PO'ULE' INGULIT 18:20 - KITAB NU TUMPU ALLA LELE MA'IMAI'

²⁰ Panyo de samian na nabi baani na mompoto'i apa-apaa na potuunon kalana sanggong-Ku, padahan Aku madi' nompokau ia mombau sumo aijo', ia tionyo ahi' mate; sumo aitu mule' batu-batu nabi anu motatae de kalana sanggo nu to pilo-pilogot sangga'at tionyo ahi' mate.’

PO'ULE' INGULIT 18:20 ပူးပေါင်းရင်းမြစ်များ

1 TOMU-TOMUNDO' 13:19

Sahingga nabi anu lengkat mae i Yehuda aijo' nambamo nokiijo' i laigan nu nabi anu i lalangkai'mo aijo' ka' nongkaan tiba ia.

1 TOMU-TOMUNDO' 18:19

Uuka aiya palentahkonmo hi mian nu Israel iwi-iwi' da singkabot tiba aku i Bungkutnyo nu Karmel. Boa mae na nabi nu Baal anu itina' aha pato-pato'atu ka' limampulu' ka' mule' aha pato-pato'atu na nabi pilogot Boune Asyera, anu nunu ongkosi i Izebel bengkele' nu belento Tomundo'!”

1 TOMU-TOMUNDO' 18:27

Salatan sinonsu'unmo na sinaa i Elia lewa'mo nompobau-bau aha. “Balado'a mule' ka' lebe opohoson! Te misa' ia pilogot ahi'? Ku gantang ia hau-haunyo mompotutugakon apa-apaa kabai ugaat namba i pibodo'an Kabai ugaat ia nambamo pa' noya! Kabai ugaat ia i hoyotmo, jadi tionyo ahi' belemiu moliko ia!”

1 TOMU-TOMUNDO' 18:40

Sahingga notataemo na i Elia, “Hakop na nabi Baal aijo'! Boli opotuha' mau ola samian!” Lantas i hakopmo nu to mia-mian na nabi Baal haha aijo', ka' binoamo i Elia i Kaunyo Kison, ka' i kiijo' mae pinateannyomo na aha iwi-iwi'.

YEREMIA 2:8

To ima-imam madi'mo ko anu mompokilawa iya mae na Aku, Tumpunyo. To mia-mian anu montinjohakon atulan madi'mo daagi' monsumbu' pa' ihe na Aku, to mia-mian anu balakuasa notomuhukmo mae hi beleng-Ku. Atas sanggo nu Baal na to nabi-nabi motatae, ka' monsombahmo pilogot anu madi' kokaliangannyo.”

YEREMIA 23:30

Ku ewamo na to nabi-nabi anu mompoto'i potuunon anu lengkat mae hi bubu' aha sangalunyo lantas osisik tukoonyo aijo' lengkat mae hi beleng-Ku.

YEREMIA 23:31

Aku mule' suele mongewamo to nabi-nabi anu mompoto'i posi potataenyo lantas osisik tukoonyo aijo' lengkat mae hi beleng-Ku.

YEREMIA 26:11

To ima-imam tiba to nabi-nabi notataemo hi aha to mia-mian anu toto tangka-tangkas na pangkatnyo haha aijo' ka' hi aha mian da'isan, “Mian aiya patutmo ohukum mate kalana ia nontaloakonmo potatae, anu mongka'ideki kota'to aiya. Belemiu suele nohongomo ahi'.”

YEREMIA 27:15

Aha nompoto'i tukoonyo nu aha, aha binasisik nompake atas sanggo nu Tumpu, panyo aha baleko'. Posi Tumpu ahi' na nontaloakon tukoo-Nyo Ia madi' ahi' nonsai mae aha. Kalana aijo' Nu ga'a-ga'atakonmo ka' mompateimo i Tomundo' tiba to nabi-nabi anu binaleko'mo hi Tomundo'.”

YEHEZKIEL 13:6

Iwi-iwi' na anu tinoamo nu aha madi' totu'u ka' mule' anu sola' nu kila-kila nu aha leko' ahi' samata-mata. Aha nongakuimo nomboamo potuunon lengkat mae hi belengku padahan Aku madi' toho' nonsai aha. Mosia na aha montaha'imani kila-kila' nu aha bisa jadi?

