PO'ULE' INGULIT 16:19 - KITAB NU TUMPU ALLA LELE MA'IMAI'

¹⁹ De mongalamo sa'angu' na kaputusan, aha madi' timbali suka-suka na momputusi, kabai mompiboati sangga'at. Aha madi' timbali suele mongala pontamboi palakala, kalana pontamboi aijo' monsaduakonmo mian paha na matanyo, sahingga mian pande ka' mian anu hodi' na kinyonyoanyo suele sumo aijo'mo, mombau kaputusan anu madi' adin.

PO'ULE' INGULIT 16:19 ပူးပေါင်းရင်းမြစ်များ

MAZMUR 15:5

ka' monsaboli doi madi' pilenje mongala ueenyo; anu madi' mongka'oho' mongala doi bau pontamboi da opolugi' na mian anu madi' ko kasala'annyo. Mian anu saja' mombau susumo aijo', saja' sanang na ia mingkinyonyoa.

NOSABATMO 18:21

Panyo tionyo ahi' suele beleyum mompile'i to pia-piangkuka na mo'ane anu pande, ka' mohangkat aha timbali polaya' hi mian anu samadala, mian anu sa'atu, mian anu limampulu' ka' mian anu sampulu'. Aha tionyo ahi' to mia-mian anu mabuhuk ka' mohongo-hongo Tumpu Allah, ka' timbali opalesaya ka' madi' mongka'oho' mongala doi bau pontutup palakala.

NOSABATMO 23:2

Boli mombaya'i mian da'isan de aha mombau sala' kabai monggeo-geo'akon atulan ka' mombee'i katalangan anu madi' totu'u.

NOSABATMO 23:3

De mongulus palakala nu mian boli obeda-bedakon maumo anu o'ulus aijo' mian anu kasiasi.

AMSAL 15:27

Ihe na molio ka'untungan anu madi' halala' mompateimo posi auannyo; panyo ihe na mongka'ideki doi anu bau ponsogo' saidi' mae kantumuu'annyo sanang.

AMSAL 17:23

Mian kopian anu tageo' nakinyonyoanyo montalima doi bau ponsogo' anu opohowini; ka'madi' mompojalan ka'adilan.

AMSAL 18:5

Madi' ma'ima' de matihapa hi mian anu palaganta ka' monsansala mian anu madi' ko sala'nyo.

AMSAL 24:23

To mia-mian anu pande hondo toho' notatae sumo uuka: Mian kopian madi' timbali maboat i sambiha'.

AMSAL 24:28

Boli timbali sakisi hi mian sangga'at de madi' ko anu osumbu sumbu' na han nu palakala aijo, bolimo mule' mombaleko'i ia.

AMSAL 31:5

Kalana de tomundo' monginumo inumon anu moko palangu nu kolilimimo na atulan ka' madi'mo montapali haknyo nu mian anu madi'mo moko ala mombau apa-apaa.

ANU MOMPOLELE POTATAE NU TUMPU 7:7

De mian anu pande mongakali, ponga' na palabuatannyo aijo'; de mian montalima doi anu pinonsogo' pikilannyo na'idekmo.

YESAYA 1:17

o'ajan na mombau ka'ima'an. O toongi dodo-dodo na ka'adinan ka' boli obau na mongkabisa'i; bee'akon na hak nu aha anak anu madi'mo kotuumanyo ka'tinanyo ka'otinjohi na palakala nu anu balumo.”

YESAYA 1:23

To pola-polaya' nu belemiu la lewa' motomuhuk ka' lewa' mombulingakon obee' hi mian; aha mongka'ima'i mongala palasen, ka' doi anu pontamboi nu mian. Aha madi' mongka'oho' montinjohi anu madi'mo ko tuumanyo ka' tinanyo iulusan nu aha mian kopian; ka' mule' madi' mongka oho' kabalatan nu tobalu-balu.

YESAYA 33:15

Belemiu timbali moko ala tumuu' de belemiu motatae, ka' mombau anu sahondo-hondonyo. Boli molio ka untungan ka' sola' mompolugi' mian anu kasiasi, ka' boli ahi' mongala doi anu bau ponsogo' nu mian. Boli maninggalum hi aha mian anu saja' montanga'i da mompatei mian kabai palabuatan ma'idek sangga'at.

YEREMIA 5:28

Ka' nolompo'mo ka' sinanangmo na kantumuu'an nu aha. Palabuatan nu aha anu ma'idek madi'mo ko batasnyo. Aha madi'mo kino ka adinan i uno nu palakala mongulus to ana-anak anu madi'mo ko tuumanyo tiba tinanyo, ka' madi' mompototu'uakon hak nu to mia-mian anu saja'mo osuka-sukai na mompalentah.

YEHEZKIEL 18:8

Ia madi' toho' momposaboli mian opakeakon bunganyo. Ia madi' mongka'oho' mombau palabuatan anu ma'idek ka' de painggagamo tiba mian sangga'at ia mombee'i kaputusan anu madi' tageo'.

