PO'ULE' INGULIT 12:7 - KITAB NU TUMPU ALLA LELE MA'IMAI'

⁷ Ikiijo' suele i ahop nu Tumpu Allah nu belemiu, belemiu hingga-hinggat tiba to ana-anak nu belemiu tionyo ahi' mongkaan ka' mongkalame'i usaha miu iwi-iwi' anu kino hasinnyomo kalana binalakatanmo nu Tumpu Allah nu belemiu.

PO'ULE' INGULIT 12:7 ပူးပေါင်းရင်းမြစ်များ

1 TAWARIKH 29:22

Sinaa aitu aha lewa'mo nongkaan ka' binala'inum ka' binalame-lame' i ahop nu Tumpu. Lantas kinopinduannyomo na aha nombebakonmo i Salomo hi mian tukoonyo nu aha i Salomo tinimbalimo tomundo'. I Uno nu sanggo nu Tumpu pinotantumo nu aha na ia salaku tomundo' nu aha ka' i Zadok na i hangkatmo binau imam.

NEHEMIA 8:9

Nohongo Atulan anu binasa'mo aijo' mian da'isan tinongkolibosonmo, lantas i humangmo sahingga i gubernur Nehemia ka' i Imam Ezra anu pande hondo i Atulan aijo', ka' aha mian nu Lewi haha aijo' anu nontutuhakonmo Atulan aijo', nompoto'imo hi mian da'isan iwi-iwi' sumo uuka na koonyo nu aha, “Sinaa aiya sinaa anu tinantukanmo nu belemiu hi Tumpu Allah, jadi bolimo talalo tongkoliboson ka' humang.

ANU MOMPOLELE POTATAE NU TUMPU 3:12

Ku sumbu' saba' hi kita madi' daagi' ko anu lebe ma'ima' aijo'mo balame-lame' ka' mongoa'i kopinnyo nu kantumuu'anto.

ANU MOMPOLELE POTATAE NU TUMPU 3:13

Ka'ima'annyo kita iwi-iwi' mongkaan ka' monginum ka' mongoa'i hasin nu kalajanto. Aitu anu binee'mo nu Tumpu.

ANU MOMPOLELE POTATAE NU TUMPU 5:18

De samian mohumpakmo kakaya'an tiba halata' lengkat mae hi Tumpu, ka' ia opobee' na molasai kakaya'an aijo', ia tionyo ahi' montalima kase na molasai hasin nu kalajanyo. Aijo' anu binee'mo nu Tumpu.

YESAYA 23:18

Ka untungan tiba tambo nu mokalaja anu nu humpak madi'mo ola nu una', panyo nu palasombahkonmo hi Tumpu. Aha to mia-mian anu monsombahmo Tumpu monggunakonmo doi aijo' bau pongoli kapalaluan nu aha pihude tiba anu nu kaan nu aha.

YESAYA 62:9

Panyo beleyum ahi' na mongala anu pinadakmo, mongkaanmo hasinnyo ka' mompuji'mo Tumpu; ka' belemiumo ahi' na anu montipumo bua'nyo nu anggur, monginumo ueenyo ipopasan nu Laigan-Ku.”

YEHEZKIEL 44:3

Panyo pamalentah anu balakuasa timbali mokiijo' isabatan daka' aijo' da mongkaan kaanon anu susi' i ahop-Ku. Ia tionyo ahi' minsoop montulu dasanyo ka' mule' de minsusule'mo po ule' ahi' montulu jalan aijo'.”

YOËL 1:16

Anu okaan i ningkotmo na'idek i ahop nu matanto. I Laigan nu Tumpunto madi'mo daagi' ko lame'.

YOËL 2:26

Anu okaan nu belemiu sukupmo ka' mongoa'imo mobosu. Tumpu nu belemiu opopodaka'mo nu belemiu, kalana hi belemiu binau-Nyomo manjoo' na anu okabangangi. Mian-Ku anu palesayamo madi'mo daagi' lewa' nu alu nu mian!

IMAMAT 23:40

Sinaa momonanyo belemiu tionyo ahi' mongalamo to bua-bua' nu kau' anu talalo hondo ma'ima' i ale' nu belemiu, ka' suele to hohon nu palma ka' to panga-panga' nu kau' anu hoopo', lantas otampu'unimo na molameanakon salaku kabilahian bau pongadati Tumpu Allah nu belemiu.

