PO'ULE' INGULIT 12:11 - KITAB NU TUMPU ALLA LELE MA'IMAI'

¹¹ Lapas aijo' Tumpu Allah nu belemiu mompile'imo sa'angu' na tampat da tionyo ahi' ponsomban Ia. Ikiijo' na tionyo ahi' kalambanan nu belemiu momboa iwi-iwi' apaa na anu pinalentahkonmo, aijo'mo koloban anu opotunu ka' to kolo-koloban sangga'at, palasombahan sambagian anu o ala i anu sampulu' na bagian ka' palasombahan bau samata-mata bagi nu Tumpu anu jinanji'mo miu.

PO'ULE' INGULIT 12:11 ပူးပေါင်းရင်းမြစ်များ

1 TOMU-TOMUNDO' 8:13

Uuka aiya binauankumo na Belento laigan daka', anu ma'ima' hondo da bau kajojoongan nu Belento sampe toka sidu-sidutu'.”

1 TOMU-TOMUNDO' 8:29

Ku taha'imani sinaa ka' pihi Belento montoakon mae Laigan aiya anu pinile'anmo nu Belento salaku tampat ponsomban Belento. Ku taha'imani lengkat mae i kajojoongan nu Belento i Suluga' Belento mompotombihingakon mae ka' mongampuni aku ka' mian anu pinalesayamo hi Belento de kami tokamo mae i laigan aiya ka' balado'a hi Belento.

2 TOMU-TOMUNDO' 18:22

Suludadu nu Asyur anu matangkas na pangkatnyo aijo' notatae mule', “Kabai ugaat koonyo nu belemiu, belemiu montaha'imani Tumpu, Tumpu Allah nu belemiu? Tempo'nyo i Hizkia nompalentahkon da mian nu Yehuda ka' Yerusalem ola samata-mata monsombah i ahop nu mezbah kiijo' i Yerusalem, te misa anu ingideannyomo aijo'mo mezbah ka' tampat anu lewa' ponsomban Tumpu.

1 TAWARIKH 22:1

Sahingga notataemo na i Daud, “I tampatmo aiya na tionyo ahi pompopontinjoan Laigan nu Tumpu Allah. Ka' i Mezbahmo aiya na mian nu Israel tionyo ahi' monsombahkon koloban nu aha hi Tumpu.”

2 TAWARIKH 6:20

Ku taha'imani da sinaa ka' malom belento monjagai mae laigan aiya anu pinile'anmo nu Belento salaku tampat bau ponsoban belento kita Tumpu. Ku taha'imani da kiita' mae i tampat kajojoongan nu Belento i suluga' belento mohongo mae ka' mongampuni aku ka' mule' mian nu Israel, mian anu pinalesayamo hi belento aijo', de kami tokamo mae i laigan aiya, ka' balado'amo hi belento.

2 TAWARIKH 7:12

Tumpu po'ule' mule' nanintoa hi ia pihi-pihi. Tumpu notataemo hi ia, “Do'a nu beleyum i hongongkumo ka' Ku alamo na laigan aiya salaku tampat anu samata-mata bau ponsombahkonan koloban hi belengku.

EZRA 6:12

O' amalakon da Tumpu Allah anu nompile'imo Yerusalem salaku tampat bau ponsomban Ia, mompatei batu-batu tomundo kabai bansa anu baani molanggai palentah aiya, ka' mongkahanda'i mongidei Laigan nu Tumpu kiijo' i Yerusalem, Aku, i Darius nombee'mo palentah aiya. Obau na palentah aiya ma'i-ma'ima'.”

MAZMUR 100:2

Sombahmo na Tumpu ka' opolame' ahi', tokamo mae i ahopnyo ka' nyanyimo na nyanyian anu mompolame'!

MAZMUR 116:17

Aku momboamo koloban bau pontalima kaseh hi Belento, ka' mompotoka do'a hi Belento.

MAZMUR 66:13

Aku momboamo i laigan nu Belento koloban anu opotunu ka' ku ganapimo na anu jinanji'kumo hi Belento.

MAZMUR 78:68

Anu pinile'an-Nyo aijo'mo tulunan nu bansa i Yehuda, ka' Puge'nyo nu Sion anu kina'ima'an-Nyomo.

NOSABATMO 25:8

Pokau na bansa aijo' mombau sa'angu' na kemah ponsomban Aku, da Aku jojoong hi aha.

