PO'ULE' INGULIT 2:5 - KITAB NU TUMPU ALLA LELE MA'IMAI'

⁵ panyo belemiu madi' timbali montumbuhi aha, kalana tano' nu aha mau pe'e ola sangkiding madi' Ku bee' hi belemiu, kalana da'erah nu Edom binee'Kumo hi lee' i Esau.

PO'ULE' INGULIT 2:5 ပူးပေါင်းရင်းမြစ်များ

KAJADIAN 36:8

Sahingga i Esau anu osanggohi suele i Edom, tinataapmo i da'erah bungkutnyo nu Seir.

KAJADIAN 36:9

Aiyamo na lee' i Esau, mompolee' mae nu mian Edom.

YEREMIA 27:5

“Tiba kakuasa'anKu anu daka' hondo ka' mule' tiba kahosonan-Ku, Aku noko alamo nompojadi' tano' tiba manusia ka' mule' sinin na binatang, ka' timbali Ku bee' na aijo' maumo pa' hihe na mian anu Ku kahanda'i.

YEHEZKIEL 35:2

“O manusia anu madi' tumuu' batu, kutukimo na lipu' Edom.

DANIEL 4:25

Belento Tuanku olaa'mo nu mian da'isan ka' tumuu'mo tiba to bina-binatang i padang. Kopinnyo popitu' na taun na belento Tuanku mongkaanmo hemput susumo sapi' ka' hoyotmo i tano' anu madi' ko atopnyo nu humpisimo nu dondu'ok. Lapas aijo' o akuimo nu belento na Tumpu Allah Anu Matangkas na Kuasanyo i kalaja'an nu manusia ka' kalaja'an aijo' Ia na mombee' hihe na anu pinile'an-Nyomo.

DANIEL 4:32

Belento olaa'mo nu aha mian da'isan ka' tumuu'mo tiba to bina-binatang i padang. Kopinnyo popitu' na taun ka' belento mongkaanmo hemput susumo sapi'. Lapas aijo' belento mongakuimo talu' Tumpu Allah Anu Matangkas na Kuasanyo na balakuasa i kalaja'an nu manusia ka' kalaja'an aijo' obee'mo hi hehe na anu pinile'an-Nyomo.”

SISIKON NU TO RASUL-RASUL 17:26

Lengkat i samian na mian Ia nombau iwi-iwi' na bansa ka' nompokau aha monjoongi songko-songko na dunia. Iamo suele na anu montantukan salatanmo pe'e i moonanyo, hipian ka' iya mae na aha timbali tumuu'.

SISIKON NU TO RASUL-RASUL 7:5

Tempo'nyo aitu madi' ko sambagian pe'e na lipu' aiya anu binee' nu Tumpu hi Abraham da timbali pusaka' i Abraham; salawo pe'e madi' binee' hi ia. Panyo Tumpu binajanji'mo tukoonyo Ia mombee'ije i Abraham da bau pusaka' i Abraham tiba lee'nyo. Tempo'nyo aitu i Abraham madi' ko anak.

PO'ULE' INGULIT 2:22

Sumo aitumo suele na Tumpu nombau mian nu Aha Edom, lee' mae i Esau, anu jojoong i da'erah bungkutnyo nu Edom. Tumpu nompateimo mian nu aha Hori sahingga mian nu Edom nongalamo tano' aijo' ka' nonjojoongimo, lantas tinataapmo ikiijo' sampe tempo' uuka aiya.

PO'ULE' INGULIT 2:6

Belemiu tiba mongoli anu okaan tiba anu o inum hi aha.’

PO'ULE' INGULIT 32:8

Salatan Anu Daka' hondo na Kuasanyo nombagimo tano', toto sa'angu' na bansa pinotiju'akonmo na da'erahnyo ka' anu kinuasanmo nu pilogot.

YOSUA 24:4

lantas tinoka hi Ishak binee'an-Kumo ua'aha na anak, aijo'mo i Yakub ka' i Esau. Binee'an-Ku na i Esau bungkutnyo nu Edom da tano' aijo' iamo na tumpunyo, panyo i Yakub tuuma nu mompolee' miu aijo', nolalinmo namba i Mesir, tiba to ana-anaknyo.