PO'ULE' INGULIT 12:26 - KITAB NU TUMPU ALLA LELE MA'IMAI'

²⁶ Iwi-iwi' na koloban ka' palasombahan anu jinanji'mo nu belemiu hi Tumpu, tionyo ahi' oboa nu belemiu i tampat anu pinile'anmo nu Tumpu.

PO'ULE' INGULIT 12:26 ပူးပေါင်းရင်းမြစ်များ

KAJADIAN 28:20

Lantas i Yakub binasumpa'mo, “De Belento Tumpu montulungi ka' monjagai mae aku i lumambanan aiya ka' mombee'i mae aku anu okaan ka' pakean,

NOMBILANGMO 18:19

Sampe toka sidu-sidutu', iwi-iwi' na palasombahan anu samata-mata binoamo nu aha mian Israel hi beleng-Ku, Ku bee'mo hi beleyum ka' hi to ana-anak nu beleyum to momo'ane ka' to bou-boune. Atulan aijo' opake sampe toka sidu-sidutu' ka' baumo pompokododo palajanjian anu sabole-bole obaunto tiba lee' nu belemiu.”

PO'ULE' INGULIT 12:11

Lapas aijo' Tumpu Allah nu belemiu mompile'imo sa'angu' na tampat da tionyo ahi' ponsomban Ia. Ikiijo' na tionyo ahi' kalambanan nu belemiu momboa iwi-iwi' apaa na anu pinalentahkonmo, aijo'mo koloban anu opotunu ka' to kolo-koloban sangga'at, palasombahan sambagian anu o ala i anu sampulu' na bagian ka' palasombahan bau samata-mata bagi nu Tumpu anu jinanji'mo miu.

PO'ULE' INGULIT 12:21

Kalana tampat anu pinile'anmo nu Tumpu Allah nu belemiu, talalo majo'on lengkat i tampat nu belemiu, belemiu timbali mongkolot sa'angu' na sapi', domba kabai mee' anu binee'mo nu Tumpu hi belemiu, ka' okaan na antoknyo i tampat nu belemiu yayamo pa' iya na anu oka'ima'i nu belemiu, susumo anu pinoto'ingkumo hi belemiu.

PO'ULE' INGULIT 12:6

I tampatmo aijo' na tionyo ahi' pomboan nu belemiu to kolo-koloban anu opotunu ka' to kolo-koloban sangga'at, anu osombahkon nu belemiu sambagian o ala i anu sampulu' na bagian tiba iwi-iwi' na anu osombahkon sangga'at, koloban bau pombayan anu jinanji'mo nu belemiu, koloban kasanangan nu kinyonyoa miu ka' anak nu sapi' ka' mee' ka' domba nu belemiu anu momona pino'anaknyo.