NOSABATMO 29:45

Aku jojoongmo hi aha bansa Israel ka' timbalimo Tumpu Allah nu aha.

YEREMIA 7:12

Lako'mo mamba i Silo kota' anu naipuan mae pinile'an-Kumo da bau tampat monsombah mae Aku. Soba toa apaa na nu binaung-Kumo kona hi tampat aiya kalana dosa' nu mian anu palesayamo hi beleng-Ku aha Israel.

PO'ULE' INGULIT 12:13

Belemiu madi' timbali monsombahkon koloban nu belemiu iyayamo na tampat anu oposi pile'i nu belemiu,

PO'ULE' INGULIT 12:14

panyo ola i tampat anu pinile'anmo nu Tumpu i da'erah nu sala'sa'angu' na tulunan nu bansa miu. Ola ikiijo' na belemiu tionyo ahi monsombahkon koloban anu opotunu ka' pombauan han sangga'at anu ku palentahkon hi belemiu.

PO'ULE' INGULIT 12:18

Belemiu tiba to ana-anak nu belemiu hingga-hinggat tiba to posa-posaihon nu belemiu tiba to mia-mian nu aha Lewi anu jojoong i kota nu belemiu tionyo ahi' mongkaan palasombahan aijo' i ahop nu Tumpu Allah nu belemiu, i tampat anu pinile'anmo nu Tumpu Allah nu belemiu. Ka' i tampat aijo' tionyo ahi' belemiu mongkalame'i kalana iwi-iwi' apaa na anu binaumo nu belemiu.

PO'ULE' INGULIT 12:21

Kalana tampat anu pinile'anmo nu Tumpu Allah nu belemiu, talalo majo'on lengkat i tampat nu belemiu, belemiu timbali mongkolot sa'angu' na sapi', domba kabai mee' anu binee'mo nu Tumpu hi belemiu, ka' okaan na antoknyo i tampat nu belemiu yayamo pa' iya na anu oka'ima'i nu belemiu, susumo anu pinoto'ingkumo hi belemiu.

PO'ULE' INGULIT 12:26

Iwi-iwi' na koloban ka' palasombahan anu jinanji'mo nu belemiu hi Tumpu, tionyo ahi' oboa nu belemiu i tampat anu pinile'anmo nu Tumpu.

PO'ULE' INGULIT 12:5

Songko-songko na da'erah nu to tulu-tulunan nu aha Israel Tumpu Allah nu belemiu mompile'ije sa'angu' na tampat da bansanto moko ala toka i ahop-Nyo ka' monsombah Ia.

PO'ULE' INGULIT 14:23

I Ahop nu Tumpu Allah nu belemiu i tampat anu pinile'an-Nyomo bau tampat ponsomban nu belemiu na tionyo ahi' pongkaanan nu belemiu palasombahan anu sampulu' na bagian aijo' sambagian na o ala na gandum, anggur, lanya' nu zaitun tiba anak nu sapi' ka' mee' ka' domba nu belemiu anu momona pino'anaknyo. Bau na han aijo' da sampe toka sidu-sidutu' belemiu saja' mompakalioi mongadati Tumpu Allah nu belemiu.

PO'ULE' INGULIT 15:19

“Anak nu sapi', mee' ka' domba lakinyo anu momona pino'anaknyo tionyo ahi' osombahkon hi Tumpu Allah nu belemiu. Sapi' aijo madi'mo timbali bau pohela' pajeko, ka' domba aijo' madi'mo timbali o kis.

PO'ULE' INGULIT 15:20

Sataun toka sataun belemiu salaigan tionyo ahi' mongkaan antoknyo i ahop nu Tumpu Allah nu belemiu i tampat anu pinile'anmo nu Tumpu.

PO'ULE' INGULIT 17:8

De daagi' ko palakala anu madi' opoko putusi nu to mia-mian kopian i sa'angu' na lipu' kalana talalo mahan, umpamanyo palakala nompateimo anu tinotonggolakon kabai madi' tinotonggolakon, pahantuda'an mongkona halata' kabai mompaha bela-belaimo butong nu samian, belemiu tionyo ahi' mambamo i tampat anu pinile'anmo nu Tumpu Allah nu belemiu.

