PO'ULE' INGULIT 18:3 - KITAB NU TUMPU ALLA LELE MA'IMAI'

³ De daagi' ko mian monsombahkon koloban sapi' kabai domba saba' pa'anyo anu sasu saha'annyo, ajenyo ka' kompongnyo nu potuu'on aijo' tionyo ahi' obee' hi to ima-imam da bau bagi nu aha.

PO'ULE' INGULIT 18:3 ပူးပေါင်းရင်းမြစ်များ

NOSABATMO 29:27

De mombalakatimo imam, saha'an ka' pa'a nu domba lakinyo anu opake nombalakati aijo' tionyo ahi' osombahkon salaku anu osimpalakon hi beleng-Ku ka' boli opogalum hi anu nu to ima-imam.

NOSABATMO 29:28

Aiyamo na anu tinantukan-Kumo anu madi' timbali obabali'i; De tokamo na mian anu pinalesayamo hi beleng-Ku monsombahkonmo koloban bau pompodame, saha'an ka' pa'a nu potuu'on aijo' bau bahagian nu to ima-imam. Aijo'mo na anu osombahkon nu mian anu pinalesayamo hi beleng-Ku da bau baging-Ku.

IMAMAT 22:7

Moko pakakinsap na sinaa ia belesi'mo atina'je ka' timbalimo mongkaan, kalana aijo' kaanonnyo.

NOMBILANGMO 18:11

Iwi-iwi' na palasombahan sangga'at anu samata-mata nusombahkon nu aha mian Israel hi beleng-Ku, belemiu na tumpunyo. Ku bee'mo hi belemiu tiba hi to ana-anak nu belemiu, anu to momo'ane ka' to bou-boune. Atulan aijo' opake sampe toka sidu-sidutu'. Batu-batu mian anu i auan nu belemiu anu madi' mahumimi' timbali mongkaan.

NOMBILANGMO 18:12

Ku bee' hi belemiu iwi-iwi' na anu ma'ima' hondo apaa na hasinnyo nu ale' momona anu sinombahkonmo nu aha mian Israel hi beleng-Ku sataun toka sataun aijo'mo lanya' nu zaitun, anggur anu binaumo inumon ka' gandum.

PO'ULE' INGULIT 12:27

Koloban anu opotunu ka' koloban anu okaan na antoknyo tionyo ahi' osombahkon i mezbah nu Tumpu Allah nu belemiu ka' baso'nyo obubusakon i mezbah aijo'.