PO'ULE' INGULIT 16:14 - KITAB NU TUMPU ALLA LELE MA'IMAI'

¹⁴ Balasana-sanang hingga-hinggat tiba to ana-anak nu belemiu, to posa-posaihon miu, aha mian nu Lewi, mian anu lengkat mae i salipu'an, anak anu madi'mo ko tuuma ka' tinanyo ka' to balu-balu anu jojoong i songko-songko na kota nu belemiu iwi-iwi'.

PO'ULE' INGULIT 16:14 ပူးပေါင်းရင်းမြစ်များ

ESTER 9:22

Kalana i sinaamo aijo' na aha iwi-iwi' nompatundu'mo sampobali' nu aha iwi-iwi', sahingga kasusa'an ka' kasansala'an nu aha tinimbalimo kalame'an ka' kabilahian. Kalana aitu aha tionyo molame'akon sinaa haha aijo' obauakon bau-bauon mongkakaan ka' mompaha bagibagii kaanon ka' mule' mombee'i apa-apaa hi mian kasiasi.

ANU MOMPOLELE POTATAE NU TUMPU 9:7

Donganmo pongkaan ka' balame-lame'; inumo sana-sanang na kinyonyoa na anggur nu belemiu, Tumpu madi' kabalatan pakalaus Ia ahi' situju.

YESAYA 30:29

Panyo belemiu mian anu palesayamo Tumpu, saidi' mae lame'mo ka' lewa'mo manyanyi susumo pihi de molame'akon agama. Belemiu saidi' mae bilahimo susumo to mia-mian lumajang mojajalan tiba mian anu mompuhi puloit mamba i Laigan nu Tumpu, anu monsangaja'i Israel.

YESAYA 35:10

Aha to mia-mian anu pinobebasmo nu Tumpu na minsusule'mo; aha minsoopmo ikota' Yerusalem ka' lewa'mo montaligalai, ohup nu aha balasahayamo kalana ilame'mo sampe toka sidu-sidutu'. Aha saidi' mae bilahimo ka' lame'mo; pikilan susa' ka 'mule' sola' motusa' imadi'anmo.

YOËL 1:16

Anu okaan i ningkotmo na'idek i ahop nu matanto. I Laigan nu Tumpunto madi'mo daagi' ko lame'.

PO'ULE' INGULIT 12:12

Okalame'i i ahop nu Tumpu Allah nu belemiu, hingga-hinggat tiba to ana-anak nu belemiu, to posa-posaihon nu belemiu ka' to mia-mian nu aha Lewi anu jojoong i iwi-iwi' na kota nu belemiu, kalana mian nu aha Lewi madi' binagian tano' i lipu' nu belemiu.

PO'ULE' INGULIT 14:29

Anu okaan aijo' bagi nu aha mian nu Lewi kalana aha madi' ko tano', ka' bagi nu mian anu lengkat mae i salipu'an, anak anu madi' ko tuuma ka' tinanyo ka' to balu-balu anu jojoong i kota-kota nu belemiu. Aha timbali toka mae ka' mongala apa-apaa na anu opalalui nu aha. De belemiu mombaumo sumo aijo' saba' Tumpu Allah nu belemiu mombalakatije iwi-iwi' na anu obau nu belemiu.”

PO'ULE' INGULIT 16:11

I ahop nu Tumpu Allah nu belemiu i tampat anu pinile'an-Nyomo, belemiu tionyo ahi' bilahi hingga-hinggat tiba to ana-anak nu belemiu, to posa-posaihon nu belemiu ka' aha mian nu Lewi, mian anu lengkat mae i salipu'an, anak anu madi'mo ko tuuma ka' tinanyo, ka' to balu-balu anu jojoong i songko-songko na kota nu belemiu.

PO'ULE' INGULIT 16:15

Pitun sinaa na kopinnyo belemiu tionyo ahi' molame'akon lamean aijo' bau pongadati Tumpu Allah nu belemiu i tampat anu pinile'anmo nu Tumpu. Bau bila-bilahi kalana Tumpu Allah nu belemiu nombalakatimo hasin nu tano' tiba kalaja nu belemiu.

PO'ULE' INGULIT 26:11

Montalima kaseh hi Tumpu Allah nu belemiu, kalana nombee'imo anu okaan hi belemiu ka' to ana-anak nu belemiu. O'ende na aha mian nu Lewi ka' mian anu lengkat mae i salipu'an anu jojoong atina' hi belemiu da suele molame'akon susumo aijo'.

1 TESALONIKA 5:16

Tionyo ahi' komiu saja' lame',