PO'ULE' INGULIT 17:14 - KITAB NU TUMPU ALLA LELE MA'IMAI'

¹⁴ “De tano' anu nubee' nu Tumpu Allah nu belemiu hi belemiu timbalimo anu nu belemiu ka' belemiu jojoongmo ikiijo' mae, ka' ihe na monsumbu' belemiu mongka'ima'imo da daagi' ko tomundo samian susumo hi to bansa-bansa anu itina' montikubi belemiu.

PO'ULE' INGULIT 17:14 ပူးပေါင်းရင်းမြစ်များ

IMAMAT 14:34

atulan haha aiya mongkona laigan anu kinonamo nu mapuk anu molele. Atulan haha aiya pinake salatan bansa Israel ninsoopmo i Kana'an, lipu' anu binee' nu Tumpu hi aha.

NOMBILANGMO 33:53

Tano' aijo' tionyo ahi' o ala nu belemiu ka' o jojoongi nu belemiu, kalana Ku bee'mo hi belemiu.

PO'ULE' INGULIT 11:31

Madi'mo pin belemiu motaapmo i Kaunyo nu Yordan ka' monjojoongimo tano' anu binee'mo nu Tumpu Allah nu belemiu hi belemiu. De o alamo nu belemiu na tano' aijo' ka' jojoongmo ikiijo',

PO'ULE' INGULIT 18:9

“De belemiu ninsoopmo i lipu' anu binee'mo nu Tumpu Allah nu belemiu hi belemiu, boli montiho' bauon anu toto ma'i-ma'idek na nubau nu to bansa-bansa ikiijo'.

PO'ULE' INGULIT 26:1

“De belemiu kiijo'mo mae i lipu' anu binee'mo nu Tumpu Allah nu belemiu hi belemiu ka' jinojoongmo ikiijo',

PO'ULE' INGULIT 26:9

Lapas aijo' belento nomboamo mae kami i aiya ka' nombee'mo tano anu kaya ka' ma'omuk aiya hi kami.

PO'ULE' INGULIT 7:1

“Tumpu Allah nu belemiu momboamo belemiu mamba i lipu' anu saidi' mae ojojoongimo miu, ka' manjoo' na bansa anu Nu laa' mosabat ikiijo'. I ahop nu mata nu belemiu popitu' na bansa Nu laa' anu lebe daka' ka' lebe mahoson molingkudui belemiu, aijo'mo aha mian nu Het, Girgasi, Amori, Kana'an, Feris, Hewi ka' Yebus.

YOSUA 1:13

“O inau'! I Musa posaihon nu Tumpu aijo' nompoto'imo hi belemiu tukoonyo tano' anu i sasu kabete'an Kaunyo nu Yordan aiya binee'mo nu Tumpu Allah hi belemiu da baumo lipu' nu belemiu.

YOSUA 21:43

Sumo aijo' na Tumpu nombee' hi aha mian nu Israel songko-songko na tano' anu sinumpa'akonmo na jinanji' hi mompolee' nu aha. Salatan aha jinojoongmo i lipu' aijo' aha mian nu Israel tinataapmo ikiijo'.

1 SAMUEL 10:19

Aku nompobebasmo belemiu da boli sansala ka' mongoa'i kasusa'an, panyo uuka aiya belemiu madi'mo nompajuli Aku, Tumpu Allah nu belemiu, kalana belemiu nompoitamo da Aku montiju' samian anu bau tomundo' nu belemiu. Jadi ma'ima'mo sihukmo mae aiya i ahop-Ku Tumpu Allah nu belemiu iwi-iwi' na tulunan nu bansa gampa mae nu belemiu.’ ”

1 SAMUEL 10:25

Lapas aijo' i Saul nontutuhakonmo hi bansa aijo' mongkona hak ka' anu nu kalaja nu tomundo', lantas tinulisnyomo i sa'angu' na kitab ka' pino'una'mo i tampat Susi'. Lapas aijo' i Samuel nonsaimo bansa aijo' iwi-iwi' da minsusule'mo i laigannyo toto samian.

1 SAMUEL 12:19

Lantas notataemo na aha hi Samuel, “Tulungi mae kita Tuuma, do'akon mae na kami aiya hi Tumpu Allah nu belento da kami madi' silaka. Uuka aiya sinumbu'mo mami taalu' kami po'ule'mo nombau dosa susumo dosa' mami naipuan mae kalana nompoitamo samian na tomundo'.”

1 SAMUEL 16:3

Lantas olaga na i Isai da mamba i tampat pongkolobanakonan koloban aijo'. Kupoto'ije apaa na anu tionyo ahi' nu bau nu beleyum. Mian anu Kupotiju' hi beleyum tionyo ahi' nu hangkat ka' obalakati da timbalimo tomundo'.”

1 SAMUEL 8:11

“Sumo uuka de samian na tomundo nu belemiu mompalentahmo belemiu,” sumo uuka na i Samuel nontutuhakon. “Nupakisa na to ana-anak nu belemiu da bau suludadu; sambagian na aha opotimbali suludadu sumake' i kareta, sambagian bau suludadu monsake'i ajahan, ka' sambagian mule' bau suludadu lumajang tengke.