PO'ULE' INGULIT 13:6 - KITAB NU TUMPU ALLA LELE MA'IMAI'

^6-7 De utus nu belemiu kabai anak nu belemiu mo'ane kabai boune, kabai bengkele' nu belemiu anu okalibosi nu belemiu kabai sangalu anu mompahakona hondo belemiu madi' osumbu-sumbu' taalu' nonsale'imo belemiu da monsombah to pilo-pilogot sangga'at nu to bansa-bansa anu jojoong ohani kabai majo'on,

PO'ULE' INGULIT 13:6 ပူးပေါင်းရင်းမြစ်များ

KAJADIAN 16:5

Lantas i Sarai notataemo hi Abram, “Aku nombee'mo posaihonku i Hagar hi beleyum, ka' salatan sinumbu'nyomo taalu' ia pinoboamo, ia madi'mo nompajuli mae aku. Atina' kasala'an nu beleyum. O amalakon da Tumpuje na momputusi palakala aiya hi beleyum ka' hi belengku.”

2 SAMUEL 1:26

O utusku Yonatan, kinyonyoangku sinusa'mo hondo ka' nolibosmo, kalana beleyum ko angga'nyo hondo hi belengku. Kalibosan nu beleyum hi belengku talasanggo hondo.

1 TOMU-TOMUNDO' 18:40

Sahingga notataemo na i Elia, “Hakop na nabi Baal aijo'! Boli opotuha' mau ola samian!” Lantas i hakopmo nu to mia-mian na nabi Baal haha aijo', ka' binoamo i Elia i Kaunyo Kison, ka' i kiijo' mae pinateannyomo na aha iwi-iwi'.

2 TOMU-TOMUNDO' 11:18

Lapas aitu mian da'isan nontumbuhimo ka' nongideimo kuil nu Baal. Mezbah tiba patong haha aijo' ingideanmo nu aha ka' i Matan, imam Baal pinateanmo nu aha i ahop nu Mezbah haha aijo'. I Yoyada nompalentahmo suludadu anu monjaga da monjagai Laigan nu Tumpu,

2 TAWARIKH 15:13

Maumo pa' ihe anu tu'anyomo kabai anu ma'isa tu'anyo to momo'ane kabai to bou-boune anu madi' tumuu' mombatuki pongka'oho' nu Tumpu tionyo ahi' ohukumo opatei.

2 TAWARIKH 23:17

Lapas aijo' aha iwi-iwi' nompokiijo'imo kuil nu Baal, lantas i hobo'akonmo nu aha. Mezbahnyo tiba to pato-patongnyo ingideanmo nu aha, ka' i Matan Imam nu Baal pinateanmo nu aha i ahop nu mezbah haha aijo',

AYUB 31:27

Madi' toho' aku taha-tahahumo na kinyonyoangku mongka'ima'i ia, kabai ku ooki na limangku susumo anu monsombamo salaku bau pongadati ia.

NOSABATMO 13:3

I Musa notataemo hi bansa Israel, “Sinaa aiya Tumpu anu Daka' hondo na kuasa-Nyo nompobebasmo belemiu, sahingga belemiu timbalimo nosabat nompala'i lipu' nu Mesir, tampat belemiu binotuanan. Kalana aijo' lame'akon na sinaa aiya. Boli mongkaan roti anu ko raginyo.

NOSABATMO 32:27

ka' ia notataemo hi aha, “Tumpu Allah nu aha Israel nompalentahmo belemiu toto samian da mongkeat bajak miu ka' lumajang motulu i Kemah aiya lengkat i sabatan daka' aijo' lau-laus mokiijo' i sabatan daka' sangga'at ka' opatei na to Utu-utus, to sanga-sangalu ka' anu mompaha ohani kemah nu belemiu.”

AMSAL 18:24

Daagi' ko sampo bela' anu madi' tulu-tulutan. Daagi' mule' ko anu lebe mompahakona hondo nulingkuduimo utus.

