PO'ULE' INGULIT 16:16 - KITAB NU TUMPU ALLA LELE MA'IMAI'

¹⁶ Iwi-iwi' na to momo'ane nu aha Israel tionyo ahi' toka mae monsombah Tumpu Allah nu belemiu i tampat anu pinile'an-Nyomo sataun pintolun aijo'mo i Sinaa Lamean nu Paskah, i Lamean Monsawe' gandum, tiba Lamean Tahop o atopi nu Hon nu kau'. Batu-batu mian tionyo ahi' momboa palasombahan.

PO'ULE' INGULIT 16:16 ပူးပေါင်းရင်းမြစ်များ

1 TOMU-TOMUNDO' 9:25

Pintolun sataun na i Salomo monsombahkon koloban anu opotunu ka' koloban bau pompodame i mezbah anu binaumo bau ponsomban Tumpu. Ia suele mompapui kamangian bau pomsombah Tumpu. Sumo aijo' na i Salomo nompojadi Laigan nu Tumpu aijo'.

2 TAWARIKH 8:13

Koloban haha aijo' sinombahkonnyomo susumo koonyo nu Atulan i Musa de tokamo i sinaa molamean: sinaa nu Sabat, sinaa molame'akon Bitu'on Bu'ou, ka' kototolu'nyomo lamean anu obau sataun toka sataun, aijo'mo sinaa nu lamean Roti Madi' ko Raginyo, sinaa nu lamean mongalamo isi nu ale', ka' sinaa nu lamean Tahop O'atopi nu Hon nu kau'.

EZRA 3:1

I bitu'on kopopitu'nyomo, mian nu Israel haha aijo' tinataapmo na jinojoong i kota' nu aha toto samian. I tanggan sa'angu' bitu'onmo ai-aijo' aha sinihukmo i Yerusalem,

NEHEMIA 8:15

Kalana aitu songko-songko na Yerusalem, i to kota-kota' ka' i kampung toto ise-ise', binebakonmo nu aha na palentah aiya, “Lako'mo mamba i bungkutnyo ka' ala mae na to panga-panga' nu kau' lontio', zaitun, kau' lanya', palma, ka' to kau-kau' sangga'at da bau tahop susumo koonyo nu atulan anu daagi' i uno nu Kitab nu Atulan.”

MAZMUR 122:4

I aiyamo na katokaan mae nu tulunan nu to bansa-bansa, tulunan nu to bansa-bansa anu pinile'anmo nu Tumpu, da montalima kaseh hi Ia susumo anu pinalentahkon-Nyomo.

MAZMUR 84:7

Hau-haunyo aha lumajang motulu i bangka'nyo nu Ahelat, tampat aijo' binali'anmo nu aha tinimbalimo mata nu uee, ujan anu momona tinudun nabohos hondo aijo', salakumo balakat.

MAZMUR 84:8

Kahosonan nu aha nompaka pintuangmo, tempo'nyo ilumajang namba i Sion, i tampat nu Tumpu iwi-iwi' na anu oholomati nanintoamo mae.

MAZMUR 96:8

O puji' na sanggo-Nyo anu oholomati ka'b oa na koloban i uno nu Laigan-Nyo.

NOSABATMO 34:20

Panyo belemiu tionyo ahi' montobus anak nu keledai anu momona inganakakon, aijo'mo monsombahkon sa'angu' na anak nu domba bau pombolosi. De belemiu madi' mongka'oho' montobus, yo gogohong nu keledai aijo' tionyo ahi' opato'akon nu belemiu. Batu-batu anak nu belemiu mo'ane tumpe tionyo ahi' otobus nu belemiu. Madi' ko samian pe'e na timbali toka mae hi beleng-Ku de madi' momboa mae anu osombahkon.

NOSABATMO 34:24

De Ku laa'mo na to bansa-bansa madi'mo ko anu atina' hi belemiu ka' Ku po'ewamo na da'erah kajojoongan nu belemiu, madi'mo ko samian pe'e na anu baani mompo'ago lipu' nu belemiu de belemiu mambamo molame'akon Bau-bauon nu Roti Anu Madi' ko Raginyo, Bau-bauon Pompadakan, ka' Bau-bauon nu Tahop anu O'atopi nu Hon nu kau'.

