PO'ULE' INGULIT 19:4 - KITAB NU TUMPU ALLA LELE MA'IMAI'

⁴ De ihehe na mian madi' nontotonggolakon nompateimo mian sangga'at anu misa' sampobali'nyo, ia timbali mompalaihakon butongnyo i sala'sa'angu' na kota aijo' ka' timbali jojoong ka' tumuu' ikiijo'.

PO'ULE' INGULIT 19:4 ပူးပေါင်းရင်းမြစ်များ

KAJADIAN 31:2

I Yakub nontoa suele i Laban madi'mo daagi' i lame' mae hi ia susumo u'utu mae.

2 SAMUEL 14:11

Boune aijo' notataemo, “De timbali balado'a na belento Tuanku hi TUMPU Allah nu belento Tuanku da mian anu kahanda' mombalosakon kalana anaku aijo' nompateimo, bolimo mombau han anu lebe ma'idek mule' ihe na monsumbu' aha kahanda'mo suele mompatei anaku anu memenyomo samian aijo'.” Tinaamanmo i Daud, “I uno nu sanggo nu Tumpu anu tumuu', anak nu beleyum aijo' madi'mo opoposia mau pe'e ola o'ende-endengi.”

1 TAWARIKH 11:2

Salatan pe'e naipuan mae, ka' mule' tempo'nyo i Saul daagi' nompalentah kami, belentomo Tomundo' na nongkapalai suludadu nu Israel de mambamo na aha mahampate. Ka' ule' Tumpu Allah nu Belento Tomundo' binalajanji'mo tukoonyo belentomo Tomundo' na mompalentah mian anu pinalesayamo hi aha ka' baumo tomundo' nu aha.”

YESAYA 30:33

Nai puan pe'e mae na nomposadia tampat pompapuian i tomundo' Asyur. Tampat aijo' maleeng ka' mule' bola ingisianmo kau' bau pomposuli anu pinaha potambunmo manjoo' hondo. Tumpu na saidi mae momposuli apunyo, sawo-nyo na mompuhi, pokakanamo ahi' susumo kaunyo nu belerang na kobohosnyo.

NOMBILANGMO 35:12

I kota haha aijo' madi'mo opoposia nu to utu-utusnyo nu mian anu pinateannyomo anu mongka'oho' mombalosakon ideknyo. Kalana mian anu otuuk nompateimo mian sangga'at madi'mo timbali opatei de palakalanyo ma'isa o ulus hi mian kopian nu mian da'isan.

NOMBILANGMO 35:9

Tumpu notaapmo i Musa

PO'ULE' INGULIT 19:5

Bisuanyo ua'aha na mian mojajalan mamba i alas kahanda' monta' kau'. Hau-haunyo samian monta' kau' mata' nu bobolo'nyo tinongulatmo i pantungannyo ka' nongkona sangalunyo sahingga sinilakamo. Jadi mian anu nonsilakai panyo madi' tinotonggolakonnyo aijo' madi' mohumpak kasala'an ka' timbali malai i sala'sa'angu' na kota palaian anu totolu' aijo' da salamat. De ola sa'angu' na kota, anu bau palaian ugat talalo majo'on na malai mokiijo', ka' to utu-utusnyo mongala-alapakonmo mombalosakon anu pinatean aijo' sahingga montuloi'mo ia, ka' kalana ia pinusamo hondo sahingga mompateimo mian anu madi' ko sala'nyo aijo'.

PO'ULE' INGULIT 4:42

da timbali kota bau palaian, tampat nu mian timbali momposalamat butongnyo de ia madi' nontotonggolakon na nompatei mian anu misa' sampobali'nyo. Ia timbali mompalaihakon butongnyo i sala' sa'angu' na kota haha aijo' da madi' suele opatei.

YOSUA 3:4

panyo lumajang boli talalo ohani hi Peti' aijo'; batuki aiya mae i mihi sa'angu' na kilometen na kojo'onnyo. Tiba jalan anu sumo aijo' da osumbu' nu belemiu na jalan anu tionyo ahi' otului nu belemiu, kalana belemiu ma'isa toho' notulu i da'erah aiya.”