MALEAKHI 2:13

Ka' mule' daagi aiya na palabuatan sangga'at nu belemiu. Mezbah nu Tumpu i ngueeanmo nu belemiu nu lolu' nu mata; belemiu ihumangmo ka' tinumando'mo kalana Tumpu madi'mo daagi' nonsitujui nontalima iwi-iwi na koloban nu belemiu.

SISIKON NU TO RASUL-RASUL 2:46

Toka sansina-sinaa aha saja' silimu' i Laigan nu Tumpu ka' lame' na aha mongkaan hingga-hinggat, ka' aha madi' mombuulakon to lai-laigan nu aha.

PO'ULE' INGULIT 12:12

Okalame'i i ahop nu Tumpu Allah nu belemiu, hingga-hinggat tiba to ana-anak nu belemiu, to posa-posaihon nu belemiu ka' to mia-mian nu aha Lewi anu jojoong i iwi-iwi' na kota nu belemiu, kalana mian nu aha Lewi madi' binagian tano' i lipu' nu belemiu.

PO'ULE' INGULIT 12:18

Belemiu tiba to ana-anak nu belemiu hingga-hinggat tiba to posa-posaihon nu belemiu tiba to mia-mian nu aha Lewi anu jojoong i kota nu belemiu tionyo ahi' mongkaan palasombahan aijo' i ahop nu Tumpu Allah nu belemiu, i tampat anu pinile'anmo nu Tumpu Allah nu belemiu. Ka' i tampat aijo' tionyo ahi' belemiu mongkalame'i kalana iwi-iwi' apaa na anu binaumo nu belemiu.

PO'ULE' INGULIT 12:8

De tokamo na tempo'nyo aijo', belemiu bolimo mombau susumo uuka aiya. Sampe tempo' uuka aiya belemiu monsombah yayamo na anu nuka'ima'i nu kinyonyoa miu,

PO'ULE' INGULIT 14:23

I Ahop nu Tumpu Allah nu belemiu i tampat anu pinile'an-Nyomo bau tampat ponsomban nu belemiu na tionyo ahi' pongkaanan nu belemiu palasombahan anu sampulu' na bagian aijo' sambagian na o ala na gandum, anggur, lanya' nu zaitun tiba anak nu sapi' ka' mee' ka' domba nu belemiu anu momona pino'anaknyo. Bau na han aijo' da sampe toka sidu-sidutu' belemiu saja' mompakalioi mongadati Tumpu Allah nu belemiu.

PO'ULE' INGULIT 14:26

Balanjakonmo na doi aijo' yayamo pa' apaa na anu opalalui nu belemiu – sapi' kabai mee', domba, anggur kabai inumon anu bisa molangui – lantas i tampat aijo', i ahop nu Tumpu Allah nu belemiu, belemiu ka' to ana-anak nu belemiu tionyo ahi' mongkaan hingga-hinggat ka' balasana-sanang.

PO'ULE' INGULIT 15:20

Sataun toka sataun belemiu salaigan tionyo ahi' mongkaan antoknyo i ahop nu Tumpu Allah nu belemiu i tampat anu pinile'anmo nu Tumpu.

PO'ULE' INGULIT 26:11

Montalima kaseh hi Tumpu Allah nu belemiu, kalana nombee'imo anu okaan hi belemiu ka' to ana-anak nu belemiu. O'ende na aha mian nu Lewi ka' mian anu lengkat mae i salipu'an anu jojoong atina' hi belemiu da suele molame'akon susumo aijo'.

PO'ULE' INGULIT 27:7

Osombahkon suele na koloban bau pompodame belemiu ka' kaanmo ikiijo' ka' balame-lame'mo i ahop nu Tumpu Allah nu belemiu.

PO'ULE' INGULIT 28:47

Belemiu binalakatanmo nu Tumpu Allah nu belemiu i han iwi-iwi', panyo belemiu madi' mompalesaya Ia nu kinyonyoa anu totu-totu'u ka' madi' mongoa'i sanang.

FILIPI 4:4

O'amalakon da komiu saja' lame' kalana komiu tinumuu'mo nosa'angu' tiba Tumpu. Po'ule' pe'e kutaloakon: Obau lame-lame'!