsangalui beleyum, boli baat-bata, kalana Aku na Tumpu nu beleyum. Beleyum Ku pokododomo ka' Ku tulungimo, Ku taka'mo nu limang-Ku anu timbali otaha'imani.

YESAYA 43:2

De beleyum motapmo i uee, Aku na monsangalui beleyum, beleyum madi' mule' molomos i uno nu kasansala'an-kasansala'an nu beleyum. De motulu i apu, beleyum madi' mule' motoyo', palasoba'an anu toto daka-daka' madi' mule' monsilakai beleyum.

YESAYA 7:14

Uuka aiya posi Tumpumo na mombee'i tanda hi belemiu samian na langkoyang poboa'mo ka' mompohampemo samian na anak mo'ane anu osanggohimo Imanuel.

YEREMIA 16:14

Tumpu notatae, “Tokaje mae na tempo'nyo mian madi'mo basumpa' atas sanggong-Ku, Tumpu Allah anu tumuu', anu nomboamo mian nu Israel nosabat lengkat mae i Mesir,

ZAKHARIA 10:5

Mian anu jojoong i Yehuda untungmo na mahampate susu mo suludadu anu lewa'mo mompahampeja'akon sampobal' sumo hensek aitu i jalan. Aha mahampate kalana Aku, Tumpu na montulungi aha, ka' suludadu nu sampobali' momon sake'i ajahan nu patundu'mo nu aha iwi-iwi'.

NOMBILANGMO 10:9

Ka' de belemiu mahampate i lipu' nu belemiu montinjohakon kabaanian mongahopi sampobali' anu montumbuhi mae, puuhimo ka' po'onyi' na tolompet haha aijo'. Sahingga Aku, Tumpu Allah nu belemiu na montulungi ka' momposalamat belemiu da sampobali' nu belemiu boli mae monsilakai.

NOMBILANGMO 23:21

Hi Yakub madi' tinoa na hahan anu ma'idek; hi Israel madi' tinoa na kasusa'an. Tumpu, Tumpu Allah nu aha, monsangalui aha. Aha lewa'mo noloboo'akon; Iamo na Tomundo!

ROMA 8:31

Apaa na anu opoko taloakon uuka aiya mongkona iwi-iwi' aijo'? De Tumpu mosambiha' hi kita, ihena moko ewa kita?

PO'ULE' INGULIT 1:29

Panyo belengku no tatae, boli mabuhuk hi to mia-mian aijo'.

PO'ULE' INGULIT 2:7

O'inau' mosia na Tumpu Allah nu belemiu nombalakatimo belemiu i han iwi-iwi' anu binaumo nu belemiu. Ia nompotuu'mo belemiu tempo'nyo belemiu lewa' nonsongkohi padang bola anu ewa aiya. Ia nonjagai belemiu pinatompulu' na taun ka' nombee'imo belemiu iwi-iwi' na anu opalalui.

PO'ULE' INGULIT 20:2

Ma'isa pe'e mahampate, samian na imam tionyo ahi' mamba mae ka' motatae hi beleyum sumo uuka,

PO'ULE' INGULIT 20:3

‘To utu-utus soba potombihing mae! Sinaa aiya belemiu mambamo mahampate. Boli mabuhuk kabai hente na kinyonyoa kabai bata-bata!

PO'ULE' INGULIT 31:6

Tionyo ahi' kinyonyoa nu belemiu opohoson ka' tionyo ahi' baani. Boli okabuhuk na aha kalana nutulungije nu Tumpu Allah nu belemiu na belemiu. Ia madi' ola mompojohok belemiu sahingga belemiu mompele-pele'mo, kabai mompala'i belemiu.”

PO'ULE' INGULIT 31:8

Tumpu na momboa ka' montulungi beleyum. Ia madi' ola mompojohok belemiu sahingga belemiu mompele-pele'mo kabai mompala'i beleyum. Kalana aijo' boli mabuhuk kabai bata-bata.”

PO'ULE' INGULIT 7:1

“Tumpu Allah nu belemiu momboamo belemiu mamba i lipu' anu saidi' mae ojojoongimo miu, ka' manjoo' na bansa anu Nu laa' mosabat ikiijo'. I ahop nu mata nu belemiu popitu' na bansa Nu laa' anu lebe daka' ka' lebe mahoson molingkudui belemiu, aijo'mo aha mian nu Het, Girgasi, Amori, Kana'an, Feris, Hewi ka' Yebus.

PO'ULE' INGULIT 7:18

Panyo boli okabuhuk na aha; o' inau' apaa na anu binaumo nu Tumpu Allah nu belemiu hi tomundo nu Mesir ka' hi iwi-iwi' na layatnyo.

PO'ULE' INGULIT 7:21

Jadi boli mabuhuk hi bansa haha aijo'. Tumpu Allah nu belemiu na monjagai belemiu. Ia Tumpu Allah anu talasanggo ka' okabuhuk.

PO'ULE' INGULIT 9:3

Panyo uuka aiya posi toaje nu belemiu mosia na Tumpu Allah nu belemiu lumajang momona lantas belemiu i mihi-mihije susumo apu anu mompapui. Ia na mompatundu' aha i ahop nu mata miu, sahingga belemiu moko ala molaa' ka' sangkinihap na monsilakai aha susumo anu jinanji'mo nu Tumpu.

YOSUA 1:5

Madi' ko samian pe'e na anu moko ala mohungku'i beleyum, Yosua de beleyum daagi' tumuu': Kalana Aku saja' monsangalui susumo naipuan mae Aku nonsangaluimo i Musa. Aku madi' mompala'i beleyum.

YOSUA 1:9

O inau', Aku nompalentahmo beleyum da beleyum totu-totu'u na kinyonyoa ka' baani! Boli beleyum mabuhuk kabai hente na kinyonyoa, kalana Aku na Tumpu Allah nu beleyum saja' monsangalui beleyum maumo pa' moya na kalambanan nu beleyum.”

YOSUA 11:9

I Yosua nombaumo aha sumo aijo' susumo apaa na anu pinalentahkonmo nu Tumpu: ia nompengko'imo ajahan nu aha ka' nompapuimo kareta iwi-iwi' nu aha anu pinake nahampate.

TO MIA-MIAN KOPIAN 6:12

Malaekat nu Tumpu aijo' nanintoamo hi ia, “O, olitau anu mahoson ka' baani! Tumpu monsangaja'imo beleyum!”

TO MIA-MIAN KOPIAN 6:16

“Moko ala mombau na beleyum!” na koonyo nu Tumpu, “kalana Akumo na montulungi beleyum. Aha mian nu Midian dengke na beleyum mompatei ola susumo beleyum mongahopi samian.”

1 SAMUEL 17:32

Koonyo i Daud hi Saul, “O Tomundo' kita madi' palalu mabuhuk hi aha mian nu Filistin aijo'! Aku mongewamo ia.”