AMSAL 5:20

Apaa na gunanyo na ko napisu hi boune sangga'at, o anak ku? Bau apaa na monsampo duhus boune anu nakan,

YEREMIA 28:15

Iwi-iwi' aijo' pinoto'ingkumo hi Hananya, lantas pinoto'ingku mule', “Potombihing mae, o, Hananya! Tumpu na madi' ahi' nompokau beleyum; beleyum nonsaduakonmo bansa aiya da pinalesaya hi potatae anu madi' totu'u.

YEREMIA 28:16

Kalana aijo' posi Tumpu ahi' na nompoto'imo mae tukoo-Nyo beleyum Nu pateimo da madi'mo daagi' ko anu i dunia aiya. Taunmo aiya na beleyum silakamo, kalana beleyum nompokaumo bansa aiya da madi'mo montuluti Tumpu.”

YEREMIA 44:3

Han aijo' jinadimo kalana mian anu monjojoongi binaladosa'mo, sahingga nonsabapimo notambuha'mo. Aha nonsombahkonmo koloban ka' nonsombahmo to pilo-pilogot anu ma'isa' toho' sinombah nu aha, ka' mule' belemiu kabai mompolee' nu belemiu.

ZAKHARIA 13:3

Ka' de daagi' ko mian anu montaloakon tukoonyo ia kahanda' mompoto'i potuunon saba' posi tuumanyomo ahi' tiba tinanyo na motatae hi ia aijo' tukoonyo ia tionyomo ahi' ohukum mate kalana anu tinaeakonnyo aijo' madi' totu'u. De ia tataap mongakui butongnyo salaku nabi saba' ia nu posi jalo'mo nu tuumanyo tiba tinanyo sampe mate.

2 KORINTUS 5:16

Kalana aijo' kami madi'mo daagi' mongkila-kila mian susumo timbangan nu mian. Memang kami toho'mo nongkila-kila Kristus sumomo salaku ia mian, panyo uuka aiya madi'mo.

GALATIA 2:4

maumo daagi' ko to mia-mian anu mompakisa han aijo'. Aha to mia-mian anu minsoop hoko-hokot hi bubuu' kita montiho-tiho sumo utus. Aha minsoop hoko-hokot da mompinasa kabebasan anu daagi' hi kita, kalana kita nosa'angu'mo tiba i Kristus Yesus. Aha mongka'oho' monsule'akon kita i kabebasan anu susumo u'utu mae salaku botuan,

EFESUS 4:14

Sahingga kita madi'mo po'ule' mingana-anak anu sumo nupuuhi nu mombun oboa mokiijo' mo'uuka mae nu ngangahan nu solok nu pangajalan lengkat hi to mia-mian anu pande na mongakali. Aha mompotimbali mian ponga' nu kapandean nu aha mongakali.

PO'ULE' INGULIT 11:32

belemiu tionyo ahi' tulu-tulutan hi atulan iwi-iwi' anu pinotokakonmo hi belemiu sinaa aiya.”

PO'ULE' INGULIT 13:2

kalana ko kahanda' da belemiu monsombah ka' palesaya hi to pilo-pilogot anu madi' osumbu-sumbu' nu belemiu, mau mule' apaa na anu jinanji'nyomo aijo' totu-totu'u jadi,

PO'ULE' INGULIT 17:12

Mau mule' ihe na baani' monggagakon mian kopian kabai imam anu montoongi kalaja, tionyo ahi' o hukum mate; sumo aijo' na belemiu montewa' da bolimo saja' mombau anu ma'idek aijo' hi aha Israel.

PO'ULE' INGULIT 18:20

Panyo de samian na nabi baani na mompoto'i apa-apaa na potuunon kalana sanggong-Ku, padahan Aku madi' nompokau ia mombau sumo aijo', ia tionyo ahi' mate; sumo aitu mule' batu-batu nabi anu motatae de kalana sanggo nu to pilo-pilogot sangga'at tionyo ahi' mate.’

