PO'ULE' INGULIT 12:12 - KITAB NU TUMPU ALLA LELE MA'IMAI'

¹² Okalame'i i ahop nu Tumpu Allah nu belemiu, hingga-hinggat tiba to ana-anak nu belemiu, to posa-posaihon nu belemiu ka' to mia-mian nu aha Lewi anu jojoong i iwi-iwi' na kota nu belemiu, kalana mian nu aha Lewi madi' binagian tano' i lipu' nu belemiu.

PO'ULE' INGULIT 12:12 ပူးပေါင်းရင်းမြစ်များ

1 TOMU-TOMUNDO' 8:66

I sinaa kino alunnyomo i Salomo nompalentahmo mian haha aijo' da minsusule'mo i laigan nu aha, kinyonyoa nu aha i lame'mo, kalana iwi-iwi' na balakat anu binee'mo nu Tumpu hi posaihon-Nyo i Daud ka' hi bansa Israel mian anu pinalesayamo hi Ia.

2 TAWARIKH 29:36

Sahingga sinanangmo na kinyonyoa i Tomundo Hizkia tiba miannyo anu nu palentah kalana madi' pinin Tumpu Allah nontulungimo aha sahingga noko alamo nombau iwi-iwi' aijo'.

NEHEMIA 8:9

Nohongo Atulan anu binasa'mo aijo' mian da'isan tinongkolibosonmo, lantas i humangmo sahingga i gubernur Nehemia ka' i Imam Ezra anu pande hondo i Atulan aijo', ka' aha mian nu Lewi haha aijo' anu nontutuhakonmo Atulan aijo', nompoto'imo hi mian da'isan iwi-iwi' sumo uuka na koonyo nu aha, “Sinaa aiya sinaa anu tinantukanmo nu belemiu hi Tumpu Allah, jadi bolimo talalo tongkoliboson ka' humang.

MAZMUR 147:1

Opuji' na Tumpu! Kalana lebe ma'ima' mompuji' Ia, ka' momposanang de monyanyiakonmo bau pompuji' ia!

IMAMAT 23:40

Sinaa momonanyo belemiu tionyo ahi' mongalamo to bua-bua' nu kau' anu talalo hondo ma'ima' i ale' nu belemiu, ka' suele to hohon nu palma ka' to panga-panga' nu kau' anu hoopo', lantas otampu'unimo na molameanakon salaku kabilahian bau pongadati Tumpu Allah nu belemiu.

NOMBILANGMO 18:20

Tumpu po'ule mule notatae hi Harun, “Belemiu madi' mohumpak pombahagian apa-apaa. I lipu' anu jinanji'-Kumo aijo' madi' ko tano' anu timbali bau bagi nu belemiu. Aku, Tumpu, na baumo bagi nu belemiu.”

NOMBILANGMO 18:26

da mompotokakon palentah aiya hi aha mian nu Lewi: De belemiu mongala hi mian nu Israel palasombahan sambagian anu o ala i sampulu' na bagian anu binee'mo nu Tumpu bau bagi nu belemiu, belemiu tionyo ahi' mombee' sambagian anu o ala i sampulu' na bagian aijo' ka' osombahkon nu belemiu samata-mata hi Tumpu.

YOHANES 13:8

“Boli, Tumpu,” na koonyo i Petrus hi Yesus, “Boli hondo-hondo kita Tumpu mombaso'i tengkengku!” Panyo i Yesus nontaami, “De Aku madi' mombaso'i beleyum, beleyum madi' mompahasumbu' tiba Aku.”

SISIKON NU TO RASUL-RASUL 8:21

Beleyum madi' ko hak mombatuki pakalaja'an mami, kalana kinyonyoaum madi' totu'u hi Tumpu.

PO'ULE' INGULIT 10:9

Kalana aijo' tulunan nu bansa Lewi madi'mo mohumpak tano' da bau pusaka' nu aha, susumo anu pinoto'imo nu Tumpu Allah nu belemiu hi aha.)

PO'ULE' INGULIT 12:18

Belemiu tiba to ana-anak nu belemiu hingga-hinggat tiba to posa-posaihon nu belemiu tiba to mia-mian nu aha Lewi anu jojoong i kota nu belemiu tionyo ahi' mongkaan palasombahan aijo' i ahop nu Tumpu Allah nu belemiu, i tampat anu pinile'anmo nu Tumpu Allah nu belemiu. Ka' i tampat aijo' tionyo ahi' belemiu mongkalame'i kalana iwi-iwi' apaa na anu binaumo nu belemiu.

