PO'ULE' INGULIT 18:10 - KITAB NU TUMPU ALLA LELE MA'IMAI'

¹⁰ Atina' hi belemiu boli ko anu monsombahkon to ana-anaknyo salaku bau koloban anu opotunu. Ka' mau pe'e ola samian boli timbali mian anu lewa' montahi'i molio tanda pa' apaa na jadi, mompake ajimat-ajimat, kabai

PO'ULE' INGULIT 18:10 ပူးပေါင်းရင်းမြစ်များ

KAJADIAN 44:5

Kadaka' komiu nombulingmo mangko' salaka nu tuanku? Mangko' aijo' bau ponginumannyo ka' opake bau popohondawitan. Belemiu talalomo hondo nombau anu ma'idek!”

2 TOMU-TOMUNDO' 16:3

Ia tinumuu'mo susumo to tomu-tomundo' nu Israel, pakalaus mule' ia nonsombahkonmo anaknyo momo'ane salaku koloban hi pilogot susumo anu saja'mo nu bau nu to mia-mian padahan bauon aijo' ma'idek, anu lewa' nu bau nu aha anu ia laa'mo nu Tumpu da madi'mo jojoong i lipu' Kana'an tempo'nyo mian nu Israel tinokamo i lipu' aijo'.

2 TOMU-TOMUNDO' 17:15

Israel ka' Yehuda madi' mongka'oho' montuluti iwi-iwi' na palentah nu Tumpu ka' madi' montuluti palajanjian anu binauNyomo tiba mompolee' nu aha. Aha madi' montapali to poki-pokinde'Nyo, panyo ola ahi' monsombah to pilo-pilogot anu madi' ko gunanyo, sahingga aha suele madi'mo ko gunanyo. Aha nombatukimo sonto' apaa na anu nu bau nu to bansa-bansa anu mompaha ohani aha, mau mule' Tumpu nontewa'mo.

2 TOMU-TOMUNDO' 17:17

Aha nonsombahkonmo to ana-anak nu aha salaku koloban anu opotunu osombahkon hi pilogot. Aha mompake ilimu' anu madi' otoa ka' momoita da nupotiju' nu to sando-sando anu timbali potataean nu to tomi-tominuat. Aha mongka'ima'i hondo mombau hahan anu madi' nuka'ima'i nu kinyonyoa nu Tumpu,

2 TOMU-TOMUNDO' 21:6

Anaknyo sinombahkonnyomo salaku koloban anu pinotunu. I Manasye mule' lewa'mo binasando monggulu'i pangatahuan anu toto ide-idek, ilimu' anu madi' oto-toa, ka' lewa' montunde' tominuat. Ia binaladosa'mo hondo hi Tumpu sahingga ia notambuha'mo hondo.

2 TOMU-TOMUNDO' 23:24

Mompojalan atulan haha aijo' anu tinulismo i uno nu kitab anu i humpak i Imam Daka' Hilkia kiijo' i Laigan nu Tumpu, iwi-iwi' na anu lewa' montunde' tominuat ka' anu lewa' montahi'i i laa'mo i Tomundo' Yosia da boli jojoong i Yerusalem ka' i songko-songko na Yehuda, lantas ia nongalinmo iwi-iwi' na pilogot ka' to bala-balang anu opake monsombah to pilo-pilogot.

1 TAWARIKH 10:13

I Saul sinilakamo kalana ia madi' tinulu-tulutan hi Tumpu, ka' madi'mo nompajuli palentah nu Tumpu. Ia madi'mo nomoita pokinde' hi Tumpu, panyo ola mule' ahi' nomoita pokinde' hi to santu-santuu' nu mian anu sinilakamo. Kalana aijo' ia i hukummo nu Tumpu ka' binee'mo na pangkatnyo salaku Tomundo' hi Daud anak i Isai.

2 TAWARIKH 28:3

ka' mompapui kamangian i bangka'nyo nu Himon. Ka' mule' posi anaknyo momo'ane sinombahkonnyomo binau koloban hi pilogot, susumo kabiasa'an anu ma'idek anu saja'mo nubau nu to mia-mian anu i laa'mo nu Tumpu da bolimo jojoong i lipu' Kana'an tempo'nyo mian nu Israel ninsoopmo i lipu' aijo'.

