PO'ULE' INGULIT 2:36 - KITAB NU TUMPU ALLA LELE MA'IMAI'

³⁶ Tumpu Allah-nto nontulungimo kita sahingga kita noko alamo kota aijo' iwi-iwi', lengkat pe'e i Aroër i puusnyo nu Bangka'nyo Arnon tiba kota i totonga' nu bangka'nyo aijo' toka-toka i da'erah Gilead. Madi' ko sa'angu' na kota anu ko pagannyo mesen anu noko ala nongompo' kita.

PO'ULE' INGULIT 2:36 ပူးပေါင်းရင်းမြစ်များ

2 SAMUEL 24:5

Salatan aha noko potaapmo kaunyo nu Yordan, i Yoab tiba to sulu-suludadunyo binakemahmo i sasu salatan Aroër, sa'angu' na kota' i totonga' nu bangka'nyo anu kiijo' i da'erah nu Gad. Lengkat i kiijo' aha nambamo i Yaezer asasu utara.

2 TOMU-TOMUNDO' 10:33

sasu kabete'an Kaunyo Yordan toka-toka i kota' Aroer i sasu salatan koko Kaunyo nu Armon tiba da'erah Gilead tiba Basan, kajojoongan nu aha lee' mae i Gad, Ruben ka' Manasye sasu kabete'an.

MAZMUR 44:3

Posi Belentomo ahi' na nolaa' to bansa-bansa da mian anu palesayamo hi Belento tataapmo ilipu' nu aha. To bansa-bansa sangga'at sinilakanmo nu Belento panyo mian anu palesayamo hi Belento na pinoloasmo ahi' nu Belento da ko pintu-pintuangnyo.

NOSABATMO 23:31

Potempasan nu lipu' nu belemiu Ku potataapje lengkat mae i Luoknyo nu Akaba toka-toka i Kaunyo nu Efrat, ka' lengkat mae i Ambai anu i totonga'nyo toka-toka i padang bola. Belemiu Ku bee'imo kuasa mompalentah mian anu jojoong i lipu' aijo', sahingga aha olaa'mo nu belemiu salatan belemiu mambamo mompo'ago tano' aijo'.

YESAYA 17:2

Iwi-iwi' na kota' i Siria opala'imo sampe toka sidu-sidutu' ka'timbalimo tampat nu gombuan nu potuu'on; madi' kosamian na anu molaa' aha.

YEREMIA 48:19

Belemiu anu jojoong i Aroer, tinjomo isonibi nu jalan ka' palahatikanmo! Pokilawa hi aha anu nopalaimo ka' madi'mo pinatean, ‘Apaa na anu jinadimo?’

NOMBILANGMO 32:34

Tulunan nu bansa Gad po'ule'mo nombau kota Dibon, Atarot, Aroer,

ROMA 8:31

Apaa na anu opoko taloakon uuka aiya mongkona iwi-iwi' aijo'? De Tumpu mosambiha' hi kita, ihena moko ewa kita?

PO'ULE' INGULIT 3:12

“Salatan tano' aijo' tinimbalimo anunto binee'-Kumo hi tulunan nu bansa Ruben ka' Gad na da'erah sasu utara kota Aroër koko Kaunyo nu Arnon, ka' sambagian i da'erah bungkutnyo nu Gilead, tibamo kota'nyo iwi-iwi'.

PO'ULE' INGULIT 4:48

Tano' aijo' lengkat mae i kota Aroër sohipi' nu Kaunyo Arnon, toka-toka i sasu utara ka' i lau-lausmo i Bungkutnyo nu Siryon, aijo'mo Bungkutnyo nu Hermon,

YOSUA 1:5

Madi' ko samian pe'e na anu moko ala mohungku'i beleyum, Yosua de beleyum daagi' tumuu': Kalana Aku saja' monsangalui susumo naipuan mae Aku nonsangaluimo i Musa. Aku madi' mompala'i beleyum.

YOSUA 12:2

Samian sanggonyo i Sihon, tomundo nu aha Amori anu jojoong i Hesybon. Da'erah anu nu palentah monsangkup sambahagian da'erah Gilead; lengkat mae i Aroer (i sohipi' nu Bangka'nyo Arnon) ka' kota anu i totonga' nu bangka'nyo aijo' kojo'onnyo toka-toka i Kaunyo nu Yabok mompaha tempas da'erah nu aha bansa Amon;

YOSUA 13:16

Da'erah nu aha aijo' monsangkup Aroer (i sohipi' nu Bangka'nyo Kaunyo nu Arnon) tiba anu i totonga' nu bangka'nyo aijo' toka-toka mokiita' iwi-iwi' i hatanyo nu bungkutnyo songko-songko na Medeba;

YOSUA 13:9

Da'erah nu aha monsangkup Aroer (i sohipi' nu Bangka'nyo Kaunyo nu Arnon), ka' kota anu i totonga' nu bangka'nyo aijo'. Ka' suele songko-songko na da'erah i hatanyo aita' i bungkutnyo lengkat mae i Medeba toka-toka i Dibon,

YOSUA 21:44

Jadi susumo apaa na anu jinanji'mo nu Tumpu hi mompolee' nu aha, lipu' aijo' madi'mo ko anu mompoposia kalana saja'mo nujagai nu Tumpu. Sampobali' nu aha iwi-iwi' madi' ko samian pe'e na moko ala mongewa aha, kalana Tumpu na mombee'i ka'untungan mahampate hi aha mian nu Israel de ihe na aha iwi-iwi' anu monsampobali' aha Israel.

TO MIA-MIAN KOPIAN 11:22

Da'erah nu aha Amori aijo' jinojoonganmo nu aha lengkat pe'e mae i Arnon sasu selatan, toka-toka i sasu utara Kaunyo nu Yabok, ka' lengkat mae i padang bone' sasu kabete'an, toka-toka i Kaunyo nu Yordan sasu kinsoban.

TO MIA-MIAN KOPIAN 11:26

Tinolu'atu na taun na kinopinnyo na Israel nompalentah Hesybon tiba Aroer ka' mule' kampu-kampung sangga'atnyo ka' iwi-iwi' na kota-kota i sonibi nu Kaunyo Arnon. Ka' kadaka' tempo'nyo aijo' belemiu madi' po'ule nongala?