PO'ULE' INGULIT 17:17 - KITAB NU TUMPU ALLA LELE MA'IMAI'

¹⁷ Tomundo madi' timbali manjoo' na bengkele'nyo, da ia madi' mohiku Tumpu. Ia suele madi' timbali bala'usaha da kaya na posi butongnyo nu salaka tiba mosoni'.

PO'ULE' INGULIT 17:17 ပူးပေါင်းရင်းမြစ်များ

KAJADIAN 2:24

Mokonyo aijo' mo'ane mompala'imo tuuma ka' tinanyo ka' mosa'angu'mo tiba bengkele'nyo, lantas ua-ua'aha timbalimo sa'asa'angu'.

2 SAMUEL 12:11

Ku sumpa'akon na beleyum da nu tokai mae nu balaa' anu lengkat mae hi posi sa'anakan nu beleyum. Ku ala na to bengke-bengkele' nu beleyum i ahop nu mata nu beleyum ka' Ku bee' hi mian sangga'at anu mongkamale'i aha sonsu'un sinaa.

2 SAMUEL 5:13

Salatan i Daud nolalinmo lengkat i Hebron nambamo i Yerusalem, ia nongosoai mule' to lalangkoyang pa' aha sangkuka, ka' nongala mule' pa' aha sangkuka na to lalangkoyang binau ambahue'nyo; sahingga nintuangmo na to ana-anaknyo mo'ane ka' boune.

1 TOMU-TOMUNDO' 10:21

Iwi-iwi' na pakakas bau ponginuman i Salomo, mosoni' na binau, ka' iwi-iwi' na pakakas anu pino'una' i Laigan Alas Libanon suele mosoni' anu madi' ko galo'nyo na binau. Madi' ko anu salaka na binau, kalana tempo'nyo daagi' i Salomo nompalentah mian montoa salaka aijo' madi' ko olinyo.

1 TOMU-TOMUNDO' 10:27

Tempo'nyo i Salomo nompalentah, kiijo' i Yerusalem salaka sumo balang biasa susumo batu ka' kau' lontio' Libanon nanjoo'mo hondo sumomo kau' ara biasa.

1 TAWARIKH 14:3

I Yerusalem, i Daud nongosoaimo mule' tino pia-piangkuka na boune, ka' nohumpak mule' anak.

2 TAWARIKH 1:15

Tempo'nyo i Salomo nompalentah mosoni' ka' salaka otoa sumomo balang anu madi' talalo ko olinyo i Yerusalem, pokakanamo sumo batu; ka' kau' Lontio' nu Libanon nanjoo'mo hondo pokakanamo sumo kau' ara anu lewa' opake.

2 TAWARIKH 11:21

I Rehabeam bengkele'nyo aha 18, ka' silabo'nyo aha 60, aha 28 na anak to momo'ane, ka' aha 60 na anak to boboune. Iwi-iwi' na bengkele'nyo ka' silabo'nyo haha aijo', anu talalo hondo nu ka'ima'i i Maakha.

NEHEMIA 13:26

Pinoto'ingkumo, “Te misa' dosa' aiya suele binaumo i Tomundo' Salomo? Madi' ko tomundo' anu i dunia aiya na lebe daka' molingkudui ia. Tumpu Allah mongkalibosi hondo ia ka' nompotimbalimo ia tomundo' nu aha songko-songko na Israel. Maumo sumo aijo' ia pagalamo sinale'an nu to bou-boune bansa anu i salipu'an da mombaumo dosa'.

MAZMUR 62:10

Manusia ola susumo monguusakon napas, tu'anyomo kabai daagi' anak bubuu' madi' ko angga'nyo. De otimbang, aha laing hondo, nulingkudui na kolaingnyo nu napas anu ouusakon.

AMSAL 31:3

Boli ola lewa' mombea-beasakon kahosonan nu butong nu beleyum kabai ola lewa' monsa'u kahosonan nu beleyum hi boune. Manjoo'mo na tomundo' anu ihansun kalana boune.

MALEAKHI 2:15

Temisa' Tumpu Anu olamo ahi' sa'a-sa'angu'nyo nompotimbalimo belemiu sa'a-sa'angu'nyo na butong, sa'a-sa'angu'nyo na santuu' tiba boune aijo'? Apaa na nu kahanda'i nu Tumpu i potatae aijo'? Madi' ko sangalasannyo alati'nyo da belemiu mohumpak to anak-anak anu timbali mian anu anu palesaya hi Tumpu anu sahondo-hondonyo ahi'. Jadi ojagai ahi' na butong nu belemiu, da boli ko anu atina' hi belemiu na madi' mompalakai bengkele'nyo.

MATIUS 13:22

Bine' anu nanabu' i totonga' nu sompinit, sumomo to mia-mian anu mohongo lele aijo', panyo bata-bata mongkona kantumuu'an nu aha, ka' mongka'oho' tumuu' molabi. Kalana aijo' lele anu lengkat mae hi Tumpu, ola o piiti i kinyonyoa nu aha, sahingga madi' mimbua'.

MATIUS 19:5

Ka' ilapas aijo' Ia notataemo, ‘Aijo' nasababnyo mo'ane mompala'i tina tuumanyo, ka' mosa'angu' tiba bengkele'nyo, sahingga aha ohua' timbali sa'a-sa'angu'.’

LUKAS 12:15

Lapas aijo', kona hi mian iwi-iwi' anu daagi' i kiijo', i Yesus notatae, “Obala'ingati ka' bajaga-jaga, boli sampe komiu mangoa. Kalana kantumuu'an nu mian madi' ola taha'iman i kakaya'annyo mau mule' halata'nyo molabi-labi.”

1 TIMOTIUS 6:17

Hi to mia-mian anu kaya i dunia aiya tionyo ahi' nupoita nu beleyum da aha boli kobubuun, ka' boli montaha'imani to paka-pakakas anu madi' tataap – sumo hannyo nu kakaya'an. Aha tionyo montaha'imani Tumpu anu nombee'imo molabi-labi iwi-iwi na apaa hi kita, da olasainto.

1 TIMOTIUS 6:9

Panyo mian anu mongka'oho' timbali kaya, tagodamo ka' nusegotimo nu sagala lupa na anu oka'ima'i, anu ponga' ka' mongidei. Anu oka'ima'i haha aijo' mombau mian timbali magalis ka' silaka.