PO'ULE' INGULIT 12:31 - KITAB NU TUMPU ALLA LELE MA'IMAI'

³¹ Mosia na bansa haha aijo' monsombah to pilo-pilogot nu aha, boli otiho nu belemiu, na aijo' sahingga belemiu mombaumo sumo aijo' na monsombah Tumpu Allah nu belemiu, kalana de aha monsombahmo saba' mombaumo palabuatan anu toto ide-idek anu nunuka'ideki nu Tumpu. To ana-anak pe'e nu aha nopotunu nu aha i mezbah salaku bau koloban hi to pilo-pilogot nu aha.

PO'ULE' INGULIT 12:31 ပူးပေါင်းရင်းမြစ်များ

2 TOMU-TOMUNDO' 16:3

Ia tinumuu'mo susumo to tomu-tomundo' nu Israel, pakalaus mule' ia nonsombahkonmo anaknyo momo'ane salaku koloban hi pilogot susumo anu saja'mo nu bau nu to mia-mian padahan bauon aijo' ma'idek, anu lewa' nu bau nu aha anu ia laa'mo nu Tumpu da madi'mo jojoong i lipu' Kana'an tempo'nyo mian nu Israel tinokamo i lipu' aijo'.

2 TOMU-TOMUNDO' 17:31

mian nu Awa nombau patong Nibhas, ka' Tartak, ka' mian nu Safarwaim nonsombahkonmo to ana-anak nu aha salaku koloban anu opotunu osombahkon hi pilogot Adramelekh ka' hi Anamelekh.

2 TOMU-TOMUNDO' 21:2

I Manasye binaladosa'mo hi Tumpu, kalana lewa'mo nontiho kalakuan anu ma'idek, anu biasa nu bau nu to bansa-bansa anu i laa'mo nu Tumpu lengkat mae i Kana'an tempo'nyo mian nu Israel ninsoopmo i lipu' aijo'.

2 TOMU-TOMUNDO' 3:27

Kalana aijo' ia nongalamo anaknyo momo'ane, lantas sinombahkonnyomo aita' i pagan mesen nu kota' salaku koloban anu osombahkon hi pilogot nu aha Moab. Sahingga nabuhukmo na mian nu Israel haha aijo', jadi suludadu nu aha ninsusule'mo nompala'i kota' aijo', lantas nambamo i kota' nu aha.

2 TAWARIKH 33:2

Ia binaladosa'mo hi Tumpu kalana nombatukimo hahan anu ma'idek anu saja' nubau nu to bansa-bansa sangga'at, anu i laa'mo nu Tumpu bolimo jojoong i Kana'an tempo'nyo mian nu Israel ninsoopmo i lipu' aijo'.

2 TAWARIKH 36:14

Ka' mule' Laigan nu Tumpu anu tinantukanmo nu Tumpu bau ponsomban butong-Nyo pinohumimi'mo nu to pola-polaya' Yehuda, to ima-imam; ka' mian da'isan, kalana aha suele nonsombahmo pilogot ka' nombatukimo kabiasa'an nu kantumuu'an anu baladosa' tiniho i bansa-bansa anu mompaha'ohani aha.

MAZMUR 106:37

Aha nongkolobanakonmo to ana-anak nu aha hi to pilo-pilogot nu aha Kana'an.

NOSABATMO 23:2

Boli mombaya'i mian da'isan de aha mombau sala' kabai monggeo-geo'akon atulan ka' mombee'i katalangan anu madi' totu'u.

YEREMIA 32:35

Aha nombaumo mezbah-mezbah bau ponsomban Baal i Bangka'nyo nu Hinom, ka' nonsombahkonmo to ana-anak nu aha hi Pilogot Molokh. Padahan Aku madi' toho' nompalentah aha da molakukan han susumo aijo' ka' mule' madi' toho' tinolosinsumbu' i uno nu pikilan-Ku au' aitu aha timbali mombau palabuatan anu ma'idek hondo aijo' ka' nonsaduakonmo aha mian nu Yehuda da binaladosa'mo.”