PO'ULE' INGULIT 12:19

Ojaga boli sampe belemiu mompojohok aha sa'anakan mian nu Lewi mohumpak kasusa'an hau-haunyo belemiu jojoongmo i lipu' aijo'.

PO'ULE' INGULIT 12:7

Ikiijo' suele i ahop nu Tumpu Allah nu belemiu, belemiu hingga-hinggat tiba to ana-anak nu belemiu tionyo ahi' mongkaan ka' mongkalame'i usaha miu iwi-iwi' anu kino hasinnyomo kalana binalakatanmo nu Tumpu Allah nu belemiu.

PO'ULE' INGULIT 14:29

Anu okaan aijo' bagi nu aha mian nu Lewi kalana aha madi' ko tano', ka' bagi nu mian anu lengkat mae i salipu'an, anak anu madi' ko tuuma ka' tinanyo ka' to balu-balu anu jojoong i kota-kota nu belemiu. Aha timbali toka mae ka' mongala apa-apaa na anu opalalui nu aha. De belemiu mombaumo sumo aijo' saba' Tumpu Allah nu belemiu mombalakatije iwi-iwi' na anu obau nu belemiu.”

PO'ULE' INGULIT 16:11

I ahop nu Tumpu Allah nu belemiu i tampat anu pinile'an-Nyomo, belemiu tionyo ahi' bilahi hingga-hinggat tiba to ana-anak nu belemiu, to posa-posaihon nu belemiu ka' aha mian nu Lewi, mian anu lengkat mae i salipu'an, anak anu madi'mo ko tuuma ka' tinanyo, ka' to balu-balu anu jojoong i songko-songko na kota nu belemiu.

PO'ULE' INGULIT 16:14

Balasana-sanang hingga-hinggat tiba to ana-anak nu belemiu, to posa-posaihon miu, aha mian nu Lewi, mian anu lengkat mae i salipu'an, anak anu madi'mo ko tuuma ka' tinanyo ka' to balu-balu anu jojoong i songko-songko na kota nu belemiu iwi-iwi'.

PO'ULE' INGULIT 18:6

De daagi' ko mian nu Lewi anu nolengkat mae pa' i kota apaa anu daagi' i Israel tokamo mae i tampat anu pinile'anmo nu Tumpu ka' mongka'oho'mo jojoong ikiijo',

PO'ULE' INGULIT 26:11

Montalima kaseh hi Tumpu Allah nu belemiu, kalana nombee'imo anu okaan hi belemiu ka' to ana-anak nu belemiu. O'ende na aha mian nu Lewi ka' mian anu lengkat mae i salipu'an anu jojoong atina' hi belemiu da suele molame'akon susumo aijo'.

PO'ULE' INGULIT 26:12

De tokamo na taun kototolu'nyo, belemiu tionyo ahi' mombee'mo palasombahan, aijo'mo sambagian anu o ala i sampulu' na bagian na isi nu ale' nu belemiu ka' obee' hi mian nu Lewi, mian anu lengkat mae i salipu'an, to ana-anak anu madi'mo ko tuuma ka' tinanyo tiba anu balu, sahingga i kota-kota nu belemiu mohumpak kaanon anu nupalalui nu aha. De lapasmo,

PO'ULE' INGULIT 27:7

Osombahkon suele na koloban bau pompodame belemiu ka' kaanmo ikiijo' ka' balame-lame'mo i ahop nu Tumpu Allah nu belemiu.

YOSUA 13:14

Tulunan nu bansa Lewi madi' nohumpak tano' anu binagi i Musa, kalana pinoto'imo nu Tumpu hi Musa tukoo-Nyo bagi nu aha tulunan i Lewi aijo'mo iwi-iwi' na koloban anu opotunu i Mezbah anu salaku bau ponsombah Tumpu Allah nu aha Israel.

YOSUA 13:33

Panyo tulunan nu bansa Lewi madi' nohumpak tano' mau ola sangkiding hi Musa. Pinoto'i i Musa hi aha tukoonyo bagi anu obee' hi aha aijo'mo iwi-iwi' na koloban anu osombahkon hi Tumpu Allah nu aha Israel.