PO'ULE' INGULIT 16:10 - KITAB NU TUMPU ALLA LELE MA'IMAI'

¹⁰ lantas lame'akonmo na Lamean nu Monsawe' bau pongadati Tumpu Allah nu belemiu. Sinaa aijo' boamo na palasombahan kalana kasanangan nu kinyonyoa hi Ia, anu oboa o unggali ahi' da sabanding na konjoo'nyo tiba anu i humpak na gandum anu binee'-Nyomo hi belemiu.

PO'ULE' INGULIT 16:10 ပူးပေါင်းရင်းမြစ်များ

1 TAWARIKH 29:14

Aku ka' mianku aiya totu-totu'u madi' moko ala mombee'i apa-apaa hi belento, kalana iwi-iwi' na anu binee' nu Belento ka' apaa na anu obee' mami aiya, belento ahi' suele na tumpunyo.

2 TAWARIKH 31:14

I Kore anak i Yimna, mian nu aha Lewi anu tinimbalimo kapala nu anu monjagai Sabatan Daka' sasu Kabete'an Laigan nu Tumpu, binee'anmo kalaja labot montalima apa-apaa na anu nubee' nu mian anu osombahkon hi Tumpu lantas mombagi-bagiakon.

NOSABATMO 35:29

Iwi-iwi' na aha mian nu Israel sanang hondo na kinyonyoa nu aha momboa anu osombahkon hi Tumpu bau kapalaluan nu pakalaja'an anu pinalentahkonmo nu Tumpu hi Musa da nubau nu aha.

AMSAL 10:22

Ola ahi' kalana balakat nu Tumpu na mian timbali kaya, panyo mokalaja makeke madi' moko ala montuangi halata.'

YOËL 2:14

Ugaat Tumpu nu belemiu mombali'imo tanga'an-Nyo ka' mombee'i balakat hi belemiu anu molabi-labi. Sahingga belemiu monsombahkonmo koloban anggur ka' gandum hi Tumpu nu belemiu.

IMAMAT 12:8

De boune aijo' madi' moko ala mompotouka sa'angu' na anak nu domba, yo ia tionyo ahi' momboa ohua' na tomonsi' malapati' anu daagi' bata'nyo kabai tomonsi' sapatau anu daagi' bata'nyo; sa'angu' bau koloban anu opotunu ka' sa'angu' mule' na koloban bau pongampuni dosa'. Imam tionyo ahi' sabole-bole mombau adatnyo bau pompobelesi'i humimi' nu boune aijo', sahingga ia timbalimo belesi'.

IMAMAT 23:15

Moko lapas na sinaa nu Sabat salatan belemiu monsombahkonmo hi Tumpu timpan nu gandum anu momona pinadak, belemiu tionyo ahi' mombilangi sampe sukup popitu' na duminggu.

IMAMAT 25:26

De madi' ko mian anu mololo'i panyo tumpunyo aijo' saidi' mae moko alamo ka' sukupmo na doinyo mololo'i tano' aijo',

IMAMAT 5:7

Panyo de mian anu ko sala'nyo madi' moko ala momposadia domba kabai mee' bau pontobus dosa'nyo, ia tionyo ahi' momboa tomonsi' sapatau lakinyo tiba behenyo kabai tomonsi' malapati' anu daagi' bata'nyo, sa'angu' bau koloban pongampuni dosa' ka' sa'angu' mule' bau koloban anu opotunu.

NOMBILANGMO 28:26

I sinaa momonanyo nu Lamean de moko Padakmo ka' moko lapasmo popitu' na duminggu na nolame'akon aijo', tempo'nyo aijo' belemiu nonsombahkonmo gandum bu'ou hi Tumpu, belemiu tionyo ahi' sihukmo pe'e da monsombah Aku ka' madi'mo timbali mokalaja anu maboat.

NOMBILANGMO 31:28

Anu obee' samata-mata hi beleng-Ku, Tumpu, aijo' hi aha to sulu-suludadu na tionyo ahi' pongalapan, de lima atu sambagian na o ala – maumo to mia-mian anu i hakop ka' binoamo mae, mau mule' sapi', keledai, domba ka' mee'.

1 KORINTUS 16:2

Sinaa momona anu i sa'angu' na duminggu aijo', kita Utus iwi-iwi' toto samian montoukaimo ahi' doi anu oposi po'iwi'mo sitimbang tiba polioannyo. Po'una na doi aijo' sampe aku toka, da toka i tempo'nyo madi'mo palalu molimu' doi na komiu.

2 KORINTUS 8:10

De o'ala i pikilanku, sapantasnyomo na komiu mompodopusmo apaa na tinampu'unanmo miu i taun anu i hikuhakonmo. Kalana komiumo na anu momonanyo nompopikilakon ka' nontampu'uni usaha aiya.

2 KORINTUS 8:12

De komiu halala' na mombee' saba' nutalima nu Tumpu na anu obee' aijo' iyamo na anu daagi' hi belemiu, misa' pa' apaa na anu madi' hi belemiu.

PO'ULE' INGULIT 16:11

I ahop nu Tumpu Allah nu belemiu i tampat anu pinile'an-Nyomo, belemiu tionyo ahi' bilahi hingga-hinggat tiba to ana-anak nu belemiu, to posa-posaihon nu belemiu ka' aha mian nu Lewi, mian anu lengkat mae i salipu'an, anak anu madi'mo ko tuuma ka' tinanyo, ka' to balu-balu anu jojoong i songko-songko na kota nu belemiu.

PO'ULE' INGULIT 16:9

“Obilang popitu' na duminggu mulai i sinaa momona belemiu nompadakmo bua'nyo nu gandum,