PO'ULE' INGULIT 12:5 - KITAB NU TUMPU ALLA LELE MA'IMAI'

⁵ Songko-songko na da'erah nu to tulu-tulunan nu aha Israel Tumpu Allah nu belemiu mompile'ije sa'angu' na tampat da bansanto moko ala toka i ahop-Nyo ka' monsombah Ia.

PO'ULE' INGULIT 12:5 ပူးပေါင်းရင်းမြစ်များ

1 TOMU-TOMUNDO' 14:21

Salatan i Rehabeam anak i Salomo tinimbalimo tomundo' nu Yehuda tempo'nyo aitu umunnyo patompulu'mo ka' sa'angu' na taun. Ia nompalentah sinampulu' ka' pinopitu' na kinopinnyo, i Yerusalem. Kota' anu songko-songko i Israel, kota'mo aijo' na anu tinantukanmo nu Tumpu da bau ponsomban Ia. Tina i Rehabeam sanggonyo i Naama bansa mae nu aha Amon.

1 TOMU-TOMUNDO' 8:20

Uuka aiya Tumpu nongganapimo anu jinanji'-Nyomo Aku tinimbali Tomundo' nu Israel nombolosakon tuumangku, ka' aku mule' nombaumo Laigan bau ponsomban Tumpu, Tumpu Allah Israel.

1 TOMU-TOMUNDO' 8:27

Panyo' O Tumpu Allah, pa' totu-totu'u ahi sanang na Belento jojoong i dunia aiya? Mau langit songko-songko madi' sampa' na ko ewanyo bau kajojoongan nu Belento apaa mule' ola laigan bau ponsomban anu binaungkumo aiya!

1 TOMU-TOMUNDO' 8:29

Ku taha'imani sinaa ka' pihi Belento montoakon mae Laigan aiya anu pinile'anmo nu Belento salaku tampat ponsomban Belento. Ku taha'imani lengkat mae i kajojoongan nu Belento i Suluga' Belento mompotombihingakon mae ka' mongampuni aku ka' mian anu pinalesayamo hi Belento de kami tokamo mae i laigan aiya ka' balado'a hi Belento.

2 TOMU-TOMUNDO' 18:22

Suludadu nu Asyur anu matangkas na pangkatnyo aijo' notatae mule', “Kabai ugaat koonyo nu belemiu, belemiu montaha'imani Tumpu, Tumpu Allah nu belemiu? Tempo'nyo i Hizkia nompalentahkon da mian nu Yehuda ka' Yerusalem ola samata-mata monsombah i ahop nu mezbah kiijo' i Yerusalem, te misa anu ingideannyomo aijo'mo mezbah ka' tampat anu lewa' ponsomban Tumpu.

1 TAWARIKH 22:1

Sahingga notataemo na i Daud, “I tampatmo aiya na tionyo ahi pompopontinjoan Laigan nu Tumpu Allah. Ka' i Mezbahmo aiya na mian nu Israel tionyo ahi' monsombahkon koloban nu aha hi Tumpu.”

2 TAWARIKH 7:12

Tumpu po'ule' mule' nanintoa hi ia pihi-pihi. Tumpu notataemo hi ia, “Do'a nu beleyum i hongongkumo ka' Ku alamo na laigan aiya salaku tampat anu samata-mata bau ponsombahkonan koloban hi belengku.

EZRA 3:2

lantas i Yesua anak i Yozadak ka' to sanga-sangalunyo aijo'mo to ima-imam ka' i Zerubabel anak i Sealtiel tiba to utu-utusnyo, nombaumo mule' mezbah bau ponsomban Tumpu Allah nu aha Israel. Tiba jalan anu sumo aijo' aha timbalimo nompotunu koloban i mezbah aijo', susumo anu tinulismo i kitab Atulan i Musa, posaihon nu Tumpu Allaha aijo'.

EZRA 6:12

O' amalakon da Tumpu Allah anu nompile'imo Yerusalem salaku tampat bau ponsomban Ia, mompatei batu-batu tomundo kabai bansa anu baani molanggai palentah aiya, ka' mongkahanda'i mongidei Laigan nu Tumpu kiijo' i Yerusalem, Aku, i Darius nombee'mo palentah aiya. Obau na palentah aiya ma'i-ma'ima'.”

EZRA 7:17

Opake ma'i-ma'ima' na doi aijo' bau pongoli sapi' lakinyo, domba lakinyo, anak nu domba, gandum tiba anggur. Iwi-iwi' aijo' osombahkon i mezbah anu kiijo' i Laigan nu Tumpu kiijo' i Yerusalem.

NEHEMIA 1:9

Panyo de kami po'ule'mo mohongo-hongo belento ka' montulutimo palentah nu Belento iwi-iwi', saba' kami anu nobagi-bagimo aijo' po'ule'je oposihuk nu Belento, maumo kami kiijo'mo mae i puusnyo nu dunia. Lantas sinuleakontomo mae nu Belento na kami i tampat anu pinile'anmo nu Belento da bau tampat ponsomban belento.

