PO'ULE' INGULIT 17:1 - KITAB NU TUMPU ALLA LELE MA'IMAI'

¹ Boli monsombahkon sapi' kabai domba anu ko ponyakitnyo hi Tumpu Allah nu belemiu, kalana Nu ka'ideki.

PO'ULE' INGULIT 17:1 ပူးပေါင်းရင်းမြစ်များ

KAJADIAN 41:19

Lapas aijo' i lubat mule' mae popitu' na sapi' sangga'at anu toto gesu-gesuk ka' me kilit na kampi-kampit i buku. Ma'isa toho' aku nontoa sapi' anu sumo aijo' na ko ideknyo i songko-songko na Mesir.

NOSABATMO 12:5

Belemiu timbali mompile'i domba kabai mee' panyo tionyo ahi' mo'anenyo, umunnyo sataunmo ka' anu madi' ko panyakitnyo.

AMSAL 11:1

Tumpu mongka'ideki mian anu mompake timbangan anu mongakali; panyo Ia sanang hi mian anu mompake timbangan anu totu'u.

AMSAL 15:8

Tumpu montalima do'a nu mian anu manonong; panyo Ia mongka'ideki palasombahan nu mian anu ma'idek na kinyonyoanyo.

AMSAL 20:10

Pontimbang ka' pongukun anu mongakali madi' nuka'ima'i nu Tumpu.

AMSAL 6:16

Popitu' na han na anu nu ka'ideki nu Tumpu ka' madi' timbali Nupojohok. Palabuatan anu buulon, nganga' anu baleko' lima anu mompatei mian anu madi' kosala'nyo, pikilan anu montanga'i hahan anu ma'idek, tengke anu kosia-sia' mamba ipalabuatan anu ma'idek, sakisi anu sabole-bole saja' baleko' ka' mian anu saja' monsaduakon pahantuda'an hi bubu' sangalu.

IMAMAT 1:3

De anu osombahkon sa'angu' na sapi', binatang aijo' tionyo ahi' lakinyo ka' madi' ko panyakitnyo. Sapi' aijo' tionyo ahi' nu boa i sabatan nu Kemah nu Tumpu, da nutalima nu Tumpu na mian aijo'.

MALEAKHI 1:8

De belemiu monsombahkonmo hi beleng-Ku, binatang anu mapisok, anu masakit kabai anu pengko madi'mo moko ala lumajang, temisa' aijo' palabuatan ahi' anu madi' mingkona? Soba mombee' binatang anu susumo aijo' hi gubernur! Pa' ia sanang ahi' ka' mule' madi' nu poposia na belemiu?”

NOMBILANGMO 29:8

Sombahkonmo hi Tumpu koloban anu opotunu aijo'mo sa'angu' na sapi lakinyo anu daagi bata'nyo, sa'angu' na domba lakinyo, ka' popitu' na anak nu domba lakinyo bubuu' anu madi' ko panyakitnyo. Hongohisnyo nu koloban aijo' momposanangmo kinyonyoa nu Tumpu.

PO'ULE' INGULIT 15:21

Panyo de potuu'an aijo' ko panyakitnyo, maluannyo pengko' kabai mapisok kabai ko panyakitnyo sangga'at anu tahahumo, belemiu madi'mo timbali monsombahkon binatang aijo' hi Tumpu Allah nu belemiu.

PO'ULE' INGULIT 23:18

Ka' mule' suele doi anu o humpak nu aha kalana masala' aijo' madi' timbali oboa i laigan nu Tumpu Allah nu belemiu bau pombayan anu i niatakonmo, kalana Tumpu Allah nu belemiu mongka'ideki anu masala' i tampat-tampat ponsomban pilogot ka' tambonyo nu aha anu nasala'mo.

PO'ULE' INGULIT 24:4

Han anu kopinduannyomo aijo' langkai'nyo anu momona madi'mo timbali po'ule' mongosoai boune aijo'; tionyo ahi' nu toa na boune aijo' salaku boune anu nahumimi'mo. De ia pu'ule' mongosoai, saba' kalakuannyo aijo' sumomo anu mongambangi Tumpu Allah nu belemiu. Belemiu madi' timbali mombau dosa' anu sumo aijo' na ko ideknyo i lipu' anu binee'mo nu Tumpu Allah hi belemiu.”

PO'ULE' INGULIT 25:16

Tumpu Allah nu belemiu mongka'ideki mian anu mongka'ima'i saja' mongakali.”

PO'ULE' INGULIT 7:25

Opapui na to pato-patong nu pilogot anu nusombah nu aha. Boli mongkamilui salaka kabai mosoni' anu kona-kona hi aha ka' boli mongala bau kapalaluan nu posi butong miu. De olanggai miu na palentah aijo' belemiu suele silakamo, kalana Tumpu Allah nu belemiu mongka'ideki de monsombah patong nu pilogot.

IBRANI 9:14

Yo, de baso' tiba abu'nyo aijo' moko ala mompobelesi kahenyuan nu to mia-mian, apaa mule' baso' i Kristus. Kalana kuasa nu Roh anu sampe toka sidu-sidutu', i Kristus nonsombahkonmo posi butong-Nyo hi Tumpu salaku koloban anu ma'ima'. Baso'-Nyo mompobelesi kinyonyoanto da bolimo mombau atulan nu agama anu madi' kogunanyo, da kita timbali mombau palentah nu Tumpu anu tumuu'.

1 PETRUS 1:19

panyo anu ko angga'nyo hondo; aijo'mo posi butong i Kristus anu tinimbalimo salaku domba, anu kinolobanakon hi Tumpu anu madi' ko panyakitnyo kabai ko kakulangannyo.