2 TAWARIKH 33:6

To ana-anaknyo sinombahkonnyomo salaku koloban anu opotunu i Bangka'nyo nu Hinom. Ia mule' binasandomo, da monsumbu' alati'nyo nu mandala' pangalahuan, ka' binalatapamo hi to roh-roh anu ma'idek. Ia binala dosa'mo hondo hi Tumpu, sahingga nonsaduakonmo da tinambuha'anmo nu Tumpu.

NOSABATMO 22:17

Panyo de tuumanyo nu boune aijo' madi' mompobee' mo'ane aijo' mo'osoa tiba anaknyo, mo'ane aijo' tionyo ahi' mombayan hi tuumanyo aijo' doi konjoo'nyo sumo sompa' nu samian na langkoyang anu ma'isa toho' no'osoa.

NOSABATMO 22:18

Ihe-he na boune anu mompokonai hame tionyo opatei.

YESAYA 47:13

Beleyum malawemo kalana manjoo'mo na pokinde'. Pokau da toka mae na to mia-mian anu saja' mongkila kila; mian na momposalamat beleyum, aha anu sola'mo nonselidiki iwi-iwi na langit songko-songko, ka' lewa'mo nonggulu'i apaa na alati'nyo nu mandala' toto sa'angu'. Ka' salatan bitu'onmo anu sala'je mae bete' mongkila-kilamo apaa na anu jadi ibutong nu belemiu.

YEREMIA 27:10

Aha mongakalimo belemiu sahingga belemiu oboamo jo'o-j'on opala'imo na lipu' nu belemiu. Ku laa'mo na belemiu da madi'mo jojoong ilipu' nu belemiu, ka' belemiu silakamo.

YEREMIA 27:9

Boli mompotombihing aha to nabi-nabi kabai maumo ahi' pa' ihe na anu montewa belemiu tundu' hi tomundo' Babel, maumo ahi' aha mangaku nontalimamo pokinde' anu pino ipi mae, nu to roh-roh anu madi' otoa-toa, kabai kalana nompakemo kahosonan nu pangatahuan.

YEREMIA 32:35

Aha nombaumo mezbah-mezbah bau ponsomban Baal i Bangka'nyo nu Hinom, ka' nonsombahkonmo to ana-anak nu aha hi Pilogot Molokh. Padahan Aku madi' toho' nompalentah aha da molakukan han susumo aijo' ka' mule' madi' toho' tinolosinsumbu' i uno nu pikilan-Ku au' aitu aha timbali mombau palabuatan anu ma'idek hondo aijo' ka' nonsaduakonmo aha mian nu Yehuda da binaladosa'mo.”

YEREMIA 7:31

Sa'angu' na mezbah anu sinanggohan Tofet pinotinjomo nu aha i Bangka'nyo nu Hinom bau ponsombahkonan to ana-anak nu aha salaku koloban anu opotunu. Padahan madi' pinokaung-Ku na aha mombau han aijo' pakalaus mule' madi' toho' tinonginau' na anu sumo aijo' i uno nu pikilan-Ku.

IMAMAT 19:26

Boli mongkaan baso'. Boli mompake pangatahuan.

IMAMAT 19:31

Boli belemiu mamba mompoita pikilan hi to sandosando anu saja' montunde santu' nu mian anu sinilakamo. De obaumo nu belemiu na aijo' belemiu mahumimi'mo. Akumo na Tumpu Allah nu belemiu.

IMAMAT 20:6

Mian anu mamba momoita pikilan hi sando anu mompaha sumbu' tiba to santu-santuu' nu mian anu sinilakamo Ku hukumo ka' madi'mo Ku posoop mian anu pinalesayamo hi beleng-Ku.

MIKHA 5:12

Ku hansunimo na to pato-patong nu belemiu ka' mule' iwi-iwi' na tugu anu o'anggap nu belemiu ko balakatnyo; Belemiu madi'mo monsombah to bala-balang anu oposi bau nu lima nu belemiu.