MAZMUR 78:68

Anu pinile'an-Nyo aijo'mo tulunan nu bansa i Yehuda, ka' Puge'nyo nu Sion anu kina'ima'an-Nyomo.

NOSABATMO 15:2

Tumpu anu mahoson nontinjohimo mae aku; Iamo na anu nomposalamatmo mae aku. Iamo na Tumpungku, aku kahanda'mo mompuji' Ia, Tumpu Allah anu nusombah nu mompolee'ku, ku popodaka' na Ia.

NOSABATMO 20:24

Baui na Aku sa'angu' na mezbah te tano' na obau lantas sombahkonmo ikiijo' domba ka' sapi' nu belemiu bau koloban anu otunui ka' koloban bau pompodame. Maumo pa'ia mae na tampat anu Ku tantukan hi belemiu salaku tampat ponsomban Aku, Aku tionyo mae toka ka' mombalakati belemiu.

NOSABATMO 25:22

I tampat aijo' na kasingkabotan-Ku tiba beleyum, ka' aita' mae i kolopnyo i olot nu ohua' na anu sumo malaekat aijo', beleyum Ku bee'ije to atu-atulan-Ku da opake hi bansa Israel.”

YEREMIA 26:2

Tumpu notataemo mae hi belengku, “Lako mamba tuminjo' ipopasan nu Laigan-Ku ka' potataemo hi aha mian anu jojoong Yehuda anu toka mae monsombah ikiijo'. Poto'i hi aha iwi-iwi' na anu Ku palentahkon hi beleyum da opoto'iakon hi aha. Boli oga'ai mau ola sangkiding.

YEREMIA 7:12

Lako'mo mamba i Silo kota' anu naipuan mae pinile'an-Kumo da bau tampat monsombah mae Aku. Soba toa apaa na nu binaung-Kumo kona hi tampat aiya kalana dosa' nu mian anu palesayamo hi beleng-Ku aha Israel.

YEREMIA 7:14

Jadi Laigan-Ku ota-otaha'imani nu belemiu ka' tampat anu binee'-Kumo hi mompolee' nu belemiu ka' mule' hi mompolee' nu belemiu ka' hi belemiu aiya saidi' mae Ku baumo susumo Silo naipuan mae.

NOMBILANGMO 7:89

De i Musa minsoopmo i Kemah nu Tumpu da basisikmo tiba Tumpu, ia mohongomo potatae nu Tumpu anu montaloakon hi ia lengkat mae aita' i kolop nu Peti' Palajanjian i olotnyo nu patong nu malaekat.

PO'ULE' INGULIT 12:11

Lapas aijo' Tumpu Allah nu belemiu mompile'imo sa'angu' na tampat da tionyo ahi' ponsomban Ia. Ikiijo' na tionyo ahi' kalambanan nu belemiu momboa iwi-iwi' apaa na anu pinalentahkonmo, aijo'mo koloban anu opotunu ka' to kolo-koloban sangga'at, palasombahan sambagian anu o ala i anu sampulu' na bagian ka' palasombahan bau samata-mata bagi nu Tumpu anu jinanji'mo miu.

PO'ULE' INGULIT 12:13

Belemiu madi' timbali monsombahkon koloban nu belemiu iyayamo na tampat anu oposi pile'i nu belemiu,

PO'ULE' INGULIT 12:18

Belemiu tiba to ana-anak nu belemiu hingga-hinggat tiba to posa-posaihon nu belemiu tiba to mia-mian nu aha Lewi anu jojoong i kota nu belemiu tionyo ahi' mongkaan palasombahan aijo' i ahop nu Tumpu Allah nu belemiu, i tampat anu pinile'anmo nu Tumpu Allah nu belemiu. Ka' i tampat aijo' tionyo ahi' belemiu mongkalame'i kalana iwi-iwi' apaa na anu binaumo nu belemiu.

PO'ULE' INGULIT 12:4

De belemiu monsombahmo Tumpu Allah nu belemiu boli montiho susumo apaa na anu nubau nu mian haha aijo' monsombah to pilo-pilogot nu aha.

PO'ULE' INGULIT 14:23

I Ahop nu Tumpu Allah nu belemiu i tampat anu pinile'an-Nyomo bau tampat ponsomban nu belemiu na tionyo ahi' pongkaanan nu belemiu palasombahan anu sampulu' na bagian aijo' sambagian na o ala na gandum, anggur, lanya' nu zaitun tiba anak nu sapi' ka' mee' ka' domba nu belemiu anu momona pino'anaknyo. Bau na han aijo' da sampe toka sidu-sidutu' belemiu saja' mompakalioi mongadati Tumpu Allah nu belemiu.

PO'ULE' INGULIT 14:24

De tampat anu pinile'anmo nu Tumpu Allah nu belemiu talalo majo'on i laigan nu belemiu sahingga anu sampulu' na bagian, sambagian na o ala i hasin nu tano' miu anu binee'mo nu Tumpu Allah nu belemiu hi belemiu, madi' opoko ala oboa nu belemiu mokiijo',

PO'ULE' INGULIT 15:20

Sataun toka sataun belemiu salaigan tionyo ahi' mongkaan antoknyo i ahop nu Tumpu Allah nu belemiu i tampat anu pinile'anmo nu Tumpu.

