PO'ULE' INGULIT 17:16 - KITAB NU TUMPU ALLA LELE MA'IMAI'

¹⁶ Tomundo madi' timbali ko ajahan manjoo' anu nusake'i nu suludadunyo ka' madi' timbali mompalentah bansa aiya minsusule' i Mesir mamba mongoli ajahan kalana Tumpu notataemo tukoo-Nyo mian anu pinalesayamo hi Ia madi'mo timbali minsusule' i lipu' aijo'.

PO'ULE' INGULIT 17:16 ပူးပေါင်းရင်းမြစ်များ

2 SAMUEL 8:4

I Daud nohakopmo aha 1.700 na mian, te suludadu anu nonsake'i ajahan tiba aha 20.000 na mian, te suludadu anu ilumajang tengke. Pinaha pengko'annyo na ajahan sangga'at, ola sambagian anu unggalannyo sa'atu na ajahan na madi' da mohela' kaleta anu opake bau pahampate.

1 TOMU-TOMUNDO' 1:5

Kalana i Absalom sinilakamo, sahingga i Adonia, anak mo'ane i Daud anu ko ohua'nyo na tinimbalimo anu tumpenyo. Tinanyo i Hagit na sanggonyo. I Adonia olitau hondo. Tuumanyo madi' toho' montambuha'i ia de ia mombau kasala'an. I Adonia mongka'ima'i hondo bau Tomundo' sahingga ia nomposadiamo kareta bau pahampate ka' suludadu anu monsake'i ajahan ka' aha limampulu' na suludadu anu monjagai ia

1 TOMU-TOMUNDO' 4:26

I Salomo ko suludadunyo 12.000 anu monsake'i ajahan ka' 40.000 na pangkun nu to aja-ajahan anu mohela' to kereta-keretanyo.

1 TOMU-TOMUNDO' 5:6

Sinumbu'mo nu belento Tuan saba' mianku i aiya madi' ko anu monsumbu' monta' kau' susumo mian nu belento Tuan. Kalana aijo' ku poita de timbali da belento Tuan mompalentah to mia-mian nu belento Tuan monta'iakon mae aku kau' lontio' i Libanon. Mianku ku palentahje da montulungi aha, ka' maumo sangkuka na tambonyo anu otantukan mae nu belento Tuan, bau pontamboi mian haha aijo' ku bayanje.”

2 TAWARIKH 1:16

Lengkat hi to daga-dagang anu montulungimo i Tomundo, ajahan opotoka mae lengkat i Mesir ka' Kewe,

2 TAWARIKH 9:25

I Tomundo Salomo suele ko pangkun nu ajahan ka' kareta 4.000 na pangkun. Ajahan anu bau pahampate 12.000 na konjoo'nyo. Sambagian pino'una'nyo i Yerusalem ka' labinyo sangga'at i to kota-kota' anu pompo'una'annyo to kare-kareta anu opake mahampate.

MAZMUR 20:7

Uuka aiya sinumbu'kumo taalu' Tumpu mombee'imo ka'untungan mahampate hi tomundo' anu pinile'an-Nyomo. Tumpu nontaamimo ia lengkat mae i suluga'-Nyo anu susi' hondo; kalana kuasa nu Tumpu ia nohumpakmo ka'untungan nahampate anu daka' hondo.

NOSABATMO 13:17

Salatan pinobee'mo nu tomundo Mesir na bansa Israel namba, Tumpu Allah madi' nomboa aha notulu jalan anu monsahak lipu' Filistin, mau mule' aijo' ahi' na jalan anu magontop. Tinutugan nu Tumpu Allah? “Boli-boli mian haha aijo' mompele-pele'mo de montoamo aha tantu mahampatemo lantas po'ule'mo minsusule' i Mesir.”

NOSABATMO 13:18

Kalana aitu Tumpu nomboamo aha notulu i jalan mompoliliit da monsahak padang bola mokiijo' i sasu ambai Gelagah. Tempo'nyo nompala'imo Mesir na aha mian nu Israel haha aijo' bubu'mo nomboa toongon susumo anu mahampatemo.

NOSABATMO 14:13

Tinaaman i Musa, “Boli mabuhuk! Saba-sabanmo! Otoaje nu belemiu na kasalamatan anu nubee' nu Tumpu hi belemiu. Mian nu Mesir anu otoa nu belemiu uuka aiya, madi'mo daagi' otoa nu belemiu.

YESAYA 2:7

Lipu' nu aha kaho' mosoni' tiba salaka, ka' mule' halata' nu aha manjoo' hondo. Ajahan nu aha manjoo' hondo ka' mule' kareta nu aha madi'mo opoko bilang na konjoo'nyo.

YEREMIA 42:19

Lantas aku motataeje mule', “Tumpu nompalentahmo da belemiu anu daagi' tinontuha' i Yehuda madi' mamba i Mesir. Kalana aijo' Ku bee'i pokinde' na belemiu uuka aiya,

YEHEZKIEL 17:15

Panyo i tomundo' Yehuda notomuhukmo ka' nonsaimo mian namba i Mesir da mohumpak ajahan tiba mule' suludadu manjoo'. Pa' usaha aijo' nu humpak ahi'? Pa' ia opojohokmo ahi' da mopalai? Madi' bisa na ia molanggai palajanjian ka' madi' mohumpak hukuman!

HOSEA 11:5

Mian nu Israel haha aijo' madi'mo mongka oho' minsusule' mae hi beleng-Ku, kalana aijo' aha tionyo ahi' minsusule'mo mamba i Mesir ka' bansa Asyur na mompalentahje aha.

HOSEA 14:3

Pinsusule'mo mae hi Tumpu ka' pongkakaase do'a salaku palasombahan nu belemiu hi Ia, otaloakon sumo uuka: “O Tumpu ampuniakon mae na dosa' mami ka' talimakon iwi-iwi' na do'a mami aiya, da kami mompuji'mo Belento susumo anu jinanji'mo mami.

MIKHA 5:10

To kota-kota' anu bau babentengan nu lipu' nu belemiu Ku hansunimo ka' mule' iwi-iwi' na benteng nu belemiu Ku tua'akonmo.

PO'ULE' INGULIT 28:68

Tumpu po'ule'mo momboa belemiu mamba mokiijo' i Mesir sumake' kapan, mau mule' Ia toho'mo notatae tukoo-Nyo belemiu madi'mo po'ule' minsusule' mokiijo'. Ikiijo' mae belemiu mompobalukmo butong nu belemiu da timbalimo posaihon hi sampobali' nu belemiu, panyo madi' ko samian pe'e na anu mongka'oho' mongoli belemiu.”

1 SAMUEL 8:11

“Sumo uuka de samian na tomundo nu belemiu mompalentahmo belemiu,” sumo uuka na i Samuel nontutuhakon. “Nupakisa na to ana-anak nu belemiu da bau suludadu; sambagian na aha opotimbali suludadu sumake' i kareta, sambagian bau suludadu monsake'i ajahan, ka' sambagian mule' bau suludadu lumajang tengke.