ZAKHARIA 13:2

I sinaa aijo' Ku sapuimo na sanggo nu to pilo-pilogot i tano' aiya sahingga madi'mo daagi' ko samian na anu monginau'. Iwi-iwi' na mian anu mongakuimo butongnyo nabi Ku laa'mo tiba aha anu sinoku'anmo nu roh anu madi' totu'u.

ZAKHARIA 13:3

Ka' de daagi' ko mian anu montaloakon tukoonyo ia kahanda' mompoto'i potuunon saba' posi tuumanyomo ahi' tiba tinanyo na motatae hi ia aijo' tukoonyo ia tionyomo ahi' ohukum mate kalana anu tinaeakonnyo aijo' madi' totu'u. De ia tataap mongakui butongnyo salaku nabi saba' ia nu posi jalo'mo nu tuumanyo tiba tinanyo sampe mate.

MATIUS 7:15

“Opoko piani na mongahopi to nabi-nabi anu madi' totu'u. Aha toka hi komiu mimbalu-balu' domba, panyo aha sabenannyo sumo pojek anu baani.

PO'ULE' INGULIT 13:6

De utus nu belemiu kabai anak nu belemiu mo'ane kabai boune, kabai bengkele' nu belemiu anu okalibosi nu belemiu kabai sangalu anu mompahakona hondo belemiu madi' osumbu-sumbu' taalu' nonsale'imo belemiu da monsombah to pilo-pilogot sangga'at nu to bansa-bansa anu jojoong ohani kabai majo'on,

PO'ULE' INGULIT 17:12

Mau mule' ihe na baani' monggagakon mian kopian kabai imam anu montoongi kalaja, tionyo ahi' o hukum mate; sumo aijo' na belemiu montewa' da bolimo saja' mombau anu ma'idek aijo' hi aha Israel.

PO'ULE' INGULIT 18:21

Ugat belemiu motatae i uno nu kinyonyoa, ‘Mosia na kami monsumbu' potuunon nu samian na nabi aijo' nolengkat mae hi Tumpu kabai misa'?’

PO'ULE' INGULIT 18:22

De samian na nabi motatae kalana sanggo nu Tumpu, panyo anu nu taloakon aijo' madi' jadi, saba' anu tinahi'annyo aijo' nyata' misa' anu nolengkat mae hi Tumpu. Nabi aijo' motatae posi pongka'oho'nyo, jadi boli okabuhuk na ia.”

2 PETRUS 2:12

Panyo to gulu-gulu' haha aijo', palias! Aha ola sumo binatang anu inganakakon da o hakop ka' opatei. Aha madi' ko inau'an apa-apaa; panyo ola mokalaja montuluti kabiasa'an nu dunia, sahingga nu gagakon nu aha na hahan anu madi' nu pangalati'i nu aha nu potatae haha aijo' salaku bau ponjojoa. Kalana aijo' posi kalajamo nu aha haha aijo', na aha mate susumo to bina-binatang mangahas.

ANU PINOTO'I HI YOHANES 19:20

Sahingga binatang aijo' i hakopmo hingga-hinggat tiba to nabi-nabi anu madi' totu'u anu nombaumo hahan anu okabangangi i ahop nu binatang aijo'. (Anu okabangangi haha aijo' atina'mo na binatang haha aijo' anu nongakalimo to mia-mian anu ko tandanyo binatang aijo', ka' to mia-mian anu monsombah patong nu binatang aijo'.) Lantas binatang aijo' ka' to nabi-nabi anu madi' totu'u aijo' ingalinmo tumu-tumuu' i uno nu ndalangon apu anu banyela-nyelak ka' ko belelangnyo.

TO MIA-MIAN KOPIAN 2:15

De aha mambamo mahampate Tumpumo na mongewa aha, susumo anu pinoto'i-Nyomo hi aha. Sahingga aha nongoa'imo kasusa'an anu daka' hondo.