PO'ULE' INGULIT 14:8 - KITAB NU TUMPU ALLA LELE MA'IMAI'

⁸ Boli' mongkaan bau'. Binatang aijo' madi' timbali okaan, kalana mau mule' konukunyo mobiha' ohua', panyo kaanonnyo anu nu kaan nu lonyom lantas madi' po'ule' nu ama'. Antoknyo madi' timbali okaan, anu nosi pate na binatang aijo' madi' timbali o kanyang.

PO'ULE' INGULIT 14:8 ပူးပေါင်းရင်းမြစ်များ

YESAYA 65:4

De pihimo aha mambamo i liang ka' i kubulan da mompoita pokinde' i santuu' nu mian anu sinilakamo. Aha mongkaan bau' ka' monginum boulonnyo anu madi' timbali okaan.

YESAYA 66:17

Tumpu notatae, “Iwi-iwi' na mian anu momposusi'mo butongnyo ka' modoso'mo lantas mambamo i ale' anu lewa' ponsomban pilogot ka' monsombahmo aha saidi' mae mingkotmo tiba to mia-mian anu mongkaan bau' tiba bokoti' ka' mule' anu okaan sangga'at oka-okahumimi'i.

YESAYA 66:3

Panyo bansa haha aijo' ola mosi bau pongka'oho' nu aha; aha sanang hondo na monsombah mae panyo bau-baunyo anu okahegati. Hi aha madi' ko bedanyo: mongkolobanakon sapi' lakinyo ka' mongkolobanakon mian, mongkolobanakon anak nu domba ka' mompato'akon gogohong nu dedeng; monsombahkon gandum ka' mongkolobanakon baso' nu bau', mompapui kamangian ka' monsombah patong.

IMAMAT 5:2

De daagi' ko mian anu sinala'mo kalana anu madi' ototonggolakon tinimbalimo nahumimi', kalana nonsala' kanyangmo anu mahumimi', susumo bangke' nu binatang ka' lapas mae sininsumbu'je apaa na anu binaunyomo.

PO'ULE' INGULIT 14:7

Belemiu madi' timbali mongkaan binatang anu konukunyo madi' mobiha' ohua' ka' kaanonnyo anu nu otot nu lonyom lapas mae madi po'ule' nu ama'. Boli mongkaan unta, kelenci kabai marmot. Binatang haha aijo' madi' timbali okaan kalana mau mule' kaanonnyo anu nu otot nu lonyom lapas mae po'ule' nu ama' panyo konukunyo madi' mobiha' ohua'.

PO'ULE' INGULIT 14:9

Belemiu timbali mongkaan iwi-iwi' na ngahan nu ikan anu ko sonukunyo, ka' anu ko sisi'nyo.

2 PETRUS 2:22

Apaa na anu binaumo nu aha mompototu'umo kahondoan nu basa' aiya, “Dedeng po'ule'mo mongkaan apaa na anu i lua'akonnyomo,” ka' “Bau' anu pinindi'mo po'ule'mo mingkaliade' i uno nu hensek.”