MALEAKHI 3:5

Notatae na Tumpu Anu Daka' na Kuasanyo, “Aku tokamo mae hi belemiu da momputusimo. Aku malia'mo timbali sakisi de momputusimo to tukang-tukang sihir, to mia-mian anu lewa' masala', anu tinimbali sakisai baleko', hi anu madi' adin na mombee'i gaji kona hi aha mian anu mongala tambo, hi aha anu madi' ko ka'adilannyo kona hi aha to balu-balu, to ana-anak anu madi'mo ko tuumanyo ka' tinanyo, ka' aha mian nu salipu'an mae, ka' mule' kona hi aha mian iwi-iwi' anu madi' mongadati Aku.”

SISIKON NU TO RASUL-RASUL 19:19

Ka' aha anu biasa mompake ilimuu' ponsumbu'an, nompolimu'mo to kita-kitab nu aha ka' pinapuannyomo i ahop nu mian da'isan. Oli nu kita-kitab haha aijo' de opotuang iwi-iwi'mo ugaat limampulu' na madala na doi salaka.

SISIKON NU TO RASUL-RASUL 8:9

I kota aijo' daagi' ko samian na mo'ane sanggonyo i Simon, anu noko to pia-piamangamo na tempo'nyo nombau to mia-mian nu Samaria tinalagoda nu ilimu'nyo. Ia nompoto'i hi to mia-mian tukoonyo ia mian hebat.

GALATIA 5:20

i uno nu han monsombah pilogot ka' ilimu' ponsumbu'an; da nu ka'ima'i nu mian ka' opake de mompaha idekmo, mahantuda', minsihip, sampa' motambuha', ka' mosi ulus posi butong; mosubali ka' mosi pintu-pintuus,

PO'ULE' INGULIT 12:31

Mosia na bansa haha aijo' monsombah to pilo-pilogot nu aha, boli otiho nu belemiu, na aijo' sahingga belemiu mombaumo sumo aijo' na monsombah Tumpu Allah nu belemiu, kalana de aha monsombahmo saba' mombaumo palabuatan anu toto ide-idek anu nunuka'ideki nu Tumpu. To ana-anak pe'e nu aha nopotunu nu aha i mezbah salaku bau koloban hi to pilo-pilogot nu aha.

1 SAMUEL 15:23

Kalau panggaga hi Tumpu madi' mohongo-hongo palentahnyo pokakanamo na ko ideknyo sumomo mompake ajimat, ka' mule' kinyonyoa anu buulon pokakanamo na ko ideknyo sumomo montunde' pilogot. Kalana belento Tomundo' madi'mo nontuluti palentah nu Tumpu, jadi Tumpu madi'mo mongakui belento Tomundo' timbali Tomundo'.”

1 SAMUEL 28:3

I Samuel sinilakamo ka' ia ihaanganmo nu aha iwi-iwi' mian nu Israel ka' ilamunmo kiijo' i kinajojoongannyo i kota' Rama. U'utu mae i Saul nolaa'mo iwi-iwi' na anu lewa' montahi'i tiba bolian anu lewa' montunde' tominuat da boli jojoong i Israel.

1 SAMUEL 28:7

Kalana aijo' pinoto'imo i Saul hi to mia-mian anu monjagai ka' montoa ia, “Soba lio mae samian na boune anu tinimbalimo bolian da montunde'akon hi tominuat, aku kahanda' mamba hi ia da momoita pokinde'.” Tinaaman nu aha, “Kiijo' mae i En-Dor daagi ko bolian anu susumo itina'.”

1 SAMUEL 28:8

Lantas i Saul nimbalu-balu'mo susumo mian sangga'at da madi' nusumbu' nu mian. Ka' sinangaluan nu to momo'ane aha ua aha, ia nambamo ka' tinokamo ilaigan nu bolian aijo' pihi-pihi. Sahingga notataemo na i Saul, “Soba laga mae na tominuat nu mian anu ku sanggoje na sanggonyo, ka' poitakon da nu poto'i mae apaa na anu jadi saidi' mae.”

1 SAMUEL 28:9

Boune aijo' nontaami, “Tantu belento Tuan nonsumbu'mo, saba' i Tomundo' Saul nolaa'mo iwi-iwi' na anu lewa' montahi'i ka' bolian anu lewa' montunde' tominuat da bolimo jojoong i Israel. Kadaka' belento Tuan kahanda'mo monsilakai aku sahingga aku opateimo?”