PO'ULE' INGULIT 17:8 - KITAB NU TUMPU ALLA LELE MA'IMAI'

⁸ De daagi' ko palakala anu madi' opoko putusi nu to mia-mian kopian i sa'angu' na lipu' kalana talalo mahan, umpamanyo palakala nompateimo anu tinotonggolakon kabai madi' tinotonggolakon, pahantuda'an mongkona halata' kabai mompaha bela-belaimo butong nu samian, belemiu tionyo ahi' mambamo i tampat anu pinile'anmo nu Tumpu Allah nu belemiu.

PO'ULE' INGULIT 17:8 ပူးပေါင်းရင်းမြစ်များ

2 SAMUEL 15:2

Sansina-sinaa daagi subu-subu i Absalom mobulamo lantas ia tuminjomo isohipi' nu jalan koko sabatan daka' ilaigan nu tomundo'. Toto samian na anu toka mae mongkalak palakalanyo hi tomundo' nu laga ka' nu pokilawa i Absalom, koonyo, “Beleyum lengkat mae hi tulunan ihe?” Ka' de mian aijo' montaami, “Lengkat mae hi tulunan nu bansa aiya kabai aijo',”

1 TAWARIKH 26:29

Lee' i Yizhar, aijo'mo i Kenanya ka' to ana-anaknyo binee'an kalaja mongatun sulat nu negara ka' kalaja momputusi palakala i Israel.

NOSABATMO 18:15

Tinaaman i Musa, “Mian haha aijo' toka mae hi belengku kahanda' monsumbu' pa' mosia na koonyo nu Tumpu Allah.

NOSABATMO 18:26

Aha mompojalan palentah salaku mian kopian nu aha bansa Israel. Palakala anu toto maha-mahan na nuboa nu aha hi Musa, panyo pahangka'idekan anu toto ise-ise' nu posi ulusmo nu aha.

NOSABATMO 21:20

Ihe na mondoke botuannyo mo'ane kabai boune sahingga botuan aijo' lau-laus nate, tionyo ahi' o hukum.

NOSABATMO 21:22

De aha sangkuka na mo'ane hau-haunyo mahanjagun ka' sala'samian aijo' hi aha monsaduakonmo bahaya hi samian na boune anu poboa sahingga anaknyo i kompong inanabu'mo ma'isa pe'e tempo'nyo nu kahampeannyo, panyo ia madi' nongoa'i sakit i bagian butong sangga'at, jadi mian aijo' tionyo mombayan bau pondenda konjoo'nyo iyamo na anu nupoita nu langkai'nyo ka' nusetujui nu to mia-mian kopian.

NOSABATMO 21:28

“De sa'angu' na sapi' lakinyo montanduk mian sampe mate, sapi' aijo' tionyo ahi' opahambunu'akon nu batu sampe mate, ka' antoknyo madi' timbali okaan panyo tumpunyo madi' obee'i hukuman.

NOSABATMO 22:2

Ia tionyo mombolosi anu binulingnyo. De madi' ko anu daagi' hi ia apa-apaa, iamo na opobaluk susumo botuan bau pombolosi anu binulingnyomo. De anu binulingnyo aijo' sapi', keledai kabai domba, ka' daagi' i humpak hi mian aijo' daagi' tumuu', ia tionyo mombolosi de sa'angu' na potuu'on obolosi ohua' na potuu'on. De samian na anu mombuling pihi o hakop i uno nu sa'angu' na laigan lantas ia pinateanmo, mian anu nompatei aijo' madi' ko sala'nyo. Panyo de han aijo' binau sina-sinaa, mian anu nompateimo sala'.

NOSABATMO 22:8

Panyo de anu mombuling madi' o humpak, mian anu pinompo'una'an aijo' tionyo ahi' oboa i tampat ponsomban, ka' ikiijo' ia tionyo ahi' basumpa' ka' montaloakon tukoonyo ia madi' nombuling balang anu pino'una' hi ia.

