PO'ULE' INGULIT 16:4 - KITAB NU TUMPU ALLA LELE MA'IMAI'

⁴ Pitun sinaa na kopinnyo songko-songko na lipu' nu belemiu madi' ko samian pe'e na timbali monguna' ragi i laigannyo. Antoknyo nu potuu'on anu kinolot pihi-pihi palatamanyo aijo' tionyo ahi' okaan sahingga mingkot pihi aijo'.

PO'ULE' INGULIT 16:4 ပူးပေါင်းရင်းမြစ်များ

NOSABATMO 12:10

Boli opotuha' mau pe'e sangkiding sampe toka dodop daagi' subu; de daagi' ko labinyo tionyo ahi' opapui sampe mingkot.

NOSABATMO 12:15

Tumpu notatae, “Pitun sinaa na kopinnyo, belemiu madi' timbali mongkaan roti anu ko raginyo. I sinaa anu momona iwi-iwi' na ragi anu itina' i laigan nu belemiu tionyo ahi osabatakon, kalana de pitun sinaa na kopinnyo aijo' daagi' ko mian anu mongkaan roti anu ko raginyo, ia madi'mo timbali mian anu osanggohi mian anu pinalesayamo hi beleng-Ku.

NOSABATMO 12:6

Osegoti pe'e miu sampe toka i tanggal sampulu' ka' opat. Toka i sinaa aijo' mamalomnyo iwi-iwi' na aha mian nu Israel tionyo ahi' mongkolotmo anak nu domba aijo'.

NOSABATMO 12:8

Pihi-pihimo aijo' ahi' na antoknyo o tunui ka' okaan tiba utan anu mapakat ka' roti anu madi' ko raginyo.

NOSABATMO 13:7

Pitun sinaa na kopinnyo aijo' belemiu madi' timbali mongkaan roti anu ko raginyo, ka' i songko-songko na lipu' nu belemiu madi' timbali ko ragi kabai pa' apa-apaa na anu ko raginyo.

NOSABATMO 23:18

Boli monsombahkon roti anu ko raginyo da belemiu mongkolobanakonmo potuu'on hi beleng-Ku. Lompo'nyo nu potuu'on anu okolobanakon hi beleng-Ku hau-haunyo molame'akon aijo' madi' timbali opotuha' sampetoka dodop subu.

NOSABATMO 34:25

De belemiu monsombahkonmo potuu'on anu okolot, boli monsombahkon apa-apaa anu ginalo'an nu ragi na nombau. Potuu'on anu kinolot na okolobanakon i lamean nu Paskah tionyo ahi' o ingkoti pihi aijo'; madi' timbali ko labinyo toka dodop subu.

MATIUS 13:33

Daagi' ko sa'angu' na kantuang sangga'at anu sinisikakon i Yesus hi mian da'isan. “Bisuannyo Tumpu mompalentah, ka'ada'annyo sumomo ragi anu ingala nu samian na boune, lantas ginalo'akon tiba patom pulu' na liter na labu nu tiligu sampe mo'insu' iwi-iwi'!”

PO'ULE' INGULIT 16:5

Potuu'on anu okolot Molame'akon Paskah tionyo ahi' okolot i tampat anu pinile'anmo nu Tumpu Allah nu belemiu, ka' madi' timbali i tampat sangga'at anu i uno nu lipu' iwi-iwi' anu binee'-Nyomo hi belemiu. Han aijo' tionyo ahi' obau miu salatan sinaa makakinsapmo, susumo belemiu tempo'nyo nompala'imo mae tano' nu Mesir.