PO'ULE' INGULIT 17:19 - KITAB NU TUMPU ALLA LELE MA'IMAI'

¹⁹ Kitab aijo' tionyo ahi' saja' ohani hi ia, ka' tionyo ahi' saja' nu basa' da balagulu' mongadati Tumpu Allahnyo ka' saja' montuluti iwi-iwi' na palentah anu tinulis i unonyo.

PO'ULE' INGULIT 17:19 ပူးပေါင်းရင်းမြစ်များ

2 TOMU-TOMUNDO' 22:10

Lapas aijo' pinoto'imo i Safan, “I Hilkia nombee'mo mae kitab aiya hi belengku.” Lantas kitab aijo' binasa'mo i Safan da nu hongo i tomundo'.

MAZMUR 1:2

panyo anu mongka'ima'i mombau Palentah nu Tumpu ka' lewa' mompotutugakon maumo sinaa kabai maumo pihi.

YOHANES 5:39

Komiu mompakalioi Kitab nu Tumpu kalana monsangka au'aitu desumo aijo' komiu ko kantumuu'anmo anu talakana' ka' toka sidu-sidutu'. Ka' posi Kitab nu Tumpu aijo' nombee'imo katalangan mongkona Aku.

PO'ULE' INGULIT 11:18

Saja' o inau' ka' saja' ahi opalahatikan na palentah haha aijo'. Posegot i botokon nu beleyum ka' i siakan nu beleyum da saja' o inau'.

PO'ULE' INGULIT 4:10

na sinaa aijo' de belemiu tuminjomo i ahop nu Tumpu Allah nu belemiu i Bungkutnyo nu Sinai. Tempo'nyo aitu Ia notataemo hi belengku, ‘Posihuk mae na bansa aijo'. Ku ka'ima'i da aha mohongo apaa na anu kahanda' Ku poto'i, da aha balagulu' tulu-tulutan hi beleng-Ku i uno nu kantumuu'an nu aha sidu-sidutu', ka' da aha mompogulu' to ana-anak nu aha da tulu-tulutan hi beleng-Ku.’

PO'ULE' INGULIT 4:9

Boli okolilimi ka' otutugi ima-ima', da sidu-sidutu' i uno nu kantumuu'an miu madi' okolilimi nu belemiu apaa na anu pinosi toamo nu belemiu. Sisikakon hi to maku-makumpu nu belemiu,

PO'ULE' INGULIT 5:1

I Musa nomposihukmo iwi-iwi' na aha bansa Israel, lantas notataemo hi aha, “To Utu-utus, potombihing mae na atulan haha aiya anu ku bee' hi belemiu sinaa aiya. Opakalioi na atulan haha aijo' ka' otuluti boli okolilimi.

YOSUA 1:8

Kitab nu atulan aijo' tionyo ahi' saja' nu basa'akon hi mian anu pinalesayamo hi beleng-Ku. Ogulu'i na kitab aijo' sinaa ka' malom, da saja' nu bau iwi-iwi' apaa na anu tuli-tulis kiijo' i unonyo. De nu baumo na aijo' iwi-iwi' kantumuu'an nu beleyum mohumpakmo kasanangan ka' apaa na anu nulio nu beleyum ohumpakmo.