YEREMIA 7:31

Sa'angu' na mezbah anu sinanggohan Tofet pinotinjomo nu aha i Bangka'nyo nu Hinom bau ponsombahkonan to ana-anak nu aha salaku koloban anu opotunu. Padahan madi' pinokaung-Ku na aha mombau han aijo' pakalaus mule' madi' toho' tinonginau' na anu sumo aijo' i uno nu pikilan-Ku.

YEHEZKIEL 20:31

Ka' mule' sampe sinaa uuka aiya belemiu suele ahi' mohumimi'i butong nu belemiu momomboamo palasombahan ka' mompapuimo to ana-anak nu belemiu salaku koloban hi to pilo-pilogot. Lantas daagi' mule' ahi' na belemiu momoita mae pokinde' hi beleng-Ku? Atas sanggong-Ku, Tumpu anu tumuu', Tumpu Anu Matangkas na Kuasanyo, belemiu madi'mo Ku pobee' momoita mae pokinde' hi beleng-Ku.

YEHEZKIEL 23:27

Sumo aijo' na Aku mompobelenti napisu tala-talalo majota hi mo'ane ka' iwi-iwi' na palabuatan masala' bibinaumo nu beleyum tempo'nyo daagi' kiijo' mae i Mesir. Beleyum madi'mo daagi' taha'iman hi pilogot maumo pa' pilogot anu mosia, kabai tonginau' i Mesir.”

IMAMAT 18:21

Boli mombee' sala' samian na anak nu beleyum bau koloban ponsombah pilogot Molok, kalana palabuatan anu sumo aijo' mongambangimo sanggo nu Tumpu Allah, Tumpu nu belemiu.

IMAMAT 18:3

Boli montiho apaa na anu binaumo nu aha mian Mesir, tampat anu toho'mo jinojoongan nu belemiu, kabai mian nu Kana'an anu pomboan-Kumo uuka aiya belemiu.

IMAMAT 20:2

da mompoto'i han aiya hi aha bansa Israel, “Toto samian anu atina' hi belemiu kabai mian anu lengkat mae i salipu'an anu jojoongmo tataap atina' hi belemiu, anu mongkolobanakon anaknyo hi Molokh, tionyo ahi' opahambunu'akon nu batu, nu mian da'isan sampe mate.

MIKHA 6:7

Pa' Tumpu sanang ahi' de kita momboa hi Ia momada-madala na domba kabai molabi-labi na lanya' nu zaitun? Pa' tionyo ahi' na kita monsombahkon hi Ia anakto anu tumpenyo salaku bau pontobus iwi-iwi' na dosa'to?

PO'ULE' INGULIT 12:30

De bansa haha aijo' opateimo obala'ingati boli mule' belemiu montiho aha monsombah to pilo-pilogot sangga'at kalana kalakuan aijo' mompotoka balaa'.

PO'ULE' INGULIT 12:4

De belemiu monsombahmo Tumpu Allah nu belemiu boli montiho susumo apaa na anu nubau nu mian haha aijo' monsombah to pilo-pilogot nu aha.

PO'ULE' INGULIT 20:18

Opatei na aha da aha madi' monsaduakon belemiu baladosa' hi Tumpu Allah nu belemiu, kalana aha mompogulu'mo belemiu mombau kalakuan anu ma'idek hi pilogot nu aha.

PO'ULE' INGULIT 9:4

Noko laa' aha na Tumpu Allah nu belemiu, kalana monsangaja'i belemiu boli monsangka belemiu Nu boamo mokiijo' da mongalamo tano' aijo' kalana belemiu ma'ima' ka' nombaumo pongka'oho' nu Tumpu Allah miu, sahingga pantas na montalima. Totu-totu'u madi'! Tumpu nolaa'mo bansa haha aijo' kalana monsangaja'i belemiu, kalana aha ma'idek na gau'nyo. Tumpu nompobee'mo belemiu mongala tano' nu aha, kalana Ia ka'oho' mongganapi janji-Nyo hi mompolee' miu i Abraham, i Ishak ka' i Yakub.