YESAYA 23:18

Ka untungan tiba tambo nu mokalaja anu nu humpak madi'mo ola nu una', panyo nu palasombahkonmo hi Tumpu. Aha to mia-mian anu monsombahmo Tumpu monggunakonmo doi aijo' bau pongoli kapalaluan nu aha pihude tiba anu nu kaan nu aha.

YESAYA 33:20

Tonto'i na Sion tampat bau polame'akonanto lamean nu agama. Tonto'i na Yerusalem! Madi' hondo ko anu mompoposia na tampat aijo' bau kajojoongan sumomo ahi' kemah anu madi' toho' ilali-alin, pinontotoli madi' toho' ginautakon, ka' kahohonnyo madi' toho' nobotu'.

YEHEZKIEL 36:38

Iwi-iwi' na kota' anu uuka aiya ihansunmo saidi' mae imihinyo manjoo'mo na anu monjojoongi susumo Yerusalem de kakonamo sinaa nu lamean tempo'nyo nai puan mae, kahomo domba anu osombahkon. Sahingga nu sumbu'je nu belemiu taalu' Akumo ahi' na Tumpu.”

HAGAI 1:9

Belemiu montaha'imani hasin nu ale' anu ugaat molabi-labi pada han anu ohumpak nu belemiu ola sangkiding hondo; oboa nu belemiu na aijo' panyo hasinnyo anu opadak nu belemiu aijo' Ku puhakonmo sahingga ola mingkot nutilahabakon nu mombun. Kadaka' Ku bau sumo aijo'? Makisudnyo aijo'mo: Kalana Laigan-Ku daagi susumo laigan anu na'idekmo sadangkan belemiu iwi-iwi' na pagala ahi' mombau laigan nu belemiu toto samian.

MATIUS 2:11

Aha ninsoop i uno nu laigan aijo', ka' nontoa Anak aijo' tiba i Maria, tina-Nyo. Aha tinolodupu ka' nonsombah Anak aijo', lantas nombukai tampat halata' nu aha, ka' nonsombahkon hi ia mosoni', kamangian, ka' mur.

MARKUS 12:3

Panyo anu mokalaja aijo' nohakop posaihon aijo'. Lapas aijo' dinoke nu aha, lantas nonsai ia ninsusule' tiba madi' ko anu binee'nyo.

YOHANES 7:2

Tempo'nyo aitu ohanimo na lamean Sinaa Daka' Pondok Daun.

PO'ULE' INGULIT 16:15

Pitun sinaa na kopinnyo belemiu tionyo ahi' molame'akon lamean aijo' bau pongadati Tumpu Allah nu belemiu i tampat anu pinile'anmo nu Tumpu. Bau bila-bilahi kalana Tumpu Allah nu belemiu nombalakatimo hasin nu tano' tiba kalaja nu belemiu.

PO'ULE' INGULIT 16:17

Iyamo ahi' kamampuannyo sabanding tiba apaa na anu i humpaknyomo anu binee'mo nu Tumpu Allah nu belemiu hi ia.”

PO'ULE' INGULIT 31:11

belemiu tionyo ahi' mombasa'akonmo daka-daka' atulan haha aijo' hi to mia-mian nu aha Israel anu toka mae monsombah Tumpu Allah nu belemiu i tampat anu pinile'an-Nyomo.

1 SAMUEL 1:3

Sataun toka sataun i Elkana mamba lengkat i Rama da monsombah Tumpu kiijo' i Silo ka' monsombahkon koloban hi Tumpu Anu Daka na kuasanyo. Anu tinimbali imam nu Tumpu kiijo' i Silo aijo'mo i Hofni tiba i Pinehas, aha to ana-anak i Eli.

1 SAMUEL 6:3

Lantas tinaamanmo nu aha, “Peti' Palajanjian nu Tumpu Allah Israel aijo' ola da asan osule'akonmo, panyo tionyo ahi' otoukai na tambonyo bau pontokong dosa' nu belemiu. Da tiba jalan anu sumo aijo' ma alinmo na panyakit nu belemiu, da osumbu' nu belemiu kadaka' Tumpu Allah nu aha Israel aijo' saja'mo nohukum belemiu.”