YEHEZKIEL 44:24

De daagi' ko palakala mompahasala'mo i atulan, tionyo ahi' nu ulus nu aha susumo koonyo nu atulan-Ku ka' mule' mongadati ahi' sinaa nu Sabat salaku sinaa anu samata-mata baumo ponsomban Aku.

HAGAI 2:11

Ia notatae, “Poita kaputusan nu to ima-imam mongkona han aiya.

MALEAKHI 2:7

Memang ahi' kahalusan nu to ima-imam na mompogulu' han anu totu'u apaa na anu Ku kahanda'i, Tumpu Anu Matangkas na Kuasanyo. Hi ahamo ahi' na tampat nu mian da'isan mompokilawa apaa na anu Ku ka'ima'i kalana ahamo ahi' aijo' na anu pinalentang-Kumo da mompoto'i.

NOMBILANGMO 35:11

belemiu tionyo ahi' montantukanmo kota-kota bau palaian da to mia-mian anu madi' nontotonggolakon nompateimo mian sangga'at, timbali mopalai mokiijo'.

NOMBILANGMO 35:16

Panyo de ihe na mian ko toongonnyo besak kabai batu kabai kau' na pinompateinyo mian sangga'at, mian aijo' nyata' memang topo patei; ia mohumpakmo kasala'an ka' tionyo ahi' hukumannyo opatei.

PO'ULE' INGULIT 1:17

Koputusan boli mabuat sambiha'; iwi-iwi na mian tionyo oadini miu pokakana madi' mompine ihe na mian aijo. Boli mabuhuk pa ihe pe'e, saba keputusan anu ingala miu anu lengkat mae hi Tumpu Allah. Bisuannyo ko palakala talalo maboat hi belemiu, boamae hi belengku, da belengku na momputusi.

PO'ULE' INGULIT 12:11

Lapas aijo' Tumpu Allah nu belemiu mompile'imo sa'angu' na tampat da tionyo ahi' ponsomban Ia. Ikiijo' na tionyo ahi' kalambanan nu belemiu momboa iwi-iwi' apaa na anu pinalentahkonmo, aijo'mo koloban anu opotunu ka' to kolo-koloban sangga'at, palasombahan sambagian anu o ala i anu sampulu' na bagian ka' palasombahan bau samata-mata bagi nu Tumpu anu jinanji'mo miu.

PO'ULE' INGULIT 12:14

panyo ola i tampat anu pinile'anmo nu Tumpu i da'erah nu sala'sa'angu' na tulunan nu bansa miu. Ola ikiijo' na belemiu tionyo ahi monsombahkon koloban anu opotunu ka' pombauan han sangga'at anu ku palentahkon hi belemiu.

PO'ULE' INGULIT 12:5

Songko-songko na da'erah nu to tulu-tulunan nu aha Israel Tumpu Allah nu belemiu mompile'ije sa'angu' na tampat da bansanto moko ala toka i ahop-Nyo ka' monsombah Ia.

PO'ULE' INGULIT 19:17

ua-ua'aha tionyo ahi' mamba i tampat ponsomban Tumpu anu pinoto'imo nu Tumpu da o ulus nu to ima-imam, ka' mian kopian anu tempo'nyo aijo' mokalaja.

PO'ULE' INGULIT 19:4

De ihehe na mian madi' nontotonggolakon nompateimo mian sangga'at anu misa' sampobali'nyo, ia timbali mompalaihakon butongnyo i sala'sa'angu' na kota aijo' ka' timbali jojoong ka' tumuu' ikiijo'.

PO'ULE' INGULIT 21:5

To ima-imam Lewi suele ahi' mamba mokiijo', kalana aha tionyo ahi' mombee'i kaputusan toto sa'angu' na palakala. Aha pinile'anmo nu Tumpu Allah nu belemiu da montuluti apaa na anu pinalentahkon-Nyomo ka' mompotokakon balakat lengkat mae hi Tumpu.

PO'ULE' INGULIT 25:1

Bisuannyo ua'aha na mian nu Israel mamba hi mian kopian mahangkalak i palakala na aha, lantas samian pinoto'imo madi' ko sala'nyo, ka' sangga'at na ko sala'nyo.