PO'ULE' INGULIT 2:15 - KITAB NU TUMPU ALLA LELE MA'IMAI'

¹⁵ Tumpu saja'mo nongewa aha sampe ahennyo aha iwi-iwi' sinilakamo.

PO'ULE' INGULIT 2:15 ပူးပေါင်းရင်းမြစ်များ

MAZMUR 106:26

Sahingga binasumpa'mo na Ia ka' binajanji'mo, mompateimo aha i tampat padang anu mateges na tano'nyo aijo'.

MAZMUR 32:4

Sinaa tiba pihi Belento mompeedakon mae aku, o Tumpu hosonku ku oa'i ningkotmo sumomo ahi' anu sinosopmo nu singit anu mapengges hondo

MAZMUR 78:33

Sahingga Tumpu nongkodo'imo kantumuu'an nu aha sumo ola nonsawohakon sawo kantumuu'an nu aha sataun toka sataun ola i ningkot lewa' nongoa'i buhuk.

YESAYA 66:14

Nontoa aijo', belemiu lame'je, ka' tinimbalimo mahoson ka' bikas susumo hemput anu montampu'unije tumuu'. Sahingga to posa-posaihon-Ku mongoa'ije kakuasa'an-Ku o-sampobali'-Ku mongoa'ije tambuha'-Ku.”

NOMBILANGMO 14:28

Belemiu tionyo ahi' montaami aha sumo uuka: Tumpu notatae, ‘Aku basumpa' i butong-Ku anu tumuu' taalu' belemiu Ku potimbalije susumo anu tinaloakonmo miu hi beleng-Ku. Aku, Tumpu, notataemo.

1 KORINTUS 10:5

Mau mule' sumo aitu kanjoo'annyo na aha madi' nuka'ima'i nu Tumpu, ka' aijo'mo na sababnyo bangke' nu aha haha aijo' notanata i padang bolaa.

YUDAS 1:5

Iwi-iwi' aijo' sinumbu'mo miu. Panyo aku kahanda' mompotuka' hi komiu mosia na Tumpu nomposalamatmo mian nu Israel lengkat mae i lipu' Mesir, panyo lapas mae nonsilakaimo to mia-mian anu madi' palesaya, anu aijo' hi bubuu' aha.

TO MIA-MIAN KOPIAN 2:15

De aha mambamo mahampate Tumpumo na mongewa aha, susumo anu pinoto'i-Nyomo hi aha. Sahingga aha nongoa'imo kasusa'an anu daka' hondo.

1 SAMUEL 5:11

Kalana aijo' aha nolagamo iwi-iwi' na tomundo' nu aha mian Filistin da mogombu, lantas notatae, “Sule'akon na Peti' Palajanjian nu Tumpu Allah Israel aijo' i pinompo una'an momona da boli opatei na kita tiba to utu-utusto.” I songko-songko na kota' jinadimo na anu okabuhuk hondo kalana Tumpu Allah no hukumo anu jojoong i kiijo' ma'idek hondo.

1 SAMUEL 5:6

Lapas aijo' Tumpu nohukummo mian anu jojoong i Asdod tiba daerahnyo iwi-iwi', butong nu aha singkapmo binisulon.

1 SAMUEL 5:9

Panyo salatan Peti' aijo' tinokamo i kiijo', Tumpu nohukum mule' kota aijo', aijo'mo nombau mule' anu talalo hondo okabuhuk. Anu jojoong i kota aijo' mau anu daagi to ana-anak mau anu to tu'a-tu'anyomo kinonamo nu hukuman bisun i butong nu aha.

1 SAMUEL 7:13

Sumo aijo' na aha mian nu Filistin ihungku'an. Tumpu madi'mo nompobee' aha ninsoop i daerah Israel, tempo'nyo i Samuel daagi tutuu'.