PO'ULE' INGULIT 12:20 - KITAB NU TUMPU ALLA LELE MA'IMAI'

²⁰ Salatan Tumpu Allah nu belemiu nompo'ewamo potempasan nu lipu' miu susumo anu jinanji'-Nyomo belemiu timbalimo mongkaan antoknyo nu binatang yayamo apaa na anu oka'ima'i nu belemiu.

PO'ULE' INGULIT 12:20 ပူးပေါင်းရင်းမြစ်များ

KAJADIAN 28:14

Lee' nu beleyum timbalimo susumo abu' i tano' na konjoo'nyo. Aha mompaka pobolamo da'erah nu aha toka-toka iyaya mae, ka' lengkat mae hi beleyum ka' lee' nu beleyum Ku balakatimo na bansa iwi-iwi' i dunia aiya.

KAJADIAN 31:30

Ku sumbu' na beleyum nambamo mae, aijo' kalana mongka'oho'mo minsusule' mae, panyo kadaka' beleyum nontomangmo mae patong anu bau ponjagai kami salaigan?”

2 SAMUEL 13:39

panyo salatan i Daud madi'mo sinusa' na kinyonyoanyo, ia daagi ahi' saja' nonginau i Absalom.

2 SAMUEL 23:15

I Daud lewa'mo nontutugi kampung kinahampeannyo ka' nompoto'imo, “Ah de aku opo inumi pe'e mae uee anu kiijo' i bubung koko sabatan daka' nu kota' Betlehem!”

1 TAWARIKH 4:10

Panyo i Yabes binalado'amo hi Tumpu Allah anu osombah nu mian Israel, ia notatae “O Tumpu Allah, balakatiakon mae de timbali na aku ka' podaka'akon mae na da'erah-ngKu. Jagaiakon mae na aku, ka' pojo'onakon mae na balaa' da aku madi' sansala.” Ka' anu pinoitanyomo aijo', tinalimamo nu Tumpu Allah.

MAZMUR 107:9

Kalana Ia nompopuasmo mian anu i negotmo, ka' nombee'i molabi-labi mian anu no'ohopmo nu iwi-iwi' na anu ma'ima'.

MAZMUR 119:174

Kinyonyoangku mongindimo kasalamatan lengkat mae hi Belento, atulan nu Belento nompolame'mo kinyonyoangku.

MAZMUR 119:20

Madi'mo sinanang na kinyonyoangku kalana nolibosmo aku kahanda' monsumbu' atulan nu Belento sansina-sinaa.

MAZMUR 119:40

Bee'iakon mae na aku kantumuu'an anu bu'ou kalana Belento adin, aku kokahanda' montuluti iwi-iwi' na anu pinutusanmo nu Belento.

MAZMUR 63:1

Mazmur i Daud, tempo'nyo ia kiijo' mae i tampat anu mateges hondo i tano' Yehuda.

MAZMUR 84:2

Ma'ima' ka' momposanang hondo kinyonyoa na kajojoongan nu Belento, o, Tumpu Anu Daka' na Kuasanyo!

NOSABATMO 23:31

Potempasan nu lipu' nu belemiu Ku potataapje lengkat mae i Luoknyo nu Akaba toka-toka i Kaunyo nu Efrat, ka' lengkat mae i Ambai anu i totonga'nyo toka-toka i padang bola. Belemiu Ku bee'imo kuasa mompalentah mian anu jojoong i lipu' aijo', sahingga aha olaa'mo nu belemiu salatan belemiu mambamo mompo'ago tano' aijo'.

NOSABATMO 34:24

De Ku laa'mo na to bansa-bansa madi'mo ko anu atina' hi belemiu ka' Ku po'ewamo na da'erah kajojoongan nu belemiu, madi'mo ko samian pe'e na anu baani mompo'ago lipu' nu belemiu de belemiu mambamo molame'akon Bau-bauon nu Roti Anu Madi' ko Raginyo, Bau-bauon Pompadakan, ka' Bau-bauon nu Tahop anu O'atopi nu Hon nu kau'.

NOMBILANGMO 11:20

panyo sampe toka sambitu'on na kopinnyo nu belemiu mongkaan sampe belemiu masakit ka' talua-lua'mo kalana kaanon aijo'. Han aijo' jadi kalana belemiu madi'mo nongakui Tumpu anu atina' hi belemiu. Ka' mule' belemiu i humangmo i ahop-Nyo ka' nososonmo kalana belemiu nompala'imo mae lipu' nu Mesir.”

NOMBILANGMO 11:34

Sahingga tampat aijo' sinanggohanmo “Kubulan Mangaluk”, kalana ikiijo'mo na pinongkubulan to mia-mian anu i natemo kalana mangaluk.

NOMBILANGMO 11:4

Aha namba na mian nu Israel haha aijo', daagi' ko to mia-mian anu lengkat mae i Salipu'an na nombatuki. Aha aijo' mongkahanda'i hondo mongkaan ponoka', ka' mian nu Israel suele nontampu'unimo nososon. Aha notatae, “Yoh, soba pa' ko ponoha' hi kita!

2 KORINTUS 9:14

Jadi aha mondo'akonje komiu kalana kinyonyoa nu aha mongoa'i molibos kalana Tumpu talalo manonong hi komiu.

PO'ULE' INGULIT 11:24

Batu-batu da'erah anu olajangi nu belemiu, timbalimo anu miu. Da'erah nu belemiu lengkat pe'e mae i padang bola i sasu selatan toka-toka i Bungkutnyo nu Libanon i sasu utara ka' lengkat mae i Kaunyo nu Efrat i sasu kabete'an toka-toka i Ambai anu Totonga'nyo i sasu kinsoban.

PO'ULE' INGULIT 12:15

Panyo belemiu bebas na mongkolot potuu'on nu belemiu ka' mongkaan antoknyo mau mule' pa' iya mae na kajojoongan nu belemiu. Belemiu timbali mongkaan yayamo na konjoo'nyo, na anu nubee' nu Tumpu Allah nu belemiu hi belemiu. Batu-batu mian mau anu belesi' kabai anu mahumimi' timbali mongkaan antoknyo aijo', sumo antoknyo nu kijang kabai jonga timbali okaan nu belemiu.

PO'ULE' INGULIT 12:21

Kalana tampat anu pinile'anmo nu Tumpu Allah nu belemiu, talalo majo'on lengkat i tampat nu belemiu, belemiu timbali mongkolot sa'angu' na sapi', domba kabai mee' anu binee'mo nu Tumpu hi belemiu, ka' okaan na antoknyo i tampat nu belemiu yayamo pa' iya na anu oka'ima'i nu belemiu, susumo anu pinoto'ingkumo hi belemiu.

PO'ULE' INGULIT 19:8

De Tumpu Allah nu belemiu mompaka po'ewamo da'erah miu susumo anu jinanji'-Nyomo hi mompolee' nu belemiu, ka' iwi-iwi' na lipu' aijo' obee'mo hi belemiu,

FILIPI 1:8

Tumpu na monsumbu', saba' aku totu-totu'u molibos hondo hi komiu, kalana kalibosan anu tahahumo lengkat mae hi Kristus Yesus.

FILIPI 2:26

Ia molibos hondo hi komiu to Utu-utus iwi-iwi', ka' sinusa'mo na kinyonyoanyo kalana komiu nohongomo lele ia masakit.