PO'ULE' INGULIT 19:5 - KITAB NU TUMPU ALLA LELE MA'IMAI'

^5-6 Bisuanyo ua'aha na mian mojajalan mamba i alas kahanda' monta' kau'. Hau-haunyo samian monta' kau' mata' nu bobolo'nyo tinongulatmo i pantungannyo ka' nongkona sangalunyo sahingga sinilakamo. Jadi mian anu nonsilakai panyo madi' tinotonggolakonnyo aijo' madi' mohumpak kasala'an ka' timbali malai i sala'sa'angu' na kota palaian anu totolu' aijo' da salamat. De ola sa'angu' na kota, anu bau palaian ugat talalo majo'on na malai mokiijo', ka' to utu-utusnyo mongala-alapakonmo mombalosakon anu pinatean aijo' sahingga montuloi'mo ia, ka' kalana ia pinusamo hondo sahingga mompateimo mian anu madi' ko sala'nyo aijo'.

PO'ULE' INGULIT 19:5 ပူးပေါင်းရင်းမြစ်များ

2 TOMU-TOMUNDO' 6:4

Lantas aha nambamo hingga-hinggat. Salatan tinokamo i biwi nu kaunyo Yordan, aha nontampu'unimo lewa' nontaa'i kau'.

AMSAL 27:12

Mian anu pande mongawahi de montoa balaa' mian anu ponga' lumajang lau-laus lantas nu konamo nu balaa'.

YESAYA 32:2

Aha toto samian salakumo ahi' tampat pihohungan da madi' nu kona nu antong anu makansang hondo. Aha sumomo ahi' kaunyo anu mo ilimo mamba i padang bone', sumomo ahi' batu anu daka' hondo na mongkongi mae itano' anu nategesmo.

NOMBILANGMO 35:25

Kaputusan nu mian anu binagombumo aijo' na mompobebas mian anu nompateimo madi' tinotonggolakon aijo', da utus nu mian anu pinateanmo aijo' bolimo do kahanda' mombalosakon. Mian aijo' tionyo ahi' po'ule' osule'akon mamba i kota tampat nompalaihakon butongnyo. Ia tionyo ahi' jojoongmo ikiijo' sangkutnyo mian anu tempo'nyo aitu tinimbali Imam Daka' silakamo; lapasje aijo' ia timbalije minsusule i kampung kajojoongannyo. Panyo de ia mompala'imo kota pinompalaihakonannyo butongnyo lantas nu kabotmo ka' nu pateimo nu to utu-utus nu mian anu pinateannyomo, saba' aha nombalosakon aijo' madi' o lekeng nompateimo.

PO'ULE' INGULIT 19:4

De ihehe na mian madi' nontotonggolakon nompateimo mian sangga'at anu misa' sampobali'nyo, ia timbali mompalaihakon butongnyo i sala'sa'angu' na kota aijo' ka' timbali jojoong ka' tumuu' ikiijo'.