PO'ULE' INGULIT 12:10 - KITAB NU TUMPU ALLA LELE MA'IMAI'

¹⁰ De opoko taapmo miu na Kaunyo nu Yordan Tumpu Allah nu belemiu montulungimo belemiu monjojoongi ka' tataapmo i tano' anu i santoanyo nu kaunyo aijo'. Ia na monjagai belemiu da boli nupoposia nu aha anu monsampobali' belemiu, ka' belemiu sanangmo na tumuu' madi' ko anu mompoposia.

PO'ULE' INGULIT 12:10 ပူးပေါင်းရင်းမြစ်များ

1 TOMU-TOMUNDO' 8:56

“O puji' na Tumpu anu nombee'imo mae ka'amanan hi mian anu pinalesayamo hi ia susumo anu jinanji'-Nyomo hi Musa posaihon-Nyo. Iwi-iwi' na anu ma'ima' anu jinanji'-Nyomo ginanapan-Nyomo.

1 TAWARIKH 22:18

Ia notatae, “Tumpu Allah nu belemiu montulungimo belemiu ka' nombee'imo kadamean ka' ka'amanan i songko-songko na lipu'. Ia nombee'imo kahosonan aku sahingga noko alamo nompatundu' iwi-iwi' bansa anu naipuan mae jinojoong i lipu' aiya. Tempo' uuka aha tinundu'mo hi beleyum ka' hi Tumpu.

MAZMUR 4:8

Belento lebemo nompolame' mae kinyonyoangku nolingkuduimo mian anu nohumpakmo isi nu ale' nu aha.

NOSABATMO 33:14

Tumpu notatae, “Belemiu Ku jagaije da mohumpak tano' anu jinanji'-Kumo.”

AMSAL 1:33

Panyo mian anu mompotombihing mae aku tumuu' ma'ima'. Ia tumuu' madi' ko anu mompoposia ka' madi' palalu mabuhuk.”

YEREMIA 23:6

De ia na mompalentah, mian nu Yehuda salamatmo ka' mule' mian nu Israel tumuu'mo madi'mo ko anu mompoposia. Tomundo' aijo' osanggohimo ‘Tumpu anu momposalamat Kita’.

YEREMIA 32:37

Po ule'mo Ku posihuk na bansa aiya lengkat mae ibansa iwi-iwi' tampat pipinongga'a-ga'atakonan-Ku aha kalana Aku pinusamo, ka' notambuha'mo hi aha. Aha Ku boamo mule' mae itampat aiya ka' Ku pobee'mo jojoong i aiya sahingga madi'mo ko anu mompoposia.

YEREMIA 33:11

Panyo itampat haha aijo' saidi' mae po ule'mo ohongo na lewo' nu mian anu lame' ka' anu binilahimo ka' mule' lewo' nu mian anu nombaumo babauon mo'osoa. Ka' ohongo mule' na nyanyian nu to mia-mian anu momboa koloban bau pontalima kase i Laigan-Ku. Aha motataemo, ‘Pontalima kasemo hi Tumpu Anu Balakuasa hondo, kalana Ia manonong ka' mule' kalibosan-Nyo sampe toka sidu-sidutu'.’ Lipu' aiya Ku pomajumo na kantumuu'an nu aha susumo momonanyo naipuan mae. Aku, Tumpu notataemo.”

YEHEZKIEL 28:26

Aha tumuu' madi'mo ko anu sola' mompoposia ikiijo' ka' mombaumo laigan, ka' mule' mombaumo ale' nu anggur. Ku hukumo na aha iwi-iwi' anu mompaha ohani tina aha sola-sola'mo nompopo ise' aha sahingga Israel jadimo sanang madi'mo ko anu sola' mompoposia. Sahingga nu sumbu'je nu aha taalu' Akumo ahi' na Tumpu nu aha.”

YEHEZKIEL 34:25

Aku mombaumo palajanjian tiba aha anu timbali otaha'imani monjagai aha. Ku laa'mo na binatang iwi-iwi' anu mahangas isongko-songko na lipu', sahingga to domba-dombang-Ku jojoongmo sanang i iwi-iwi na padang ka' lumukutmo i iwi-iwi na alas.

YEHEZKIEL 34:28

Aha madi'mo daagi otololangi nu to bansa-bansa anu madi' monsumbu' Aku, kabai nu sa'u nu to bina-binatang anu mahangas. Aha tumuu'mo ma'ima' ka' madi'mo daagi ko samian anu lewa' mompahatakut aha.

