PO'ULE' INGULIT 17:18 - KITAB NU TUMPU ALLA LELE MA'IMAI'

¹⁸ De samian o hangkatmo timbali tomundo, ia tionyo ahi' obee'imo sa'angu' na kitab nu to atu-atulan nu Tumpu Allah anu sinalin lengkat i kitab anu momonanyo hondo anu pino'una' nu to ima-imam Lewi.

PO'ULE' INGULIT 17:18 ပူးပေါင်းရင်းမြစ်များ

1 TOMU-TOMUNDO' 2:3

Ka' obau apaa na anu nu palentahkon nu Tumpu Allah nu beleyum hi beleyum. O tuluti na to atu-atulan ka' to pale-palentahNyo anu tinulismo i uno nu Kitab i Musa, da momoya na kalambanan nu beleyum mingkaliangan na anu nu bau.

2 TOMU-TOMUNDO' 11:12

Lapas aitu i Yoyada nomboamo i Yoas nosabat, lantas pinosoku'annyomo makota i ubaknyo ka' binee'nyomo kitab Atulan nu Tumpu Allah. I Yoas i hangkatmo binau tomundo' ka' han aitu binebakonmo hi mian da'isan. Iwi-iwi' nohagaimo ka' nontalagalaimo “Umu-umunnakon na i tomundo'!”

2 TOMU-TOMUNDO' 22:8

Jadi palentah i tomundo' pinoto'imo i Safan hi Hilkia, lantas i Hilkia nonsisikmo hi Safan tukoonyo ia nohumpakmo kitab atulan nu Tumpu i Laigan nu Tumpu. I Hilkia nombee'mo kitab aijo' hi Safan ka' binasa'mo i Safan.

2 TAWARIKH 34:15

Pinoto'imo i Hilkia hi Safan, “Aku nohumpak Kitab Atulan nu Tumpu i Laigan nu Tumpu,” lantas binee'nyomo na kitab aijo' hi Safan.

PO'ULE' INGULIT 31:9

Lantas i Musa nontulismo atulan nu Tumpu Allah ka' binee'nyomo hi to ima-imam nu aha Lewi anu binee'anmo kalaja da mongka'lesang Peti' Palajanjian, ka' hi to pola-polaya' nu aha Israel.

YOSUA 1:8

Kitab nu atulan aijo' tionyo ahi' saja' nu basa'akon hi mian anu pinalesayamo hi beleng-Ku. Ogulu'i na kitab aijo' sinaa ka' malom, da saja' nu bau iwi-iwi' apaa na anu tuli-tulis kiijo' i unonyo. De nu baumo na aijo' iwi-iwi' kantumuu'an nu beleyum mohumpakmo kasanangan ka' apaa na anu nulio nu beleyum ohumpakmo.