PO'ULE' INGULIT 12:30 - KITAB NU TUMPU ALLA LELE MA'IMAI'

³⁰ De bansa haha aijo' opateimo obala'ingati boli mule' belemiu montiho aha monsombah to pilo-pilogot sangga'at kalana kalakuan aijo' mompotoka balaa'.

PO'ULE' INGULIT 12:30 ပူးပေါင်းရင်းမြစ်များ

2 TOMU-TOMUNDO' 16:10

Tempo'nyo i Tomundo' Ahas nambamo i Damsyik da singkabot tiba i tomundo' Tiglat-Pileser, ia nontoamo mezbah i kota' aijo'. Lantas pinakatunyomo na sonto' hi Imam Uzia kiijo' mae i Yerusalem ka' suele sukatannyo nu mezbah aijo' anu tionyo ahi' otiho totu-totu'u toto sa'angu' na sonto'nyo.

2 TOMU-TOMUNDO' 17:15

Israel ka' Yehuda madi' mongka'oho' montuluti iwi-iwi' na palentah nu Tumpu ka' madi' montuluti palajanjian anu binauNyomo tiba mompolee' nu aha. Aha madi' montapali to poki-pokinde'Nyo, panyo ola ahi' monsombah to pilo-pilogot anu madi' ko gunanyo, sahingga aha suele madi'mo ko gunanyo. Aha nombatukimo sonto' apaa na anu nu bau nu to bansa-bansa anu mompaha ohani aha, mau mule' Tumpu nontewa'mo.

NOSABATMO 23:24

Boli monsombah patong anu monjagai aha ka' boli montiho mosia na aha monsombah. Idei na patong haha aijo' anu monjagai aha ka' hobo'akon na ohi' batu haha aijo' anu nupake nu aha monsombah.

YEREMIA 10:2

Ia notatae, “Bolimo mombau kabiasa'an nu to bansa-bansa sangga'at ka' boli tolokengkeng na montoa tanda-tanda aita' ilangit anu nunu kabuhuk nu bansa haha aijo'.

YEHEZKIEL 11:12

Sahingga nu sumbu'je nu belemiu taalu' Akumo ahi' na Tumpu, ka'belemiu Ku hukumo kalana nolanggaimo iwi-iwi na atulan-Ku ka' madi'mo nontuluti iwi-iwi' na palentah-ngKu panyo nontulutimo iwi-iwi na atulan nu bansa-bansa anu mompaha ohani belemiu.”

YEHEZKIEL 20:28

Aku nombomo mae aha itano' anu jinanji'-Kumo hi aha. Salatan aha nontoamo puge'nyo haha aita' anu toto tangka-tangkas ka' mule' kau' anu toto tambo-tambok na honnyo aha nomsombahkonmo koloban itampat haha aijo'. Aha nonsaduakonmo da Aku notambuha' kalana koloban-koloban anu opotunu ka' mule' aha nonsombahkonmo anggur nu aha.

YEHEZKIEL 20:32

Belemiu kahanda' mongkakanai bansa-bansa sangga'at ka' mule' mian anu jojoong ilipu' sangga'at anu monsombah kau' tiba batu. Panyo apaan anu nu kahanda'i nu belemiu atina' madi' nu humpak nu belemiu'.’ ”

IMAMAT 18:3

Boli montiho apaa na anu binaumo nu aha mian Mesir, tampat anu toho'mo jinojoongan nu belemiu, kabai mian nu Kana'an anu pomboan-Kumo uuka aiya belemiu.

IMAMAT 18:30

Sahingga Tumpu notataemo, “Otuluti na atulan haha aiya anu Ku bee' ka' boli montiho palabuatan nu to mia-mian anu monjojoongi tano' nu Kana'an ma'isa pe'e kino belemiunyo. Boli oposi humimi'i na butong nu belemiu nu palabuatan haha aijo'. Akumo na Tumpu Allah nu belemiu.”

NOMBILANGMO 33:52

belemiu tionyo ahi' molaa' iwi-iwi' na anu jojoong i lipu' aijo'. O idei iwi-iwi' na bapilogotan nu aha, anu batu na binau, ka' tambaga ka' mule' tampat bau ponsomban nu aha.

ROMA 12:2

Boli mombatuki sonto' nu dunia aiya. Bee' da nupotimbali nu Tumpu na butongum timbali bu'ou, da komiu mongabali'. Tiba jalan aijo' yo komiu moko ala monsumbu' pongka'oho' nu Tumpu Allah – aijo'mo apaa na anu ma'ima' tiba anu momposanang kinyonyoa-Nyo ka' anu talakana'.

EFESUS 4:17

Mokonyo aijo' tiba sanggo nu Tumpu, aiyamo na anu ka'oho' kutaloakon ka' kupokeman: bolimo daagi' tumuu' sumo to mia-mian anu madi' monsumbu' Tumpu, ka' mompopikilakon anu madi' mingkaliangan.

PO'ULE' INGULIT 11:16

Boli belemiu mongka'oho' opojo'on hi Tumpu da monsombahmo ka' palesayamo hi to pilo-pilogot sangga'at.

PO'ULE' INGULIT 12:29

“Tumpu Allah nu belemiu mompateimo bansa haha aijo' anu jojoong i lipu' aijo', sahingga belemiu timbalimo monjojoongi ka' mongkuasai.

PO'ULE' INGULIT 12:31

Mosia na bansa haha aijo' monsombah to pilo-pilogot nu aha, boli otiho nu belemiu, na aijo' sahingga belemiu mombaumo sumo aijo' na monsombah Tumpu Allah nu belemiu, kalana de aha monsombahmo saba' mombaumo palabuatan anu toto ide-idek anu nunuka'ideki nu Tumpu. To ana-anak pe'e nu aha nopotunu nu aha i mezbah salaku bau koloban hi to pilo-pilogot nu aha.

PO'ULE' INGULIT 18:9

“De belemiu ninsoopmo i lipu' anu binee'mo nu Tumpu Allah nu belemiu hi belemiu, boli montiho' bauon anu toto ma'i-ma'idek na nubau nu to bansa-bansa ikiijo'.

PO'ULE' INGULIT 20:18

Opatei na aha da aha madi' monsaduakon belemiu baladosa' hi Tumpu Allah nu belemiu, kalana aha mompogulu'mo belemiu mombau kalakuan anu ma'idek hi pilogot nu aha.

PO'ULE' INGULIT 7:16

Batu-batu bansa anu nubee'mo nu Tumpu Allah nu belemiu da okuasaimo nu belemiu tionyo ahi' opateimo nu belemiu; boli mompotoa kalibosan hi aha. Boli monsombah to pilo-pilogot nu aha, kalana kalakuan anu sumo aijo' mompotoka mae balaa' hi belemiu.