PO'ULE' INGULIT 16:18 - KITAB NU TUMPU ALLA LELE MA'IMAI'

¹⁸ “I toto sa'angu' na kota anu binee'mo nu Tumpu Allah nu belemiu hi belemiu, tionyo ahi' mohangkat to mia-mian kopian ka' to pangka-pangkat sangga'at da adin na momputusi palakala nu layat.

PO'ULE' INGULIT 16:18 ပူးပေါင်းရင်းမြစ်များ

1 TAWARIKH 23:4

Lantas aha 24.000 na mian anu aijo' hi aha, binee'anmo kalaja, aijo'mo mongulus kalaja i Laigan nu Tumpu, 600 na mian mongulus anu palalu otulis ka' mongulus palakala,

1 TAWARIKH 26:29

Lee' i Yizhar, aijo'mo i Kenanya ka' to ana-anaknyo binee'an kalaja mongatun sulat nu negara ka' kalaja momputusi palakala i Israel.

EZRA 7:25

Utusku Ezra, pake na kapandean bapikin anu binee'mo nu Tumpu Allah hi Beleyum utus, ka' hangkatmo na to pola-polaya' ka' to mia-mian kopian da mompalentah iwi-iwi' mian anu kiijo' i propinsi Efrat sasu Kinsoban anu tinumuu'mo montuluti Atulan nu Tumpu Allah nu Beleyum utus. Tionyo ahi' Beleyum utus mompogulu'akon Atulan aijo' hi iwi-iwi'na mian anu ma'isa monsumbu'.

NOSABATMO 18:21

Panyo tionyo ahi' suele beleyum mompile'i to pia-piangkuka na mo'ane anu pande, ka' mohangkat aha timbali polaya' hi mian anu samadala, mian anu sa'atu, mian anu limampulu' ka' mian anu sampulu'. Aha tionyo ahi' to mia-mian anu mabuhuk ka' mohongo-hongo Tumpu Allah, ka' timbali opalesaya ka' madi' mongka'oho' mongala doi bau pontutup palakala.

NOSABATMO 21:22

De aha sangkuka na mo'ane hau-haunyo mahanjagun ka' sala'samian aijo' hi aha monsaduakonmo bahaya hi samian na boune anu poboa sahingga anaknyo i kompong inanabu'mo ma'isa pe'e tempo'nyo nu kahampeannyo, panyo ia madi' nongoa'i sakit i bagian butong sangga'at, jadi mian aijo' tionyo mombayan bau pondenda konjoo'nyo iyamo na anu nupoita nu langkai'nyo ka' nusetujui nu to mia-mian kopian.

NOSABATMO 21:6

saba' tuannyo tionyo ahi' momboa ia i tampat ponsomban. Ikiijo' botuan aijo' opokau tuminjo maninseha i tumban kabai ohi' nu tumban tampat ponsomban. Ka' tuannyo tionyo ahi' monsusuk bihing nu botuannyo aijo', sahingga ia timbalimo botuannyo sampe toka sidu-sidutu'.

AMSAL 31:23

Langkai'nyo mian anu talasanggo; sala' samian anu aijo' hi aha polaya' nu kota'.

MATIUS 5:21

“Komiu monsumbu' saba' hi mompolee'to daagi' ko ajalan sumo uuka: Boli mompatei; ihe na mompatei, tionyo o putusimo na palakalanyo.

MATIUS 5:22

Panyo uuka Aku motatae hi beleyum, ihe na pusa hi mian sangga'at, tionyo o putusi na palakalanyo; ka' ihehe na monguduli mian sangga'at, tionyo o putusi na palakalanyo i ahop nu Mian Kopian Daka' nu Agama. Ka' ihehe na montaloakon hi mian sangga'at, ‘Talalo ponga'’, patut o alin i uno nu apu nalaka.

PO'ULE' INGULIT 16:17

Iyamo ahi' kamampuannyo sabanding tiba apaa na anu i humpaknyomo anu binee'mo nu Tumpu Allah nu belemiu hi ia.”

PO'ULE' INGULIT 16:19

De mongalamo sa'angu' na kaputusan, aha madi' timbali suka-suka na momputusi, kabai mompiboati sangga'at. Aha madi' timbali suele mongala pontamboi palakala, kalana pontamboi aijo' monsaduakonmo mian paha na matanyo, sahingga mian pande ka' mian anu hodi' na kinyonyoanyo suele sumo aijo'mo, mombau kaputusan anu madi' adin.

PO'ULE' INGULIT 17:12

Mau mule' ihe na baani' monggagakon mian kopian kabai imam anu montoongi kalaja, tionyo ahi' o hukum mate; sumo aijo' na belemiu montewa' da bolimo saja' mombau anu ma'idek aijo' hi aha Israel.

PO'ULE' INGULIT 17:9

Lako'mo kalak na palakala nu belemiu aijo' hi to ima-imam Lewi ka' hi mian kopian anu montoongi kalaja, lantas bee' da ahaje na momputusi ia.

PO'ULE' INGULIT 21:2

saba' polaya' ka' mian kopian nu belemiu tionyo ahi' mamba mongukun kojo'onnyo lengkat i tampat nu anu sinilaka aijo' i humpak mokiijo' i toto sa'angu' nakota anu ohani.

PO'ULE' INGULIT 25:1

Bisuannyo ua'aha na mian nu Israel mamba hi mian kopian mahangkalak i palakala na aha, lantas samian pinoto'imo madi' ko sala'nyo, ka' sangga'at na ko sala'nyo.

1 SAMUEL 8:1

Salatan i Samuel ilangkai'mo, ihangkatnyomo na to ana-anaknyo da timbali mian kopian hi aha mian nu Israel.