YEHEZKIEL 38:11

Beleyum montantukanmo montumbuhi lipu' anu madi' ko bentengnyo aijo', anu miannyo ikiijo' tumuu' madi' koanu mompoposia ka' ma'ima' isinin na kota' anu madi' ko pagannyo mesen ka' mule' anu madi' ko posadiaon bau pahampate.

YEHEZKIEL 38:8

Daagi' to pia-piangkuka na taun ia Ku palentahmo da montumbuhimo sa'angu' na lipu' anu ko miannyo jojoong ikiijo' po'u-po'ule'mo sinihuk sinule'akon mae lengkat hi aha bansang-bansang ka' jinojoongmo ilipu' aijo' ka' madi'mo ko anu sola' nompoposia. I Gog mongkuasaimo bungkutnyo iwi-iwi' nu aha Israel anu pininmo hondo na iliing ka' kahomo anu ihansun, panyo uuka aiya jinojoonganmo nu mian da'isan anu tinumuu' na'ima'.

PO'ULE' INGULIT 11:31

Madi'mo pin belemiu motaapmo i Kaunyo nu Yordan ka' monjojoongimo tano' anu binee'mo nu Tumpu Allah nu belemiu hi belemiu. De o alamo nu belemiu na tano' aijo' ka' jojoongmo ikiijo',

PO'ULE' INGULIT 3:27

Pindakomo i bawo nu Bungkutnyo Pisga ka' tanggalakon mokiijo' i sasu utara ka' selatan, mokiijo' i sasu kabete'an ka' kinsoban. Toa ima-ima' apaa na anu nu toa aijo' mae kalana beleyum madi'mo motaap i Kaunyo nu Yordan.

PO'ULE' INGULIT 33:12

Mongkona tulunan i Benyamin, ia notatae: “Aiyamo na tulunan nu bansa anu nukalibosi nu Tumpu. Ia monjagai aha pihi ka' malom ka' jinojoongmo hi aha.”

PO'ULE' INGULIT 33:28

Aha lee' mae i Yakub tumuu' madi' ko anu mompoposia i lipu' anu manjoo' hondo na gandum ka' anggurnyo, ka' nuhumpisi nu dondu'ok lengkat mae i langit.

PO'ULE' INGULIT 4:22

Madi'mo pin belemiu motaapmo mokiijo' ka' monjojoongimo tano' anu ma'omuk aijo': Panyo aku madi'mo mamba hingga-hinggat, kalana aku silakamo i aiya.

PO'ULE' INGULIT 9:1

“Potombihing mae to Utu-utus! Sinaa aiya belemiu motaapmo i Kaunyo Yordan da monjojoongimo da'erah nu to bansa-bansa anu lebe daka' ka' lebe mahoson molingkudui belemiu. To kota-kota nu aha anu toto daka-daka' tiba pagannyo mesen anu matangkas toka-toka i langit.

YOSUA 11:23

Songko-songko na lipu' aijo' pinatundu'mo i Yosua susumo anu pinalentahkonmo nu Tumpu hi Musa, ka' binee'mo hi bansa Israel tinimbalimo aha na tumpunyo. Lipu' haha aijo' binagi-bagimo ka' toto sa'angu' na tulunan nu bansa nohumpakmo sa'angu' na bahagian. Bansa Israel madi'mo lewa' nahampate ka' lipu' nu aha madi'mo ko anu lewa' mompoposia.

YOSUA 14:1

Uuka aiya monsisikakonmo mosia na lipu' Kana'an anu i sasu kinsoban Kaunyo nu Yordan binagi-bagiakonmo hi aha mian nu Israel. Anu nombagi-bagiakon tano' aijo' hi aha mian nu Israel i Imam Eleazar, i Yosua anak i Nun, tiba to tu'a-tu'anyo nu auwan anu hi aha tulunan nu bansa Israel.

YOSUA 4:12

Susumo anu pinalentahkonmo i Musa, to sulu-suludadu nu tulunan bansa Ruben, Gad ka' sambahagian na tulunan nu bansa Manasye nambamo momona notaap kaunyo.

1 SAMUEL 7:12

Lapas aijo' i Samuel nompotinjomo sa'angu' na batu i potempasan nu Mizpa tiba Sen. Ia notatae, “Tumpu nontulungimo kita totu-totu'u” – lantas batu aijo' sinanggohannyomo “Batu Nontulungi.”