PO'ULE' INGULIT 16:11

I ahop nu Tumpu Allah nu belemiu i tampat anu pinile'an-Nyomo, belemiu tionyo ahi' bilahi hingga-hinggat tiba to ana-anak nu belemiu, to posa-posaihon nu belemiu ka' aha mian nu Lewi, mian anu lengkat mae i salipu'an, anak anu madi'mo ko tuuma ka' tinanyo, ka' to balu-balu anu jojoong i songko-songko na kota nu belemiu.

PO'ULE' INGULIT 16:15

Pitun sinaa na kopinnyo belemiu tionyo ahi' molame'akon lamean aijo' bau pongadati Tumpu Allah nu belemiu i tampat anu pinile'anmo nu Tumpu. Bau bila-bilahi kalana Tumpu Allah nu belemiu nombalakatimo hasin nu tano' tiba kalaja nu belemiu.

PO'ULE' INGULIT 16:2

Lako'mo i tampat anu pinile'anmo nu Tumpu ka' kolot na mee' ka' domba sa'angu' kabai sapi' nu belemiu salaku palasombahan i Paskah bau pongadati Tumpu Allah nu belemiu.

PO'ULE' INGULIT 16:7

Kola' na antoknyo aijo' ka' okaan i tampat anu pinile'anmo nu Tumpu Allah nu belemiu lantas pinsusule'mo i laigan nu belemiu dodop subu-subu.

PO'ULE' INGULIT 17:8

De daagi' ko palakala anu madi' opoko putusi nu to mia-mian kopian i sa'angu' na lipu' kalana talalo mahan, umpamanyo palakala nompateimo anu tinotonggolakon kabai madi' tinotonggolakon, pahantuda'an mongkona halata' kabai mompaha bela-belaimo butong nu samian, belemiu tionyo ahi' mambamo i tampat anu pinile'anmo nu Tumpu Allah nu belemiu.

PO'ULE' INGULIT 18:6

De daagi' ko mian nu Lewi anu nolengkat mae pa' i kota apaa anu daagi' i Israel tokamo mae i tampat anu pinile'anmo nu Tumpu ka' mongka'oho'mo jojoong ikiijo',

PO'ULE' INGULIT 26:2

saba' isinyo momona nu ale' miu tionyo ahi' olimu' miu ka' o isi i basung, ka' oboa miu i tampat anu pinile'anmo nu Tumpu Allah nu belemiu.

PO'ULE' INGULIT 31:11

belemiu tionyo ahi' mombasa'akonmo daka-daka' atulan haha aijo' hi to mia-mian nu aha Israel anu toka mae monsombah Tumpu Allah nu belemiu i tampat anu pinile'an-Nyomo.

KOLOSE 2:9

Kalana iwi-iwi' na lupa nu Tumpu daagi'mo hi Kristus, aijo'mo lupanyo anu sumo mian.

IBRANI 12:22

Panyo mule', komiu tinokamo i Bungkutnyo nu Sion, ka' kota' nu Tumpu anu tumuu', aijo'mo Yerusalem anu i suluga', anu ko malaikatnyo momada-madala na konjoo'nyo.

YOSUA 18:1

Noko lapas na nompatundu' lipu' anu jinanji'mo nu Tumpu, aha mian nu Israel iwi-iwi' sinihukmo i Silo, lantas aha nompaha pokonamo Kemah da bau katokaan nu Tumpu.

YOSUA 22:11

Aha mian nu Israel sangga'at nohongomo hi bubuu' bansa nu aha notatae, “Aha mian tulunan nu bansa Ruben, Gad tiba tulunan nu bansa Manasye anu i sasu kabete'an kiijo' mae i Kaunyo nu Yordan nompotinjomo sa'angu' na mezbah kiijo' i Gelilot koko Kaunyo nu Yordan panyo daagi' ninsoop da'erah-nto!” Sahingga aha iwi-iwi' sinihukmo i Silo kahanda'mo mamba mompahampateakon tulunan nu bansa Israel haha aijo' anu i sasu kabete'an kiijo' mae i Kaunyo nu Yordan.

YOSUA 9:27

Panyo aha oppotimbalimo posaihon – bau pongala kau' ka' bau pongasu uee nu aha mian Israel ka' i mezbah nu Tumpu. Sampe tempo' uuka aha daagi' mombau kalaja susumo aijo' i tampat anu pinile'anmo nu Tumpu da bau tampat ponsomban Ia.

ANU PINOTO'I HI YOHANES 14:1

Lapas aijo' aku nontoamo, Anak nu Domba aijo' tinjo-tinjo aita' i Bungkutnyo nu Sion. Tiba Ia, daagi' mule' ko 144.000 na mian ka' i siakan nu aha toto samian bubu' tinulis na sanggo-Nyo ka' sanggo nu Tuuma-Nyo.