PO'ULE' INGULIT 19:19

ia tionyo ahi' montalima hukuman susumo anu kinoboli' opokona hi sampobali'nyo aijo'.

PO'ULE' INGULIT 21:21

Lantas to momo'ane nu kota aijo' tionyo ahi' mompahambunu'akon anak aijo' nu batu sampe mate. Sumo aijo' na belemiu mombau da bolimo ko anu ma'idek sumo aijo'. Iwi-iwi' na aha mian nu Israel aijo' mohongo apaa na anu binaumo aijo' sahingga mabuhukmo.”

PO'ULE' INGULIT 22:21

jadi boune aijo' tionyo ahi' oboa i sabatan nu laigan nu tu'anyonyo. I tampat aijo' to momo'ane i kota aijo' tionyo ahi' mompahambunu'akon ia nu batu sampe mate. Boune aijo' nombaumo han anu moko ambang bansanto kalana noduhusmo tiba mo'ane sangga'at ma'isa pe'e no'osoa tempo'nyo ia daagi' jinojoong i laigan nu tuumanyo. Tiba jalan anu sumo aijo' belemiu nombaumo sonto' da bolimo ko anu mombau anu ma'idek susumo aijo'.

PO'ULE' INGULIT 24:7

Mian anu mohakop bubuu' bansanyo ka' opalaihakonmo ka' opotimbalimo na ia susumo posaihon kabai mompobalukmo ia, tionyo ahi' o hukum mate. Tiba jalan anu sumo aijo' belemiu ko usahamo da bolimo ko anu ma'idek susumo aijo'.

PO'ULE' INGULIT 28:54

Sadang tulunan nu mian daka' pe'e anu talasanggo ka' ma'ima' na kinyonyoanyo tempo'nyo aha otumbuhimo aijo' suele hentemo na kinyonyoa, sahingga posi to ana-anaknyo nukaanmo kalana madi'mo ko anu okaan sangga'at. Mau pe'e ola sangkiding ia madi'mo mombee'i utusnyo kabai bengkele'nyo anu nu kanonongi kabai to ana-anaknyo anu daagi' tutuu'.

PO'ULE' INGULIT 29:18

Jadi obala'ingati boli sampe daagi' ko samian atina' hi belemiu mo'ane kabai boune, Utus miu kabai tulunan nu bansa anu tinuminjo i aiya, tolo sule'mo mohikumo Tumpu Allah-nto ka' monsombahmo to pilo-pilogot nu bansa sangga'at. Palabuatan aijo' sumomo bakat anu tumuu' timbalimo kau' mapakat ka' kolasungnyo.

PO'ULE' INGULIT 8:14

Ojaga ima-ima' da belemiu boli kobubuun ka' mongkolilimimo Tumpu Allah nu belemiu anu mompobebasmo belemiu lengkat mae i Mesir tampat nu belemiu binotuanan.

KOLOSE 2:4

Kupoto'i na aiya, da mau mule' ihe na motatae sumomo gula' hi komiu, komiu madi' nupoko akali nu aha.

YOSUA 7:13

Uuka aiya pobulamo Yosua! Posusi' na aha mian nu Israel ka' pokau mae na aha sabole-bole mamba mae hi beleng-Ku. Palentah na aha da sabole-bole toka mae dodop kalana Aku Tumpu Allah nu aha Israel mompoto'imo sumo uuka hi aha: 'O, to mia-mian nu Israel, to bala-balang anu pinalentahkon-Kumo hi belemiu da ohopu'i sambagian daagi' itina' hi belemiu. De ma'isa pe'e o alin nu belemiu na balang haha aijo', belemiu madi' moko ala mongahopi mompahampateakon sampobali'!'

