PO'ULE' INGULIT 18:22 - KITAB NU TUMPU ALLA LELE MA'IMAI'

²² De samian na nabi motatae kalana sanggo nu Tumpu, panyo anu nu taloakon aijo' madi' jadi, saba' anu tinahi'annyo aijo' nyata' misa' anu nolengkat mae hi Tumpu. Nabi aijo' motatae posi pongka'oho'nyo, jadi boli okabuhuk na ia.”

PO'ULE' INGULIT 18:22 ပူးပေါင်းရင်းမြစ်များ

1 TOMU-TOMUNDO' 22:28

I Mikha notatae, “De belento Tomundo' minsusule'mo mae ma'i-ma'ima', nyata' taalu' Tumpu memang madi' nompoto'i mae susumo anu pinoto'ingkumo! Iwi-iwi' na anu sinihuk i aiya timbalimo sakisi.”

2 TOMU-TOMUNDO' 20:1

Tempo'mo aitu na i Tomundo' Hizkia kinonamo nu bisun anu daka' hondo sahingga me sangkiding silakamo. I Nabi Yesaya anak i Amos nambamo nontoa ia ka' pinoto'inyomo, “Pinotuun mae nu Tumpu da opokopiani na belento Tomundo' mongatun iwi-iwi'na ulusan kalana belento Tomundo' madi'mo ma'alin. Madi'mo pin na belento Tomundo' silakamo.”

AMSAL 26:2

Susumo tomonsi' lumahap, ka' ko laha-lahap aita ilanga sumo aitu mule' pongkutuki madi' nu kona na mian anu madi' ko sala'nyo.

YESAYA 41:22

Tokamo mae, ka' kila-kilamo pa'apaa na anu saidi' mae jadi, da osumbu' mami pa' mosia na ka ahenannyo. Poto'i mae na hahan anu jinadimo naipuan mae, talangkan mae na alati'nyo da opalahatikan mami.

YUNUS 3:4

I Yunus ninsoopmo i kota' aijo' ka' salatan ilumajang sinansinaamo ia nontampu'unimo binalakothab, “Pinoto'inyo daagi patompulu' na sinaa Ninewe hansunmo!”

YUNUS 4:2

Lantas ia binalado'amo, “O Tumpu temisa tinaloakonkumo ahi' ma'isa pe'e aku namba lengkat mae ilaiganku u'utu mae, tukoongku Belento tantu mombaumo sumo aiya? Mokonyo aijo' aku nopalaimo namba i Spanyol! Kusumbu' saba' Belentomo na Tumpu anu mongkalibosi ka' manonong ka' talalo sabaan ka' motatae ma'ima' ka'saja' ko tanga'an madi' mohukum.

ZAKHARIA 2:13

Pomohokotmo na belemiu iwi-iwi' i ahop nu Tumpu! Kalana Ia mambamo mae lengkat i tampat kajojoongan-Nyo kiita i suluga'.

PO'ULE' INGULIT 18:20

Panyo de samian na nabi baani na mompoto'i apa-apaa na potuunon kalana sanggong-Ku, padahan Aku madi' nompokau ia mombau sumo aijo', ia tionyo ahi' mate; sumo aitu mule' batu-batu nabi anu motatae de kalana sanggo nu to pilo-pilogot sangga'at tionyo ahi' mate.’

PO'ULE' INGULIT 18:21

Ugat belemiu motatae i uno nu kinyonyoa, ‘Mosia na kami monsumbu' potuunon nu samian na nabi aijo' nolengkat mae hi Tumpu kabai misa'?’

1 SAMUEL 3:19

I Samuel kinodaka-daka'nyomo. Tumpu saja'mo nombalakati ia, ka' apa-apaa na nu taloakon i Samuel totu-totu'u jadi.