PO'ULE' INGULIT 17:12 - KITAB NU TUMPU ALLA LELE MA'IMAI'

¹² Mau mule' ihe na baani' monggagakon mian kopian kabai imam anu montoongi kalaja, tionyo ahi' o hukum mate; sumo aijo' na belemiu montewa' da bolimo saja' mombau anu ma'idek aijo' hi aha Israel.

PO'ULE' INGULIT 17:12 ပူးပေါင်းရင်းမြစ်များ

EZRA 10:8

De ihe na madi' toka i uno nu tolunsinaa aiya, o'ala na halata'nyo iwi-iwi' ka' ia madi'mo oposoop bubuu' sangko gampa. Apaa na anu binebakonmo aijo' tinekengmo nu to polo-polaya' nu aha mian da'isan.

MAZMUR 19:13

Madi' ko anu monsumbu' kasala'annyo; O, Tumpu, pobebasakon mae na aku i kasala'an anu sulu-suluk.

AMSAL 21:11

Hukuman ko na hi mian anu lewa' mombusiki sanggo nu mian timbali bau pangajalan hi mian anu madi' ko anu nu pisumbu-sumbu'. De mian anu manonong opokinde'i, ia mompaka pandemo.

HOSEA 4:4

Tumpu notatae, “O to imam-imam, bolimo ko anu mompisala'i kabai montambuha'i mian-Ku anu palesayamo, kalana belemiu ahi' anu Ku pisala'i!

ZAKHARIA 3:7

“De beleyum montuluti ahi' atulan-Ku ka' mombau pakalaja'an anu Ku bee' hi beleyum saba' saja'mo ahi' beleyum na timbali bau polaya' i uno nu Laigan-Ku ka' mongkalesang natannyo. Ku hongoje na do'a nu beleyum susumo Aku mohongo do'a nu to mala-malaekat anu ohani hi beleng-Ku.

NOMBILANGMO 15:30

Panyo de aha mian Israel kabai mian anu lengkat mae i salipu'an ototonggolakonmo na mombau dosa' ia monteemo Tumpu. Mian aijo' tionyo ahi' o hukumo mate,

NOMBILANGMO 15:31

kalana ia madi'mo nohongo-hongo Tumpu, ka' nontotonggolakonmo nolanggai palentah nu Tumpu. Mian aijo' sinilaka kalana posi kasala'annyo.

MATIUS 10:14

De ko laigan kabai kota' anu madi' mongka'oho' montalima komiu kabai madi' mongka'oho' mohongo komiu, pala'i na tampat aijo', ka' sapuakon na abu' nu pala nu tengkeum.

LUKAS 10:16

Lantas i Yesus notatae hi anu saja' mombatuki Ia, “Mian anu mohongo komiu, mohongo Aku. Mian anu madi' montalima komiu, madi' montalima Aku. Ka' mian anu madi' montalima Aku, singkona madi' montalima Ia anu nonsai mae Aku.”

YOHANES 12:48

Mian anu madi' montalima Aku ka' madi' mohongo potataeng-Ku, daagi'mo ko anu momputusi palakalanyo. Potatae anu Ku potokakon, aijo'mo na anu momputusi palakala i Sinaa Kakiamatan.

YOHANES 20:23

De komiu mongampuni dosa' nu toto samian, Tumpu suele mongampuni ia. De komiu madi' mongampuni dosa' nu toto samian, Tumpu suele madi' mongampuni ia.”

PO'ULE' INGULIT 1:43

Belengku mompotoiakon hi komiu apa na anu tinaeakon nu Tumpu, panyo komiu madi mompajuli. Komiu monggagakon palentah nu Tumpu, ka mo junjuhi i mamba mokijo i bungkutnyo aijo.

PO'ULE' INGULIT 10:8

I bungkutnyo aijo' pinoto'imo nu Tumpu na tulunan nu bansa Lewi da samata-mata mongkalesang Peti' Palajanjian ka' mombau anu nu palentahkon nu Tumpu, ka' mule' montaeakon balakat hi mian anu pinalesayamo hi Ia. Aijo'mo na kalaja nu aha sampe uuka aiya.