2 PETRUS 2:1

Tempo'nyo naipuan mae mian anu palesayamo hi Tumpu itina' hi komiu ko anumo tinimbali to nabi-nabi anu madi' totu'u. Sumo aijo' mule' itina' hi komiu saidi' mae ko anumo timbali to gulu-gulu' anu madi' totu'u. Aha mompogulu' to panga-pangajalan anu madi' totu'u, anu mombinasai mian. Ka' aha saidi' mae mompojalomo Anu Matangkas na kuasanyo anu nompobebasmo aha. Tiba jalan anu sumo aijo' aha mompotokamo kasilaka'an i posi butong, anu madi'mo pin nuta'upmo nu aha.

ANU PINOTO'I HI YOHANES 12:9

Ulo anu talalo hondo daka' aijo' ingalin i sambiha'nyo! Iamo na ulo anu ilangkai'mo anu o sanggohi Ibilis kabai Roh Ma'idek, anu mongakalimo songko-songko na dunia. Ia ingalinmo nokaiyong i dunia tiba iwi-iwi' na malaikatnyo.

ANU PINOTO'I HI YOHANES 13:14

Ka' iwi-iwi' mian anu tumuu' i dunia ingakalannyomo nu hahan anu okabangangi anu nupoko ala nubau i ahop nu binatang anu i momona aijo'. Ka' aha iwi-iwi' pinokaunyomo nompotinjo sa'angu' na patong nu binatang anu binelanmo nu bajak, panyo tataap tumuu'.

ANU PINOTO'I HI YOHANES 20:3

Lapas mae malaikat aijo' nongalinmo ulo anu daka' hondo aijo' i uno nu keles kapatean, lantas nonggunsingmo keles kapatean aijo' ka' sinegennyomo na ulo anu daka' hondo aijo' da madi'mo daagi' moko ala mongakali to bansa-bansa i uno nu tempo' samadala na taun na kopinnyo aijo'. Lapas aijo', ia opolapasmo ka' tempo'nyo madi'mo pin.

TO MIA-MIAN KOPIAN 10:6

Aha mian nu Israel po'ule' mule' binaladosa' hi Tumpu. Aha madi'mo mongkalinga Tumpu ka' madi'mo daagi' nonsombah Ia. Aha nonsombahmo to pilo-pilogot nu bansa Siria, Sidon, Moab, Amon tiba Filistin.

TO MIA-MIAN KOPIAN 20:13

Bee'mo mae na to mia-mian anu madi' talakana' i Gibea aijo' hi kami da opateimo mami na aha ka' tiba jalan sumo aijo' kami mongalinimo anu ma'idek aijo' hi mian nu Israel.” Panyo mian nu Benyamin madi' montapali potatae nu aha mian Israel haha aijo' sangga'at.

TO MIA-MIAN KOPIAN 5:8

Salatan Israel nonsombahmo pilogot, sinidamo na pahampatean i lipu' nu aha; aha anu 40.000 na suludadu nu bansa, mau pe'e ola samian madi' ko anu nontangkakon pimuhuknyo.

1 SAMUEL 18:1

Noko lapas na i Saul tiba i Daud binasale', i Daud ihangkatmo i Saul binee'annyomo pangkat mokalaja hi ia, ka' mulai sinaa aitu ia madi'mo pinobee' ninsusule' ilaigan nu tuumanyo. Anu sinale'akon nu aha aijo' ihongomo i Yonatan anaknyo momo'ane. Ia suele mongka'ima'i i Daud ka' mongkalibosi ia sumomo ia mongkalibosi posi butongnyo.

1 SAMUEL 18:3

Kalana aijo' i Yonatan binasumpa'mo da mobela'mo tiba i Daud sampe toka sidu-sidutu'.

1 SAMUEL 20:17

Jadi kinopinduannyo i Yonatan nompoitamo hi Daud da balajanji' mongkalibosi ia, kalana ia nongkalibosimo i Daud susumo posi butongnyo.