YEHEZKIEL 22:12

Daagi' mule' ko anu tinimbalimo mian topo patei sola-sola' obayan, mian anu talalo ahi' molio kantungan ka' saja' mongkelo aha mian anu bubuu' sangko bansanyo. Aha iwi-iwi' nongkolilimimo mae Aku. Aku, Tumpu Anu Matangkas na Kuasanyo notataemo.

IMAMAT 19:15

Belemiu tionyo ahi' boli tageo' de momputusi palakala, boli monsangaja'i mian anu kasiasi ka' boli mabuhuk hi mian anu kaya.

MIKHA 7:3

Iwi-iwi' aijo' pande hondo na mombau palabuatan anu ma'idek. Mian anu ko pangkatnyo tiba mian kopian momoita doi bau ponsogo' ka' to tu'a-tu'anyo mompakisakon pongka'oho' nu aha, sumo aijo' na aha nombau kasangaja'an hingga-hinggat.

HABAKUK 1:4

Atulan madi' otoongi totu-totu'u ka' mule' ka'adilan madi' toho' otinjohakon. Mian anu ma'idek na kinyonyoanyo lebemo molingkudui aha mian anu madi' tageo' na kinyonyoanyo, jadi ka'adilan obali-balikakonmo nu aha.

SISIKON NU TO RASUL-RASUL 10:34

Lantas i Petrus notatae, “Uuka aiya aku totu-totu'u sininsumbu'mo taalu' Tumpu mombau iwi-iwi' mian pokakana.

SISIKON NU TO RASUL-RASUL 16:37

Panyo i Paulus notatae hi to pangka-pangkat pulisi aijo', “Kami minsoop i layat nu negara Roma. Madi' pilenje o putusi, kami binala tobatmo i ahop nu mian da'isan ka' pinosoopmo i uno nu talungku'. Ka' uuka aha nompokaumo kami mamba hoko-hokot? Kami madi' mongka'oho'! Pokau mae na to pangka-pangkat pamalentah aijo' da aha na mosi toka mae i aiya monsabatakon kami.”

SISIKON NU TO RASUL-RASUL 23:3

Sahingga i Paulus notatae hi Imam Daka' aijo', “Tumpu tantu mohapa'je beleyum; mian geguan anu mimpula-pula susi'! Beleyum sinumuhang i kiijo' momputusi aku susumo atulan i Musa, padahan posi beleyum nolanggaimo atulan aijo' kalana nompokaumo mian mohapa' aku!”

PO'ULE' INGULIT 10:17

Tumpu Allah nu belemiu i bawo nu iwi-iwi' na pilogot ka' molingkudui iwi-iwi' na kuasa. Ia Tumpu Allah anu talasanggo ka' daka' na kuasa-Nyo ka' anu tionyo ahi' otuluti. Ia madi' mongka'ima'i momposambiha' ka' madi' mongka'oho' da otamboi asan opo'untung i palakala.

PO'ULE' INGULIT 16:18

“I toto sa'angu' na kota anu binee'mo nu Tumpu Allah nu belemiu hi belemiu, tionyo ahi' mohangkat to mia-mian kopian ka' to pangka-pangkat sangga'at da adin na momputusi palakala nu layat.

PO'ULE' INGULIT 24:17

Boli mongagoi hak nu mian anu lengkat mae i salipu'an ka' anak anu madi'mo ko tuuma ka' tinanyo, ka' boli mongala baju' nu mian anu binalumo bau ponggadei.

PO'ULE' INGULIT 27:19

‘Kinutukan na mian anu mongagoi halata' nu mian anu lengkat mae i salipu'an, anak anu madi'mo ko tuuma ka' tinanyo ka' anu balu.’ ‘Amin!’

PO'ULE' INGULIT 27:25

‘Kinutukan na mian anu mongala tambo mompatei mian anu madi' ko sala'nyo.’ ‘Amin!’

1 SAMUEL 12:3

Uuka aiya aku tuminjo i ahop nu belemiu! De aku nombaumo kasala'an, pisala'i na aku i ahop nu Tumpu ka' i ahop nu to tomu-tomundo' anu pinile'an-Nyomo. Pa' toho'mo aku nongala sapi' kabai keledai nu aha mian sangga'at? Pa' toho'mo aku nongakali kabai nonsakisa kabai nongala doi anu pinontamboi da mombau anu ma'idek. Poto'i mae da mau pa' apaa na anu ingalangkumo po ule' ku sule'akon.”

1 SAMUEL 8:1

Salatan i Samuel ilangkai'mo, ihangkatnyomo na to ana-anaknyo da timbali mian kopian hi aha mian nu Israel.

1 SAMUEL 8:3

Panyo aha madi'mo nontiho kalakuan nu tuuma nu aha, panyo ola molio posi kauntungan nu aha. Aha mongala doi bau pontamboi palakala, ka' mongulus palakala nu mian madi' adin.