PO'ULE' INGULIT 14:26 - KITAB NU TUMPU ALLA LELE MA'IMAI'

²⁶ Balanjakonmo na doi aijo' yayamo pa' apaa na anu opalalui nu belemiu – sapi' kabai mee', domba, anggur kabai inumon anu bisa molangui – lantas i tampat aijo', i ahop nu Tumpu Allah nu belemiu, belemiu ka' to ana-anak nu belemiu tionyo ahi' mongkaan hingga-hinggat ka' balasana-sanang.

PO'ULE' INGULIT 14:26 ပူးပေါင်းရင်းမြစ်များ

EZRA 7:22

salaka tionyo 3.400 kg, gandum tionyo 10.000 kg, anggur tionyo 2.000 liter, lanya' nu zaituno tionyo 2.000 liter ka' timuson yamo anu opalalui.

MAZMUR 106:14

I tampat padang anu mateges na tano'nyo aha sinuha'mo nu napisu, sahingga nonsobaimo Tumpu.

ANU MOMPOLELE POTATAE NU TUMPU 9:7

Donganmo pongkaan ka' balame-lame'; inumo sana-sanang na kinyonyoa na anggur nu belemiu, Tumpu madi' kabalatan pakalaus Ia ahi' situju.

MATIUS 21:12

Lapas aijo' i Yesus ninsoop nokiijo' i Laigan nu Tumpu ka' nolaa' iwi-iwi' na mian anu mobalu-baluk i kiijo'. Ia nombalikakon to meja-meja' anu pontolosian doi, ka' to bangku-bangku nu anu mompobaluk tomonsi' malapati'.

MARKUS 11:15

Salatan aha tinokamo i Yerusalem, ka' i Yesus namba mule' i Laigan nu Tumpu. I kiijo' Ia nontampu'uni nolaa' iwi-iwi' na mian anu mobaluk ka' mongoli i tampat aijo'. Ia nombali-balikakon to meja-meja' nu anu montolosi doi, ka' to kasu-kasuhangan nu anu mompobaluk tomonsi' malapati.

1 KORINTUS 10:6

Iwi-iwi' aijo' timbali sonto' hi kita, bau pompotuka' kita da boli mongka'ima'i anu ma'idek sumo aha.

PO'ULE' INGULIT 12:12

Okalame'i i ahop nu Tumpu Allah nu belemiu, hingga-hinggat tiba to ana-anak nu belemiu, to posa-posaihon nu belemiu ka' to mia-mian nu aha Lewi anu jojoong i iwi-iwi' na kota nu belemiu, kalana mian nu aha Lewi madi' binagian tano' i lipu' nu belemiu.

PO'ULE' INGULIT 12:15

Panyo belemiu bebas na mongkolot potuu'on nu belemiu ka' mongkaan antoknyo mau mule' pa' iya mae na kajojoongan nu belemiu. Belemiu timbali mongkaan yayamo na konjoo'nyo, na anu nubee' nu Tumpu Allah nu belemiu hi belemiu. Batu-batu mian mau anu belesi' kabai anu mahumimi' timbali mongkaan antoknyo aijo', sumo antoknyo nu kijang kabai jonga timbali okaan nu belemiu.

PO'ULE' INGULIT 12:18

Belemiu tiba to ana-anak nu belemiu hingga-hinggat tiba to posa-posaihon nu belemiu tiba to mia-mian nu aha Lewi anu jojoong i kota nu belemiu tionyo ahi' mongkaan palasombahan aijo' i ahop nu Tumpu Allah nu belemiu, i tampat anu pinile'anmo nu Tumpu Allah nu belemiu. Ka' i tampat aijo' tionyo ahi' belemiu mongkalame'i kalana iwi-iwi' apaa na anu binaumo nu belemiu.

PO'ULE' INGULIT 12:7

Ikiijo' suele i ahop nu Tumpu Allah nu belemiu, belemiu hingga-hinggat tiba to ana-anak nu belemiu tionyo ahi' mongkaan ka' mongkalame'i usaha miu iwi-iwi' anu kino hasinnyomo kalana binalakatanmo nu Tumpu Allah nu belemiu.

PO'ULE' INGULIT 14:25

jadi pobalukmo na pombagian nu hasin nu tano' miu aijo' ka' boa na doinyo i tampat anu pinile'anmo nu Tumpu Allah nu belemiu.

PO'ULE' INGULIT 26:11

Montalima kaseh hi Tumpu Allah nu belemiu, kalana nombee'imo anu okaan hi belemiu ka' to ana-anak nu belemiu. O'ende na aha mian nu Lewi ka' mian anu lengkat mae i salipu'an anu jojoong atina' hi belemiu da suele molame'akon susumo aijo'.