PO'ULE' INGULIT 17:20 - KITAB NU TUMPU ALLA LELE MA'IMAI'

²⁰ De ia saja' mombasa' saba ia madi' monsangka butongnyo na lebe ma'ima' molingkudui to mia-mian sangko bansanyo, ka' madi' molanggai palentah nu Tumpu mau mule' pa' mosiamo. Lantas ia ka' lee'nyo mompalentahmo bansanyo opotulu-tulunakon.”

PO'ULE' INGULIT 17:20 ပူးပေါင်းရင်းမြစ်များ

2 SAMUEL 22:23

Iwi-iwi' na atulan-Nyo pinalahatikankumo palentah-Nyo iwi-iwi' saja' binaungku.

1 TOMU-TOMUNDO' 11:34

Maumo sumo aijo' Aku madi' mongala iwi-iwi' na kalaja'annyo aijo' hi ia. Ia daagi Ku pobee' mompalentah de ia ma'isa silaka. Han aijo' Ku bau kalana monginau' i Daud posaihon-Ku aijo' anu pinile'an-Kumo ka' mule' anu nontulutimo atulan-Ku ka' mule' palentah-ngKu iwi-iwi'.

1 TOMU-TOMUNDO' 11:36

Panyo sa'angu' na tulunan nu bansa Ku bee'mo hi ia da saja' daagi' ko samian na lee' mae i Daud posaihon-Ku aijo' na mompalentah anu saja' monsombah Aku i Yerusalem kota' anu pinile'an-Kumo tampat bau ponsomban Aku.

1 TOMU-TOMUNDO' 15:3

I Abiam nombaumo dosa' susumo tuumanyo. Ia madi' totu-totu'u na kinyonyoa montuluti Tumpu Allah-nyo, madi' pokakana tiba i Daud mompolee'nyo mae.

1 TOMU-TOMUNDO' 15:5

Tumpu nombaumo sumo aijo' kalana i Daud nomposanangmo kinyonyoa-Nyo. I Daud madi' toho' nolanggai palentah nu Tumpu iwi-iwi', ola daagi' kino minsan palakala tiba i Uria mian nu Het aijo'.

1 TOMU-TOMUNDO' 2:3

Ka' obau apaa na anu nu palentahkon nu Tumpu Allah nu beleyum hi beleyum. O tuluti na to atu-atulan ka' to pale-palentahNyo anu tinulismo i uno nu Kitab i Musa, da momoya na kalambanan nu beleyum mingkaliangan na anu nu bau.

2 TOMU-TOMUNDO' 14:10

Belento Amazia kinobubuunmo kalana belento nompatundu'mo mian nu Edom. Jadi te misa' ka'untungan nu belento nahampate atina' sinukupmo ahi'? Lebe ma'ima' belento atina' me ahi' jojoong i laigan! Apaa na daagi' ko gunanyo lewa' molio palakala anu ola monsilakai butong nu belento ka' mian da'isan anu nu palentah?”

2 TAWARIKH 25:19

Beleyum Amazia, kobubuunmo tukooyum beleyum mompatundu'mo mian nu Edom, panyo lebe ma'ima' beleyum jojoongmo i laigan. Apaa na gunanyo lewa' molio palakala anu ola monsilakai butong nu beleyum ka' mian anu nu palentah?”

2 TAWARIKH 26:16

Salatan i Tomundo Uzia dinaka'mo na kakuasaannyo, ia sinombongmo ka' aijo'mo na nonsaduakon sahingga ia sinilakamo. Ia nolanggaimo palentah nu Tumpu Allahnyo kalana nompinsopimo Laigan nu Tumpu ka' nompapuimo kamangian i mezbah i tampat nu kamangian.

2 TAWARIKH 33:12

Tempo'nyo ia nonta'upmo kasansalan aijo', ia nongakuimo kasala'annyo hi Tumpu Allah-nyo ka' ia binalado'amo nongkakaasemo da otulungi na ia.

2 TAWARIKH 33:19

I Uno nu kitab Sisikon nu to Nabi-nabi tinulismo suele na do'a i Manasye ka' mosia na Tumpu nontaami do'a aijo', ka' mule' sisikon mongkona iwi-iwi na dosa'nyo tempo'nyo ia ma'isa binalatobat, iwi-iwi na tampat bau ponsomban pilogot ka' iwi-iwi na patong Pilogot boune Asyera anu binaunyomo ka' to pilo-pilogot anu nu sombah.

2 TAWARIKH 33:23

Panyo madi' pokakana tiba tuumanyo, i Amon madi' mongaku kasala'annyo ka' madi' po'ule' balatobat ka' monsombah Tumpu; ka' mule' ia na lebe baladosa' molingkudui tuumanyo.

2 TAWARIKH 34:27

beleyum nompele-pele'mo ka' nagakumo kasala'an i ahopku. Aku nompopobuhukmo Yerusalem tukoongku Ku hukumo na Yerusalem ka' mian anu jojoong i kiijo', panyo salatan beleyum nohongomo anu pinompobuhuku-Ku aijo' beleyum i humangmo ka' nombea-beakmo baju' nu beleyum salaku tanda sinusa'mo na kinyonyoa nu beleyum,

MAZMUR 119:102

Aku madi' mongkolilimi atulan nu Belento, kalana Belentomo na nompogulu' aku.

