PO'ULE' INGULIT 12:2 - KITAB NU TUMPU ALLA LELE MA'IMAI'

² De belemiu ninsoopmo i lipu' aijo' belemiu tionyo ahi' mongidei tampa-tampat ponsomban aita' i bungkutnyo anu to tangka-tangkas ka' i puge'nyo iwi-iwi' ka' i patu nu kau' anu toto hohopo' na honnyo, tampat nu bansa anu jojoong ikiijo' monsombah to pilo-pilogot nu aha.

PO'ULE' INGULIT 12:2 ပူးပေါင်းရင်းမြစ်များ

1 TOMU-TOMUNDO' 14:23

Aita ito bungku-bungkutnyo tiba i patu nu kau' anu toto daka-daka' aha nombaumo tampat ponsomban pilogot ka' lewa'mo nompotinjo batu toto tangka-tangkas' to pato-patong nu pilogot boune Asyera da osombah.

1 TOMU-TOMUNDO' 3:2

Kalana ma'isa binau na laigan nu Tumpu tempo'nyo aitu mian da'isan daagi' monsombahkon koloban iayaya mae na tampat.

2 TOMU-TOMUNDO' 11:18

Lapas aitu mian da'isan nontumbuhimo ka' nongideimo kuil nu Baal. Mezbah tiba patong haha aijo' ingideanmo nu aha ka' i Matan, imam Baal pinateanmo nu aha i ahop nu Mezbah haha aijo'. I Yoyada nompalentahmo suludadu anu monjaga da monjagai Laigan nu Tumpu,

2 TOMU-TOMUNDO' 16:4

I Ahas nonsombahkonmo koloban ka' nompapuimo kamangian i tampat haha aijo' anu lewa' ponsomban pilogot i bungkutnyo ka' i patu nu kau' anu toto tambo-tambok na honnyo.

2 TOMU-TOMUNDO' 23:13

Ka' suele mezbah haha aijo' anu i sasu kabete'an Yerusalem, i sasu salatan Bungkutnyo nu Ka'idekan i humimi'anmo. Mezbah haha aijo' binau i Tomundo' Salomo bau ponsomban to pilo-pilogot anu mahumimi' – aijo'mo Asytoret pilogot boune bansa Sidon, Kamos pilogot nu bansa Moab, tiba Milkom pilogot nu bansa Amon.

MAZMUR 78:58

Aha madi'mo nohongo-hongo Tumpu Allah, tandanyo aijo'mo aha nombaumo tampat ponsomban pilogot, ka' ia madi'mo sinanang hi aha kalana patong nu aha haha aijo'.

NOSABATMO 23:24

Boli monsombah patong anu monjagai aha ka' boli montiho mosia na aha monsombah. Idei na patong haha aijo' anu monjagai aha ka' hobo'akon na ohi' batu haha aijo' anu nupake nu aha monsombah.

YESAYA 36:7

Suludadu nu Asyur mata-matangkas na pangkatnyo aijo' notatae mule', “Kabai ugaat belemiu notataemo, koonyo nu belemiu, belemiu montaha'imani Tumpu nu belemiu? Tempo'nyo i Hizkia nompalentahmo da aha mian nu Yehuda tiba aha mian nu Yerusalem ola ahi' monsombah Tumpu i, ahop nu mezbah anu daagi i Yerusalem, temisa' anu ingideannyo aijo' mezbah ahi' tiba iwi-iwi na tampat ponsomban Tumpu?

YEREMIA 17:2

Belemiu mian monsombah aijo' i mezbah-mezbah tiba ohii' nu bapilogotan anu pinotinjomo ponsomban Pilogot boune Asyera itoto sa'angu' na kau' anu tambok na honnyo, ka' mule' aita' mae ibawo nu puge'nyo iwi-iwi',

YEREMIA 2:20

Tumpu notatae, “Pininmo na beleyum madi'mo nongka'oho' nohongo-hongo Aku; madi'mo mongka'oho' mo tuluti kabai monsombah Aku. Aita' mae itoto sa'angu' na puge'nyo anu matunjo, ka' akaong i patuunyo nu toto sangkau na kau' anu tambok na honnyo beleyum monsombahmo to pilo-pilogot anu mombee'i kalumba'an.

YEREMIA 3:13

Akuimo taalu' beleyum sinala'mo ka' notomuhukmo hi Tumpu, Tumpu Allah nu belemiu. Akuimo taalu' ipatuu nu kau' toto sangkau anu honnyo tambok beleyum talalomo hondo nongka'ima'i to pilo-pilogot nu bansa sangga'at ka' madi'mo nontuluti sinin na palentahng-Ku. Aku, Tumpu notataemo.”

YEREMIA 3:2

Soba tanggalakon mokiita' ibawo nu to puge-puge'nyo! Tampat iya na anu ma'isa toho' kinalambanan nu beleyum nasala'? Susumo aha mian nu Arab ipadang tampat anu mateges, sumo aijo'mo na beleyum sumuhang isohipi' nu jalan montanda'i mian anu kahanda' bakusinta. Beleyum nohenyuimo lipu' aiya nu palabuatan masala' tiba palabuatan nu beleyum ma'i-ma'idek.

YEREMIA 3:6

Tempo'nyo i Tomundo' Yosia nompalentah, Tumpu notataemo mae hi belengku sumo uuka; “Pa' tinoamo nu beleyum apaa na anu binaumo nu aha Israel, boune anu madi' tulu-tulutan aijo'? Ia nompala'imo Aku ka' nombaumo palabuatan masala' aita' mae itoto sa'angu' na puge'nyo anu matunjo ka' mule' ipatuu nu kau toto sangkau anu tambok na honnyo.

HOSEA 4:13

I tampat-tampat ponsomban pilogot i puge'nyo ka' i bungkutnyo belemiu nonsombahkonmo koloban ka' nompapuimo kamangian i patu nu to kau-kau' anu daka' ka' hoopi' nahonnyo kalana ikiijo mae tampat anu koongon. Panyo apaa na ka'ahenannyo? To lalangkoyang nu belemiu nasala'mo, ka' to moni-monian nu belemiu boune nasala'mo!

NOMBILANGMO 22:41

Dodododopnyo i Balak nomboamo i Bileam nindako i bungkutnyo nu Bamot Baal. Kiita' mae i Bileam nontanggalakonmo sambahagian na bansa Israel.

PO'ULE' INGULIT 7:5

Kalana aijo', hobo'akon na mezbah nu bansa haha aijo' anu nupalesaya nu aha ko balakatnyo, tua'akon na anu bau pontandai Asyera, ka' opapui na to pato-patong bapilogotan anu nusombah nu aha.

TO MIA-MIAN KOPIAN 2:2

Kalana aijo' boli belemiu mobela' tiba tumpu nu lipu' i aiya. Mezbah nu aha haha aijo' tionyo ahi' o idei nu belemiu.' Panyo belemiu madi' nombau apaa na anu pinalentahkon-Kumo aijo'. Ola mule' ahi' belemiu nombaumo anu madi' pinalentahkon!