PO'ULE' INGULIT 14:29 - KITAB NU TUMPU ALLA LELE MA'IMAI'

²⁹ Anu okaan aijo' bagi nu aha mian nu Lewi kalana aha madi' ko tano', ka' bagi nu mian anu lengkat mae i salipu'an, anak anu madi' ko tuuma ka' tinanyo ka' to balu-balu anu jojoong i kota-kota nu belemiu. Aha timbali toka mae ka' mongala apa-apaa na anu opalalui nu aha. De belemiu mombaumo sumo aijo' saba' Tumpu Allah nu belemiu mombalakatije iwi-iwi' na anu obau nu belemiu.”

PO'ULE' INGULIT 14:29 ပူးပေါင်းရင်းမြစ်များ

MAZMUR 41:1

Anu mongkapalai panyanyi. Mazmur i Daud.

MAZMUR 41:2

Mohumpak kantumuu'an ma'ima' na mian anu mompalahatikan mian anu madi'mo mahoson; Tumpu na montulungi ia de nu tokaimo nu kasusa'an.

MAZMUR 94:6

Aha nompateimo anu binalumo ka' to ana-anak anu madi'mo ko tuumanyo ka' tinanyo ka' mian anu i salipu'an anu jojoong i lipu' aiya.

AMSAL 11:24

Daagi ko mian anu saja' mongka'oho' mombee'i panyo ola ahi' mompaka kaya, panyo daagi ko mian anu madi' bebea na mompake apa-apaa padahan ola ahi' mompaka kasiasi hondo.

AMSAL 19:17

Montulungi mian anu kasiasi pokakanamo sumo monsaboli Tumpu; Tumpuje suele na mombalosakon.

YESAYA 1:17

o'ajan na mombau ka'ima'an. O toongi dodo-dodo na ka'adinan ka' boli obau na mongkabisa'i; bee'akon na hak nu aha anak anu madi'mo kotuumanyo ka'tinanyo ka'otinjohi na palakala nu anu balumo.”

IMAMAT 19:34

Opalentah na aha susumo belemiu mompalentah to mia-mian anu bubuu' bansa nu belemiu ka' okanonongi na aha susumo belemiu mongkanonongi posi butong nu belemiu. Inau' saba' belemiu suele toho'mo jinojoong salaku mian anu lengkat mae i salipu'an tempo'nyo kiijo' mae i Mesir. Akumo na Tumpu Allah nu belemiu.

NOMBILANGMO 18:20

Tumpu po'ule mule notatae hi Harun, “Belemiu madi' mohumpak pombahagian apa-apaa. I lipu' anu jinanji'-Kumo aijo' madi' ko tano' anu timbali bau bagi nu belemiu. Aku, Tumpu, na baumo bagi nu belemiu.”

LUKAS 11:41

Anu i uno nu mangko' ka' i leanum aijo', aijo'mo na anu tionyo obee' miu hi to mia-mian anu kasiasi. Tiba jalan aijo', iwi-iwi' timbalije mompobelesi' butong komiu.

LUKAS 6:35

Sepantasnyo misa' sumo aijo'! Komiu ola ahi' mongkalibosi sampo bali'um, ka' mombau anu ma'ima' hi aha. Komiu tionyo momposabon ka' boli montaha'imani po'ule' osule'akon. Desumo aitu tamboum daka' ka' komiu timbali to ana-anak nu Tumpu Anu Matangkas na Kuasanyo. Kalana Tumpu manonong na kinyonyoanyo hi mian anu madi' monsumbu' momoita talima kaseh, ka' suele hi anu ma'idek.

PO'ULE' INGULIT 10:9

Kalana aijo' tulunan nu bansa Lewi madi'mo mohumpak tano' da bau pusaka' nu aha, susumo anu pinoto'imo nu Tumpu Allah nu belemiu hi aha.)

PO'ULE' INGULIT 12:12

Okalame'i i ahop nu Tumpu Allah nu belemiu, hingga-hinggat tiba to ana-anak nu belemiu, to posa-posaihon nu belemiu ka' to mia-mian nu aha Lewi anu jojoong i iwi-iwi' na kota nu belemiu, kalana mian nu aha Lewi madi' binagian tano' i lipu' nu belemiu.

PO'ULE' INGULIT 14:27

Boli ola opojohok na mian nu aha Lewi anu jojoong i iwi-iwi' na kota; o inau' ahi' na aha aijo' madi' ko posi tano'.

PO'ULE' INGULIT 15:10

Tiba kinyonyoa anu sanang ka' halala' na mombee' hi ia, sahingga Tumpu Allah nu belemiu mombalakatije iwi-iwi' na anu obau miu.

PO'ULE' INGULIT 16:11

I ahop nu Tumpu Allah nu belemiu i tampat anu pinile'an-Nyomo, belemiu tionyo ahi' bilahi hingga-hinggat tiba to ana-anak nu belemiu, to posa-posaihon nu belemiu ka' aha mian nu Lewi, mian anu lengkat mae i salipu'an, anak anu madi'mo ko tuuma ka' tinanyo, ka' to balu-balu anu jojoong i songko-songko na kota nu belemiu.

PO'ULE' INGULIT 16:14

Balasana-sanang hingga-hinggat tiba to ana-anak nu belemiu, to posa-posaihon miu, aha mian nu Lewi, mian anu lengkat mae i salipu'an, anak anu madi'mo ko tuuma ka' tinanyo ka' to balu-balu anu jojoong i songko-songko na kota nu belemiu iwi-iwi'.

PO'ULE' INGULIT 23:21

De belemiu nonjanji'mo apa-apaa anu obee' hi Tumpu Allah nu belemiu, boli ola saja' konutuko uukaje mae na obee' apaa na anu jinanji'mo aijo', kalana Tumpu Allah nu belemiu saja' sabole-bole momoita, ka' belemiu baladosa'mo de madi' mombee'.

PO'ULE' INGULIT 28:8

Tumpu Allah nu belemiu mombalakatije apaa na anu obau nu belemiu ka' mongisije alang miu iwi-iwi' nu gandum. Ia mombalakatije belemiu i lipu' anu binee'-Nyomo hi belemiu.

PO'ULE' INGULIT 6:11

Laigannyo iwi-iwi' nobuke'mo nu to bala-balang anu to ima-ima', ka' misa' belemiu na nongisii. Komiu montoaje to bubu-bubung ka' misa' belemiu na nongkeke. Belemiu mohumpakmo ale' nu anggur tiba zaitun ka' misa' belemiu na nonsu'ani. De nuboamo nu Tumpu na belemiu i lipu' aijo', ka' iwi-iwi' na anu okahanda'i nu belemiu okaan daagi'mo,

IBRANI 13:2

Boli bata-bata na montalima i laigan miu to mia-mian anu ma'isa osumbu' miu. Kalana de mombaumo anu sumo aijo' daagi' kino mian madi' sinumbu-sumbu'nyo, padahan ia nontalimamo malaikat i laigannyo.

YAKOBUS 1:27

Tulu-tulutan i agama anu obau sahondo-hondonyo ka' madi' ko sala'nyo, susumo koonyo nu Tumpu Tuumanto aijo'mo: montulungi to ana-anak anu unon madi'mo ko tina ka' tuumanyo, ka' to balu-balu anu sinusa'mo, ka' mombala'ingati butong da boli nu idei nu dunia aiya.