PO'ULE' INGULIT 14:23 - KITAB NU TUMPU ALLA LELE MA'IMAI'

²³ I Ahop nu Tumpu Allah nu belemiu i tampat anu pinile'an-Nyomo bau tampat ponsomban nu belemiu na tionyo ahi' pongkaanan nu belemiu palasombahan anu sampulu' na bagian aijo' sambagian na o ala na gandum, anggur, lanya' nu zaitun tiba anak nu sapi' ka' mee' ka' domba nu belemiu anu momona pino'anaknyo. Bau na han aijo' da sampe toka sidu-sidutu' belemiu saja' mompakalioi mongadati Tumpu Allah nu belemiu.

PO'ULE' INGULIT 14:23 ပူးပေါင်းရင်းမြစ်များ

MAZMUR 111:10

Ihe na mongkahanda'i da pande tionyo ahi' moholomati Tumpu. Ia mompopangalati' mian iwi-iwi' anu tulu-tulutan. O, puji' na Tumpu sansina-sinaa!

MAZMUR 147:11

Tumpu sanang hi mian anu tulu-tulutan, hi mian anu sabole-boleh montaha'imani kalibosan-Nyo mae.

MAZMUR 2:11

Sabole-boleh Tumpu na osombah ka' okabuhuk ka' tuluti na palentah-Nyo,

YESAYA 8:13

Jaga mae kalana Aku, Tumpu Anu Daka' na Kuasanyo aijo' susi'.

YEREMIA 32:38

Aha timbalimo mian anu palesayamo hi Belengku, ka' Aku timbalimo Tumpu Allah nu aha.

NOMBILANGMO 15:20

De belemiu montunumo roti nu gandum momona pinadak na binau roti, aijo' tionyo ahi' osombahkon salaku koloban samata-mata hi Tumpu. Bau-baunyo nu monsombahkon pokakana tiba bau-baunyo nu monsombahkon gandum anu momona giniling nu belemiu.

PO'ULE' INGULIT 12:11

Lapas aijo' Tumpu Allah nu belemiu mompile'imo sa'angu' na tampat da tionyo ahi' ponsomban Ia. Ikiijo' na tionyo ahi' kalambanan nu belemiu momboa iwi-iwi' apaa na anu pinalentahkonmo, aijo'mo koloban anu opotunu ka' to kolo-koloban sangga'at, palasombahan sambagian anu o ala i anu sampulu' na bagian ka' palasombahan bau samata-mata bagi nu Tumpu anu jinanji'mo miu.

PO'ULE' INGULIT 12:14

panyo ola i tampat anu pinile'anmo nu Tumpu i da'erah nu sala'sa'angu' na tulunan nu bansa miu. Ola ikiijo' na belemiu tionyo ahi monsombahkon koloban anu opotunu ka' pombauan han sangga'at anu ku palentahkon hi belemiu.

PO'ULE' INGULIT 4:10

na sinaa aijo' de belemiu tuminjomo i ahop nu Tumpu Allah nu belemiu i Bungkutnyo nu Sinai. Tempo'nyo aitu Ia notataemo hi belengku, ‘Posihuk mae na bansa aijo'. Ku ka'ima'i da aha mohongo apaa na anu kahanda' Ku poto'i, da aha balagulu' tulu-tulutan hi beleng-Ku i uno nu kantumuu'an nu aha sidu-sidutu', ka' da aha mompogulu' to ana-anak nu aha da tulu-tulutan hi beleng-Ku.’