MAZMUR 132:12

De to ana-anak nu beleyum tulu-tulutan hi apaa na anu jinanji'-Kumo, ka' montuluti iwi-iwi' na palentah-ngKu, sahingga sampe toka sidu-sidutu' na lee' nu aha mombolosakon beleyum salaku tomundo'.”

MAZMUR 19:11

Atulan nu Tumpu lebe ko angga'nyo molingkudui mosoni' anu madi' ko galo'nyo, lebe matami' molingkudui juu' nu uwani' anu madi' ko galo'nyo.

AMSAL 10:27

Oholomati na Tumpu da beleyum tumuu' pin; mian anu ma'idek na kinyonyoanyo ma'isa pe'e toka na ajannyo ia silakamo.

AMSAL 27:24

kalana kakaya'an madi' sampe toka sidu-sidutu'; ka' mule' kuasa mompalentah madi' tataap sampe toka sidu-sidutu'.

ANU MOMPOLELE POTATAE NU TUMPU 8:13

Panyo mule' ahi' mian anu ma'idek na palabuatannyo mohumpak kasusa'an. Kantumuu'annyo malia-lia' hondo madi' otoa susumo lolung. Ia de silakamo umunnyo ma'isa langkai' kabai bengkele'; kalana ia madi' tulu-tulutan hi Tumpunyo.

YESAYA 2:12

Toka isina aijo' Tumpu Anu Daka' na Kuasanyo mompopo'ambangmo iwi-iwi' na anu montige-tige ka' mule' mohukumo iwi-iwi' na anu buulon tiba anu lewa' montige-tige.

HABAKUK 2:4

Ka' o ingat: Mian anu ma'idek na kinyonyoanyo madi' salamat, panyo mian anu mombau pongka'oho' nu Tumpu saidi' mae tumuu' kalana ia tulu-tulutan hi Tumpu.”

2 KORINTUS 12:7

Panyo da boli aku talalo buulon kalana saja' montoa anu madi' ko gampanyo aijo', aku binee'anmo sangahan na panyakit i butongku anu binau sumo sala'sa'angu' jalan nu Ibilis. Panyakit aijo' binee' bau pondoke aku, da aku madi' timbali buulon.

PO'ULE' INGULIT 12:25

De otuluti nu belemiu na palentah aijo' Tumpu sanangmo ka' belemiu tiba lee' nu belemiu mohumpakmo ka'ima'an.

PO'ULE' INGULIT 12:28

Opalahatikan ima-ima' iwi-iwi' apaa na anu pinalentahkonkumo hi belemiu sahingga belemiu mombaumo anu ma'ima' ka' nusitujui nu Tumpu Allah nu belemiu sahingga belemiu ka' lee' miu mohumpak kasalamatan ka' ka'ima'an sampe toka sidu-sidutu'.”

PO'ULE' INGULIT 12:32

Obau iwi-iwi' apaa na anu pinalentahkonkumo hi belemiu boli otuangi kabai oga'ai.

PO'ULE' INGULIT 17:11

Otalima na kaputusan nu aha ka' obau apaa na anu pinoto'imo nu aha, maumo han anu ola toto ise-ise'.

PO'ULE' INGULIT 4:2

Apaa na anu ku palentahkon, boli otuangi kabai oga'ai mau ola sangkiding. Tuluti na palentah nu Tumpu Allah nu belemiu iwi-iwi' anu binee'kumo hi belemiu.

PO'ULE' INGULIT 5:32

To utu-utus tuluti ima-ima', iwi-iwi' na anu pinalentahkonmo nu Tumpu nu belemiu hi belemiu. Boli molanggai mau pe'e ola sa'angu' na palentah haha aijo'.

PO'ULE' INGULIT 8:2

O' inau'! Patompulu' na taun na kopinnyo Tumpu Allah miu nolaya'mo mae belemiu i uno nu lumambanan anu majo'on nontului mae padang bola. I uno nu lumambanan aijo' niat nu Tumpu Allah da monsobai belemiu, da Nu toa apaa na anu i uno nu kinyonyoa nu belemiu ka' apaa belemiu montuluti sagala palentah-Nyo.

1 PETRUS 5:5

Sumo aitumo na kita Utus, to oli-olitau ka' to lalangkoyang. Tulu-tulutan hi to mia-mian anu motu'amo. Kita Utus iwi-iwi' boli ko tige-tige ka' mompaha kale-kalesang ahi', boli kobubuun na kinyonyoa. Kalana i uno nu Kitab nu Tumpu tinulismo sumo uuka, “Tumpu mongewa mian anu buulon, panyo mongkalibosi mian anu madi' ko tige-tige.”

1 SAMUEL 10:25

Lapas aijo' i Saul nontutuhakonmo hi bansa aijo' mongkona hak ka' anu nu kalaja nu tomundo', lantas tinulisnyomo i sa'angu' na kitab ka' pino'una'mo i tampat Susi'. Lapas aijo' i Samuel nonsaimo bansa aijo' iwi-iwi' da minsusule'mo i laigannyo toto samian.

1 SAMUEL 15:23

Kalau panggaga hi Tumpu madi' mohongo-hongo palentahnyo pokakanamo na ko ideknyo sumomo mompake ajimat, ka' mule' kinyonyoa anu buulon pokakanamo na ko ideknyo sumomo montunde' pilogot. Kalana belento Tomundo' madi'mo nontuluti palentah nu Tumpu, jadi Tumpu madi'mo mongakui belento Tomundo' timbali Tomundo'.”