PO'ULE' INGULIT 15:9 - KITAB NU TUMPU ALLA LELE MA'IMAI'

⁹ Sabole-bole oposaboni na ia, ka' boli bau sabab tukooyum taun anu ponghapusanmo samaya' ohanimo. Boli obau na pikilan anu ma'idek susumo aijo' minsoop i kinyonyoa nu belemiu. De madi' mongka'oho' momposabon, mian aijo' motataemo hi Tumpu mongkalak belemiu, sahingga belemiu opoto'i sinala'mo.

PO'ULE' INGULIT 15:9 ပူးပေါင်းရင်းမြစ်များ

AYUB 34:28

Ahamo na nonsaduakon sahingga mian anu kasiasi lewa'mo nahahunsa'an i kasusa'an aha i humang i hongomo nu Tumpu Allah.

MAZMUR 101:3

kalakuan anu ma'idek madi'mo ola ku pojohok. Ku ka'idekimo na palabuatan nu mian anu moteba'mo na kapalesaya'annyo, ka' madi'mo moninggalo' hi aha.

MAZMUR 12:5

anu motatae, “Jila' mami na bau pongkuasai mami! Maumo pa' apaa timbali otaloakon mami, ka' madi' ko anu moko ala timbali montewa'!”

MAZMUR 9:12

O puji' na Tumpu anu mompalentah aita' i Sion! Osisikakon apaa na anu binau-Nyomo hi to bansa-bansa!

NOSABATMO 22:22

Boli monsusa'i taha-tahahumo anu balu kabai anak anu unon.

NOSABATMO 22:23

De belemiu mongkabisa'i aha, Aku, Tumpu mohongomo aha de aha momoitamo mae tulung hi beleng-Ku.

NOSABATMO 3:7

Lantas Tumpu notataemo, “Tinoangkumo na kasansala'an nu mian anu pinalesayamo hi beleng-Ku i Mesir, ka' i hongong-Kumo na aha noloboo'mo mongkakase mae da opobebasmo nu aha to mia-mian anu nonsansalamo aha. Totu-totu'u, sinumbu'-Kumo iwi-iwi' na kasansala'an nu aha.

AMSAL 14:21

Ihe na mongalu mian sangga'at mombaumo dosa'; panyo ihe na mongkanonongi mian kasiasi saidi' mae kantumuu'annyo sanang.

AMSAL 21:13

Ihe na madi' mongka'oho' mohongo tusa' nu mian anu kinaku langanmo madi' opolahatikan de ia na momoita tulung.

AMSAL 23:6

Boli mongkaan hingga-hinggat tiba mian anu matongot. Boli mule' mongkamilui kaanonyo anu toto ima-ima'.

AMSAL 24:9

Batu-batu tanga'an nu mian anu ponga' aijo' dosa'. Mian anu saja' mongalu mian sangga'at, madi'nu ka'ima'i nu mian maumo pa' ihe.

AMSAL 28:22

Mian anu mangoa mongka'oho' da malia' kaya; madi' nusumbu' saba' kasiasi malia'mo montokai ia.

AMSAL 4:23

Ojagai na kinyonyoa nu beleyum ima-ima', kalana kinyonyoa nu beleyum na montantukan jalan nu kantumuu'an nu beleyum.

YEREMIA 17:10

Aku, Tumpu monselidiki kinyonyoa kinyonyoa nu manusia Ku uji'. Batu-batu mian Ku balosakon sitimbang tiba kalakuannyo, ka' Ku bee'i hukuman sitimbang tiba palabuatannyo.”

YEREMIA 34:14

Pinoto'ing-Kumo da iwi-iwi' na botuan te aha mian nu Ibrani anu lewa'mo nontuluti apaa na anu pinokauhakon nu belemiu inganom na taun na kinopinnyo tionyo ahi' opobebasmo ikamingkotanmo nu taun anu kopopitu'nyomo. Panyo mompolee' nu belemiu madi' ahi' nompalahatikan kabai nohongo-hongo apaa na anu pinoto'ing-Kumo aijo'.

MATIUS 15:19

Kalana lengkat i uno nu kinyonyoa lubat na pikilan-pikilan anu ma'idek, anu monsabapi mian mompatei, masala' mombau anu moko mahenyu, montomang, mombee'i sakisi baleko', ka' mompitana'akon.

MATIUS 20:15

Apaa aku madi' timbali mombau posi pongka'oho'ku i posi anungku? Kabai beleyum madi' sanang kalana aku manonong?’ ”

PO'ULE' INGULIT 15:1

“De kapupusannyomo nu taun anu ko popitu'nyomo belemiu tionyo ahi' mohapusmo samaya' nu belemiu.

PO'ULE' INGULIT 24:15

Sansina-sinaa ma'isa pe'e batu nu sinaa makakinsap tionyo ahi' o bayanmo miu na tambonyo nu anu kinalaja'nyomo sinaa aitu; ia montaha'imanimo doi aijo' kalana palalumo hondo na ia. De belemiu madi' mombayan tambonyo, ia momoitamo tulung hi Tumpu da Nu toa mae na belemiu sahingga belemiu Nu poto'i baladosa'mo.

PO'ULE' INGULIT 31:10

Ia nombee'imo palentah hi aha, “De kamingkotannyomo nu taun anu ko popitu'nyomo, i taun samaya' madi'mo po'ule' opoita kakonamo i lamean anu aha Montahopmo ka' o atopimo nu Hon nu Kau',

YAKOBUS 4:17

Kalana aijo', mian anu monsumbu' apaa na anu ma'ima', anu tionyo obau panyo madi' obau, aijo' baladosa'.

YAKOBUS 4:5

Boli monsangka Kitab nu Tumpu notatae madi' ko sababnyo, “I uno nu butongto Tumpu nompojoongmo roh anu madi' opoko gagakon na pongka'oho'nyo.”

YAKOBUS 5:4

Komiu madi' nombayan tambonyo nu to mia-mian anu mokalaja i ale' nu belemiu. Uuka aiya potombihing na aha notusa'mo! To mia-mian anu nolimu'akon hasin nu ale' miu, noloobo'mo momoita tulung, ka' lobo' nu aha tinokamo i bihing nu Tumpu, Tumpu Anu Matangkas na Kuasanyo.

YAKOBUS 5:9

Boli lewa' motusa' ka' mompaha pisa-pisala'i, da komiu madi' o hukum nu Tumpu. O inau'! Mian Kopian ingohanimo, malia'mo toka.

1 PETRUS 4:9

O talima ahi' na anu sonso' momoita male' i laigan nu belemiu toto samian, boli motusa'.