PO'ULE' INGULIT 18:6

De daagi' ko mian nu Lewi anu nolengkat mae pa' i kota apaa anu daagi' i Israel tokamo mae i tampat anu pinile'anmo nu Tumpu ka' mongka'oho'mo jojoong ikiijo',

PO'ULE' INGULIT 23:16

Ia timbali jojoong i sala'sa'angu' na kota nu belemiu iya na anu pinile'annyomo, ka' belemiu boli mompokau ia talalomo osigohi.

PO'ULE' INGULIT 26:2

saba' isinyo momona nu ale' miu tionyo ahi' olimu' miu ka' o isi i basung, ka' oboa miu i tampat anu pinile'anmo nu Tumpu Allah nu belemiu.

PO'ULE' INGULIT 31:11

belemiu tionyo ahi' mombasa'akonmo daka-daka' atulan haha aijo' hi to mia-mian nu aha Israel anu toka mae monsombah Tumpu Allah nu belemiu i tampat anu pinile'an-Nyomo.

YOSUA 18:1

Noko lapas na nompatundu' lipu' anu jinanji'mo nu Tumpu, aha mian nu Israel iwi-iwi' sinihukmo i Silo, lantas aha nompaha pokonamo Kemah da bau katokaan nu Tumpu.

YOSUA 22:11

Aha mian nu Israel sangga'at nohongomo hi bubuu' bansa nu aha notatae, “Aha mian tulunan nu bansa Ruben, Gad tiba tulunan nu bansa Manasye anu i sasu kabete'an kiijo' mae i Kaunyo nu Yordan nompotinjomo sa'angu' na mezbah kiijo' i Gelilot koko Kaunyo nu Yordan panyo daagi' ninsoop da'erah-nto!” Sahingga aha iwi-iwi' sinihukmo i Silo kahanda'mo mamba mompahampateakon tulunan nu bansa Israel haha aijo' anu i sasu kabete'an kiijo' mae i Kaunyo nu Yordan.

YOSUA 22:16

Lantas aha nompoto'imo pongka'oho' nu mian iwi-iwi' anu pinalesayamo hi Tumpu, koonyo nu aha hi to mia-mian tulunan nu bansa Ruben, Gad tiba tulunan nu bansa Manasye, “Kadaka' belemiu nombaumo kalakuan anu ma'idek aiya hi Tumpu Allah Israel? Kalana belemiu nosi potinjomo mezbah, belemiu madi'mo mohongo-hongo Tumpu! Belemiu madi'mo nontuluti palentah-Nyo!

YOSUA 22:23

Tumpumo na mohukum kami, de kami ko kahanda' madi'mo mohongo-hongo Tumpu ka' mosi potinjomo mezbah na kami bau ponsombahkonan koloban anu opotunu kabai koloban gandum, kabai koloban bau pompodame.

YOSUA 22:27

panyo da timbali tanda hi kita, sambiha' ka' sambiha' ka' hi lee'to sinaimihinyo mae, taalu' kami aiya totu-totu'u monsombah Tumpu i Kemah anu katokaan-Nyo kalana momboamo koloban anu opotunu, palasombahan-palasombahan ka' koloban bau pompodame. Tiba jalan anu sumo aijo' lee' nu belemiu madi'mo montaloakon tukoonyo lee' mami madi' palesaya hi Tumpu.

YOSUA 22:29

Boli obata-batai kami madi' mongka'oho' panggaga hi Tumpu kabai madi'mo palesaya hi Ia, kalana nompaka baumo mezbah sangga'at ponsombahkonan koloban anu opotunu kabai koloban gandum, kabai apa-apaa na anu osombahkon, padahan kita daagi'mo ko mezbah nu Tumpu Allah i ahop nu Kemah anu Bau Katokaan nu Tumpu.”

YOSUA 9:27

Panyo aha oppotimbalimo posaihon – bau pongala kau' ka' bau pongasu uee nu aha mian Israel ka' i mezbah nu Tumpu. Sampe tempo' uuka aha daagi' mombau kalaja susumo aijo' i tampat anu pinile'anmo nu Tumpu da bau tampat ponsomban Ia.

1 SAMUEL 1:21

Tinokamo na tempo'nyo mule' i Elkana tiba aha salaigan po ule'mo mamba i Silo da monsombahkonmo koloban hi Tumpu susumo anu saja' obau sataun toka sataun. Ka' mule' i Elkana binalajanji'mo da monsombahkon koloban anu memang jinanji'nyomo.