PO'ULE' INGULIT 12:13 - KITAB NU TUMPU ALLA LELE MA'IMAI'

¹³ Belemiu madi' timbali monsombahkon koloban nu belemiu iyayamo na tampat anu oposi pile'i nu belemiu,

PO'ULE' INGULIT 12:13 ပူးပေါင်းရင်းမြစ်များ

1 TOMU-TOMUNDO' 15:34

Pokakana susumo i Tomundo' Yerobeam anu nompalentah ma'isa pe'e kino ianyo, i Tomundo' Baesa suele binaladosa'mo hi Tumpu ka' nonsaduakonmo mian nu Israel suele nombaumo dosa'.

1 TOMU-TOMUNDO' 3:2

Kalana ma'isa binau na laigan nu Tumpu tempo'nyo aitu mian da'isan daagi' monsombahkon koloban iayaya mae na tampat.

2 TAWARIKH 15:17

Maumo madi' ingko-ingkot na tampat ponsomban pilogot i lipu' aijo' ingidean i Asa, panyo ia tataap tinulu-tulutanmo hi Tumpu i uno nu kantumuu'annyo.

PO'ULE' INGULIT 12:11

Lapas aijo' Tumpu Allah nu belemiu mompile'imo sa'angu' na tampat da tionyo ahi' ponsomban Ia. Ikiijo' na tionyo ahi' kalambanan nu belemiu momboa iwi-iwi' apaa na anu pinalentahkonmo, aijo'mo koloban anu opotunu ka' to kolo-koloban sangga'at, palasombahan sambagian anu o ala i anu sampulu' na bagian ka' palasombahan bau samata-mata bagi nu Tumpu anu jinanji'mo miu.

PO'ULE' INGULIT 12:14

panyo ola i tampat anu pinile'anmo nu Tumpu i da'erah nu sala'sa'angu' na tulunan nu bansa miu. Ola ikiijo' na belemiu tionyo ahi monsombahkon koloban anu opotunu ka' pombauan han sangga'at anu ku palentahkon hi belemiu.

PO'ULE' INGULIT 12:5

Songko-songko na da'erah nu to tulu-tulunan nu aha Israel Tumpu Allah nu belemiu mompile'ije sa'angu' na tampat da bansanto moko ala toka i ahop-Nyo ka' monsombah Ia.

PO'ULE' INGULIT 12:6

I tampatmo aijo' na tionyo ahi' pomboan nu belemiu to kolo-koloban anu opotunu ka' to kolo-koloban sangga'at, anu osombahkon nu belemiu sambagian o ala i anu sampulu' na bagian tiba iwi-iwi' na anu osombahkon sangga'at, koloban bau pombayan anu jinanji'mo nu belemiu, koloban kasanangan nu kinyonyoa miu ka' anak nu sapi' ka' mee' ka' domba nu belemiu anu momona pino'anaknyo.

YOSUA 22:15

Sahingga tinokamo na aha kiijo' i kajojoongan nu tulunan nu bansa Ruben, Gad tiba tulunan nu bansa Manasye i da'erah Gilead.

YOSUA 22:29

Boli obata-batai kami madi' mongka'oho' panggaga hi Tumpu kabai madi'mo palesaya hi Ia, kalana nompaka baumo mezbah sangga'at ponsombahkonan koloban anu opotunu kabai koloban gandum, kabai apa-apaa na anu osombahkon, padahan kita daagi'mo ko mezbah nu Tumpu Allah i ahop nu Kemah anu Bau Katokaan nu Tumpu.”