PO'ULE' INGULIT 12:25 - KITAB NU TUMPU ALLA LELE MA'IMAI'

²⁵ De otuluti nu belemiu na palentah aijo' Tumpu sanangmo ka' belemiu tiba lee' nu belemiu mohumpakmo ka'ima'an.

PO'ULE' INGULIT 12:25 ပူးပေါင်းရင်းမြစ်များ

1 TOMU-TOMUNDO' 11:38

De beleyum montiho susumo posaihon-Ku i Daud tulu-tulutan hondo hi beleng-Ku ka' mule' mombatuki iwi-iwi' na atulan-Ku ka' mule' momposanang kinyonyoang-Ku ka' mule' montuluti iwi-iwi' na anu Ku palentahkon hi beleyum, saba' beleyum saja' Ku toa ka' Ku jagai. Ku potimbalimo tomundo' na beleyum hi aha Israel. Sabole-bole lee' nu beleyum na Ku potimbali tomundo' nu aha Israel mombolosakon beleyum susumo anu binaung-Kumo hi Daud.

MAZMUR 112:2

To ana-anaknyo na mongkuasaije lipu' aiya, lee' nu mian anu manonong obalakati.

NOSABATMO 15:26

Tumpu nompoto'imo, “Tuluti na Aku totu-totu'u, ka' obau apaa na anu koong-Ku ma'ima', obau na aijo', tuluti iwi-iwi' na palentah-ngKu. De aijo' obau nu belemiu, belemiu madi' Ku hukum nu to panya-panyakit anu Ku pokona hi mian nu Mesir. Akumo na Tumpu anu nompo'alinmo belemiu.”

ANU MOMPOLELE POTATAE NU TUMPU 2:26

Tumpu na mombee'i kapandean bapikin, tiba pangatahuan, ka' mule' kabilahian hi mian anu momposanang kinyonyoa-Nyo. Panyo mian anu baladosa' pinalentah-Nyo mokalaja molio lezeki ka' mule' montambun hasinnyo da obee' hi mian anu momposanang kinyonyoa nu Tumpu. Jadi iwi-iwi' aijo' madi' ko gunanyo ola ahi' susumo mompagala mololoi' mombun.

ANU MOMPOLELE POTATAE NU TUMPU 8:12

Mau sa'atumo na palabuatan ma'idek binau nu mian baladosa', ia tataap tumuu' ka' mantan na umunnyo. De ihe na tulu-tulutan hi Tumpu Allah tantu kantumuu'annyo madi' susa'.

YESAYA 3:10

Tumpu notatae, “Poto'i hi mian anu tulu-tulutan hi beleng-Ku, saba aha mohumpakmo kantumuu'an ma'ima' ka' salamatmo. Nu lasaimo nu aha na lawe nu pakalaja'an nu aha.

YEHEZKIEL 33:25

Kalana aijo' Tumpu Anu Matangkas na Kuasanyo nompalentahmo mae aku da mompotokakon potuunon-Nyo aiya hi aha, “Belemiu mongkaan antok nu binatang anu daagi' ko baso'nyo; belemiu monsombah pilogot ka' mompatei. Baani hondo na belemiu mongakui tano' aiya belemiumo na tumpunyo.

PO'ULE' INGULIT 12:24

Baso'nyo madi' timbali okaan, panyo tionyo ahi' obubusakon i tano' susumo uee.

PO'ULE' INGULIT 12:28

Opalahatikan ima-ima' iwi-iwi' apaa na anu pinalentahkonkumo hi belemiu sahingga belemiu mombaumo anu ma'ima' ka' nusitujui nu Tumpu Allah nu belemiu sahingga belemiu ka' lee' miu mohumpak kasalamatan ka' ka'ima'an sampe toka sidu-sidutu'.”

PO'ULE' INGULIT 13:18

asan belemiu montuluti totu-totu'u iwi-iwi' na palentah-Nyo anu pinotokakonkumo hi belemiu sinaa aiya, ka' mombau iwi-iwi' apaa na anu Nu ka'ima'i.”

PO'ULE' INGULIT 21:9

Jadi kalana nombaumo apaa na anu pinoitamo nu Tumpu, belemiu madi'mo montanggungi kasala'an nu mian anu nompateimo aijo'.”

PO'ULE' INGULIT 4:40

Tuluti iwi-iwi' na atulan anu ku bee' sinaa aiya hi belemiu, da belemiu ka' lee' nu belemiu mohumpak kabilahian ka' motuus na tumuu' i lipu' anu binee'mo nu Tumpu Allah nu belemiu da belemiu na tumpunyo sampe toka sidu-sidutu'.”

PO'ULE' INGULIT 5:16

O'adati ka' opalakai na tuuma ka' tina nu belemiu, aijo'mo na palentah-ngKu, Tumpu Allah nu belemiu, da belemiu mohumpak ka'ima'an ka' mantan na umun i lipu' anu Ku bee'mo hi belemiu.

PO'ULE' INGULIT 5:33

Bau iwi-iwi' apaa na anu pinalentahkonmo nu Tumpu Allah nu belemiu hi belemiu da belemiu mohumpak ka'ima'an ka' moko ala tataap i lipu' anu saidi' mae o jojoongimo nu belemiu.”

PO'ULE' INGULIT 6:18

Obau apaa anu koonyo nu Tumpu ma'ima' ka' adin, sahingga belemiu mohumpak ka'ima'an. Tano' anu ma'omuk anu jinanji'mo nu Tumpu hi mompolee' nu belemiu timbalimo anu nu belemiu,