PO'ULE' INGULIT 2:23 - KITAB NU TUMPU ALLA LELE MA'IMAI'

²³ Tano' anu montuus biwi nu Ambai anu Totonga'nyo jinojoonganmo nu aha mian anu nolengkat mae i togong Kreta. Aha nompateimo mian nu Awi tumpu nu tano' aijo', lantas nonjojoongi da'erah aijo' toka-toka mokiijo' i sasu selatan na kojo'onnyo sampe tinoka i kota Gaza.)

PO'ULE' INGULIT 2:23 ပူးပေါင်းရင်းမြစ်များ

KAJADIAN 10:14

Patrusim, Kasluhim, ka' Kaftorim. Bansa Kasluhim aijo'mo na mompolee' mae nu bansa Filistin.

KAJADIAN 10:19

sahingga potempasan nu lipu' nu aha ingewamo lengkat i Sidon namba i Selatan lau-laus nokiijo' i Gerar, tinoka-toka koko Gaza, ka' namba sasu i kabete'an lau-laus nokiijo' i Sodom, Gomora, Adma ka' Zeboim, tinoka-toka koko Lasa.

2 TOMU-TOMUNDO' 18:8

Pinatundu'nyo na mian nu Filistin, ka' pinahuhuakonnyomo na tampat kajojoongan nu aha, lengkat pe'e i kampung anu to ise-ise' hondo tinoka-toka i kota' anu toto daka-daka' hondo. Tibamo Gaza ka' da'erahnyo songko-songko.

1 TAWARIKH 1:12

Patrusim, Kasluhim, ka' Kreta. Aha aijo'mo na mompolee' mae nu mian nu Filistin.

YEREMIA 47:4

Tinokamo na tempo'nyo bansa Filistin osilakaimo ingko-ingkot sahingga Tirus tiba Sidon madi'mo daagi' ko anu montulungi. Aku, Tumpu, monsilakaimo iwi-iwi' na aha mian nu Filistin anu daagi' tinontuha' lengkat mae i Kreta.

AMOS 9:7

Tumpu notatae, “O mian nu Israel, Ku palahatikan na mian nu Sudan pokakanamo susumo Aku mompalahatikan belemiu. Binoang-Kumo na mian nu Filistin lengkat i Kreta ka' mian nu Siria lengkat i Kir pokakanamo susumo Aku nomboa belemiu lengkat i Mesir.

ZEFANYA 2:4

I kota' Gaza madi' ko samian pe'e na anu oposalamat. Askelon liingmo madi'mo ko anu monjojoongi. Mian anu jojoong i Asdod saidi' mae olaa'mo de mamanga otumbuhimo sonsu'un sinaa ka' mian anu jojoongi i Ekron saidi' mae suele olaa'mo madi'mo timbali jojoong i kota' nu aha.

ZAKHARIA 9:5

Nu toaje nu kota' Askelon tiba Gaza ka' mabuhukje. Ekron suele montoaje ka' madi'mo ko anu nu taha'imani. Gaza saidi' mae madi'mo ko tomundo'nyo, ka' mule' Askelon liingmo kalana madi'mo ko miannyo.

SISIKON NU TO RASUL-RASUL 17:26

Lengkat i samian na mian Ia nombau iwi-iwi' na bansa ka' nompokau aha monjoongi songko-songko na dunia. Iamo suele na anu montantukan salatanmo pe'e i moonanyo, hipian ka' iya mae na aha timbali tumuu'.

YOSUA 10:41

I Yosua nohungku'imo da'erah haha aijo' lengkat mae i Kades-Banea sasu selatan toka-toka i Gaza koko da'erah sonibi nu ambai tibamo da'erah Gosyen songko-songko toka-toka i Gibeon sasu utara.

YOSUA 11:22

Mau pe'e ola samian na bansa Enak aijo' madi'mo daagi' ko anu tinontuha i da'erah Israel, ola kiijo' i Gaza, Gad ka' Asdod na daagi'.

YOSUA 13:3

ka' iwi-iwi' na da'erah nu Awi mompatui sasu selatan. (Da'erah nu Kaunyo Sikhor i potempasan tiba Mesir toka-toka i potempasan tiba Ekron i sasu utara, iwi-iwi' aijo' minsoop da'erah bansa nu Kana'an; ka' aha tomundo nu Filistin jinojoong i Gaza, Asdod, Askelon, Gat, ka' Ekron.)

YOSUA 15:47

Sumo aitu mule' na Asdod ka' Gaza tiba kota-kota anu toto ise-ise' ka' kampu-kampungnyo anu sinongkomo toka-tokamo koko panga'nyo nu uee i potempasan tiba Mesir ka' biwi nu bone' i Ambai anu i Totonga'nyo.

TO MIA-MIAN KOPIAN 1:18

Tumpu nontulungimo aha mian nu Yehuda sahingga aha noko alamo nompatundu' da'erah anu i bungkutnyo. Panyo aha madi' noko ala nompatundu' Gaza, Askelon kabai Ekron, tiba da'erahnyo iwi-iwi' anu ikiijo', kalana bansa haha aijo' jojoong iwi-iwi' i sonibi nu bone' ko kareta bau pahampate besak na binau; kalana aijo' aha mian nu Yehuda madi' noko ala nolaa' aha.