PO'ULE' INGULIT 18:21 - KITAB NU TUMPU ALLA LELE MA'IMAI'

²¹ Ugat belemiu motatae i uno nu kinyonyoa, ‘Mosia na kami monsumbu' potuunon nu samian na nabi aijo' nolengkat mae hi Tumpu kabai misa'?’

PO'ULE' INGULIT 18:21 ပူးပေါင်းရင်းမြစ်များ

YEREMIA 28:9

Panyo nabi anu nongkila-kilamo kadamean ola timbali o, akui salaku nabi anu totu-totu'u sinai mae nu Tumpu, de iwi-iwi' na anu kinila-kilanyomo memang ahi' ko bukuti'nyomo.”

ZAKHARIA 2:13

Pomohokotmo na belemiu iwi-iwi' i ahop nu Tumpu! Kalana Ia mambamo mae lengkat i tampat kajojoongan-Nyo kiita i suluga'.

PO'ULE' INGULIT 18:20

Panyo de samian na nabi baani na mompoto'i apa-apaa na potuunon kalana sanggong-Ku, padahan Aku madi' nompokau ia mombau sumo aijo', ia tionyo ahi' mate; sumo aitu mule' batu-batu nabi anu motatae de kalana sanggo nu to pilo-pilogot sangga'at tionyo ahi' mate.’

PO'ULE' INGULIT 18:22

De samian na nabi motatae kalana sanggo nu Tumpu, panyo anu nu taloakon aijo' madi' jadi, saba' anu tinahi'annyo aijo' nyata' misa' anu nolengkat mae hi Tumpu. Nabi aijo' motatae posi pongka'oho'nyo, jadi boli okabuhuk na ia.”

1 TESALONIKA 5:24

Tumpu anu nolagamo komiu, na nombau han aijo' kalana Ia manonong.

ANU PINOTO'I HI YOHANES 2:2

Ku sumbu' apaa na anu binaumo miu: Belemiu mokalaja makeke ka' sabaan hondo na belemiu. Ku sumbu' saba' belemiu madi' sanang na kinyonyoa hi mian anu ma'idek. Ka' hi to mia-mian anu mongakui butongnyo rasul padahan misa', inguji'mo miu, ka' i humpakmo miu taalu' aha baleko'.

1 SAMUEL 3:20

Mokonyo aijo' iwi-iwi' na aha mian Israel anu i songko-songko na lipu' mongakuimo i Samuel nabi nu Tumpu. De motataemo na i Samuel iwi-iwi' na bansa Israel mompotombihingmo. Tumpu daagi saja manintoa kiijo' i Silo, anu momonanyo Ia nanintoamo hi Samuel ka' notataemo hi ia.