PO'ULE' INGULIT 15:14 - KITAB NU TUMPU ALLA LELE MA'IMAI'

¹⁴ Obee'i na ia apaa na anu binee'mo nu Tumpu Allah nu belemiu hi belemiu, ka' sanang ahi' na kinyonyoa mombee'i mee' ka' domba, gandum ka' anggur.

PO'ULE' INGULIT 15:14 ပူးပေါင်းရင်းမြစ်များ

NEHEMIA 8:10

Jadi uuka pinsusule'mo; pongkaan ka' ponginum obau lame-lame' na kinyonyoa. Sambagian na anu o kaan nu belemiu ka' anggur anu o'inum nu belemiu bee' hi aha anu kinadaagi'anmo i anu o kaan, sinaa aiya sinaa anu tinantukanmo hi Tumpu Allah-nto, jadi bolimo susa' na kinyonyoa. Kalame'an nu kinyonyoa anu binee'mo nu Tumpu hi belemiu atina'mo na mompohoson belemiu.”

MAZMUR 112:9

Ia mombagi-bagiakon halata'nyo, ka' mombee'i apa-apaa hi mian anu kasiasi; ia saja' mombau anu ma'ima', kalana aijo' ia balakuasa ka' oholomati.

MAZMUR 68:10

Ujan nolabi-labimo na tinudunakon mae nu Belento, ka' po'ule'mo nompa'omuk tano' nu Belento anu kinunmo.

AMSAL 10:22

Ola ahi' kalana balakat nu Tumpu na mian timbali kaya, panyo mokalaja makeke madi' moko ala montuangi halata.'

SISIKON NU TO RASUL-RASUL 20:35

I iwi-iwi' na han, aku nombee'imo sonto' hi komiu saba' kalana mokalaja totu-totu'u montulungimo to mia-mian anu madi' mahoson. Kalana tionyo ahi' o inau'to apaa na anu pinosi taloakonmo i Tumpu Yesus, ‘Lebe sanang na mombee'i ka' de mule' ola montalima.’ ”

1 KORINTUS 16:2

Sinaa momona anu i sa'angu' na duminggu aijo', kita Utus iwi-iwi' toto samian montoukaimo ahi' doi anu oposi po'iwi'mo sitimbang tiba polioannyo. Po'una na doi aijo' sampe aku toka, da toka i tempo'nyo madi'mo palalu molimu' doi na komiu.

PO'ULE' INGULIT 15:13

Posaihon anu pinobebasmo aijo' madi' timbali ola opojohok mamba ola lima sampulu'.

PO'ULE' INGULIT 15:15

O inau' ahi' na belemiu naipuan mae binau botuan i Mesir lantas pinobebasmo nu Tumpu Allah nu belemiu; mokonyo aijo' Aku mombee'i palentah aiya hi belemiu.