PO'ULE' INGULIT 13:11

Sahingga iwi-iwi' na bansa Israel mabuhukmo kalana nohongomo lele nompatei aijo' sahingga madi'mo daagi' ko samian na anu mombau kalakuan anu ma'idek sumo aijo'.

PO'ULE' INGULIT 13:6

De utus nu belemiu kabai anak nu belemiu mo'ane kabai boune, kabai bengkele' nu belemiu anu okalibosi nu belemiu kabai sangalu anu mompahakona hondo belemiu madi' osumbu-sumbu' taalu' nonsale'imo belemiu da monsombah to pilo-pilogot sangga'at nu to bansa-bansa anu jojoong ohani kabai majo'on,

PO'ULE' INGULIT 17:13

Iwi-iwi' na mian mohongomo apaa na anu jinadimo aijo' ka' mabuhukmo, sahingga madi'mo daagi' ko anu baani mombau sumo aijo'.”

PO'ULE' INGULIT 17:7

To saki-sakisi na tionyo ahi' mompahambunu'akon nu batu momona hi mian aijo' lapas aijo' hingga-hinggatje tiba mian da'isan. Sumo aijo' na belemiu montewa' da bolimo saja' mobau anu ma'idek aijo'.

PO'ULE' INGULIT 18:20

Panyo de samian na nabi baani na mompoto'i apa-apaa na potuunon kalana sanggong-Ku, padahan Aku madi' nompokau ia mombau sumo aijo', ia tionyo ahi' mate; sumo aitu mule' batu-batu nabi anu motatae de kalana sanggo nu to pilo-pilogot sangga'at tionyo ahi' mate.’

PO'ULE' INGULIT 18:5

Iwi-iwi' na tulunan nu bansa Israel ola tulunan nu bansa Lewi na pinile'an nu Tumpu Allah nu belemiu da timbali imam sampe toka sidu-sidutu'.

PO'ULE' INGULIT 18:7

ia timbali mokalaja mombau apaa na anu pinalentahkonmo nu Tumpu Allah-nyo salaku imam susumo to mia-mian nu Lewi sangga'at anu binee'anmo kalaja i tampat aijo'.

1 TESALONIKA 4:2

Kalana komiu nonsumbu'mo pompotiju' anu binee'mo mami hi komiu kalana kuasa nu Tumpu Yesus.

1 TESALONIKA 4:8

Mian anu madi' montalima pangajalan aiya misa' madi' montalima mian, panyo madi' montalima Tumpu anu nombee'imo Roh-Nyo anu susi' hi komiu.

1 TIMOTIUS 5:20

Mian anu mombau dosa', tionyo opokinde'i i ahop nu iwi-iwi na jama'at, da sangga'at timbali mabuhuk.

YOSUA 1:18

Batu-batu mian anu madi' mongka'oho' ta'aluk i kakuasa'an nu beleyum kabai madi' montuluti palentah nu beleyum, mohumpak hukuman mate. Tionyo ahi' beleyum totu-totu'u na kinyonyoa ka' baani!”

TO MIA-MIAN KOPIAN 20:13

Bee'mo mae na to mia-mian anu madi' talakana' i Gibea aijo' hi kami da opateimo mami na aha ka' tiba jalan sumo aijo' kami mongalinimo anu ma'idek aijo' hi mian nu Israel.” Panyo mian nu Benyamin madi' montapali potatae nu aha mian Israel haha aijo' sangga'at.

1 SAMUEL 3:13

Pinoto'ing-Kumo hi aha tukoong-Ku aha salaigan saidi' mae Ku hukumje sampe toka sidu-sidutu' kalana to ana-anaknyo nongambangimo Aku. I Eli nonsumbu'mo dosa' nu aha haha aijo' panyo ia madi' montambuha'i aha.