PO'ULE' INGULIT 19:13 - KITAB NU TUMPU ALLA LELE MA'IMAI'

¹³ Boli mongkalibosi ia. Pobebas na Israel da boli opatei susumo aijo'; da mohumpak ka'ima'an.”

PO'ULE' INGULIT 19:13 ပူးပေါင်းရင်းမြစ်များ

KAJADIAN 9:6

Manusia pinotimbali mo susumo Aku; kalana aijo' ihe na mompatei manusia, ia suele opatei nu manusia.

2 SAMUEL 14:7

Ka' uuka aiya sampoto'utusanku iwi-iwi' nongka'idekimo mae aku, ka' nontuntutmo mae da ku bee'mo na anku anu nonompatei aijo' hi aha da ohukumo nu aha nu hukuman opateimo, kalana ia nompateimo utusnyo. De ku bee'mo na anak aijo', memenyomo aku sausa madi'mo ko sangalungku. Anu bau kataha'imananku nu pateimo nu aha, yo aitu memo ai-aijo'nyo, ka' madi'mo daagi ko samian na anak mo'ane anu ihumpaku hi langki'ku da molee'akon tulunannyo.”

2 SAMUEL 21:1

Tempo'nyo i Daud daagi' nompalentah tinokamo na balaa' kasusa'an i anu okaan tinotolu' na taun na kinopinnyo. Lantas i Daud nomoitamo pokinde' hi Tumpu pa' mosiamo na han anu sumo aijo', jadi pinoto'imo nu Tumpu, “Balaa kasusa'an i anu okaan atina' kalana kasala'an i Saul tibamo aha sa'anakan, aha nompateimo to mia-mian nu Gibeon.” (

2 SAMUEL 21:14

Lapas aijo' buku i Saul tiba i Yonatan haha aijo' tiba bukunyo nu aha popi-popitu' haha aijo' ilamunmo i pinolamunan i Kish tuuma i Saul kiijo' i Zela i da'erah nu aha Benyamin. Salatan iwi-iwi' pinokobaumo susumo koonyo nu palentah i tomundo' Tumpu Allah nontalimamo do'a nu aha, nondo'akon lipu' aijo'.

1 TOMU-TOMUNDO' 2:31

Nohongo aijo', i tomundo' notatae, “Lako'mo ka' baumo apaa na anu pinoto'inyomo aijo'. Pateimo na ia ka' lamunmo na ia, da aku tiba iwi-iwi' na lee' nu tuumangku madi'mo montanggungi kasala'an i Yoab anu nompateimo mian anu madi' kosala'nyo.

YEHEZKIEL 16:5

Madi' ko samian pe'e na nolibos hi beleyum sahingga timbali nombau hahan aijo' hi beleyum. Tempo'nyo beleyum i hampe madi' ko anu nongkanonongi beleyum ola mule' ahi' beleyum mamba ingalin i ale'.

IMAMAT 24:17

De ihe na mompatei mian sangga'at tionyo ahi' obee' hukuman mate.

IMAMAT 24:21

De ihe na nompateimo binatang tionyo ahi' mombolosi, panyo de ihe na nompateimo manusia tionyo ahi' obee'i hukuman mate.

NOMBILANGMO 35:31

Samian na topo patei hukumannyo tionyo ahi' opatei. Ia madi' timbali montobus hukuman aijo' nu doi.

PO'ULE' INGULIT 13:8

boli o hongo na ia ka' boli opobee' na butong nu belemiu nupagala nusale'i nu aha. Boli mule' mongkalibosi kabai monsangaja'i mian aijo'.

PO'ULE' INGULIT 19:12

Anu sumo aijo' to pola-polaya' nu kota' nu aha tionyo ahi' molaga mian aijo' lantas mombee' ia hi to utu-utusnyo anu mangaku timbali mombalosakon anu pinateanmo aijo' da ia timbali opatei.

PO'ULE' INGULIT 19:21

Boli ko pikilan molibos i palakala haha aijo'. Hukumannyo aijo'mo: Nyawa bolosnyo nyawa, mata bolosnyo mata, bese' bolosnyo bese', lima bolosnyo lima ka' tengke bolosnyo tengke.”

PO'ULE' INGULIT 21:9

Jadi kalana nombaumo apaa na anu pinoitamo nu Tumpu, belemiu madi'mo montanggungi kasala'an nu mian anu nompateimo aijo'.”

PO'ULE' INGULIT 25:12

patagakon na lima nu boune aijo' boli mongkalibosi ia.

PO'ULE' INGULIT 7:16

Batu-batu bansa anu nubee'mo nu Tumpu Allah nu belemiu da okuasaimo nu belemiu tionyo ahi' opateimo nu belemiu; boli mompotoa kalibosan hi aha. Boli monsombah to pilo-pilogot nu aha, kalana kalakuan anu sumo aijo' mompotoka mae balaa' hi belemiu.

PO'ULE' INGULIT 7:2

De Tumpu Allah nu belemiu mombee'mo bansa haha aijo' da okuasaimo miu ka' opatundu'mo nu belemiu na aha, pateimo na aha iwi-iwi'. Boli mongkalibosi aha kabai mojanji' tiba aha.